Бишкекте Тез жардам кызматы эки унаа менен кагышты. Кырсыктан кийинки видео

230
Жол кырсыгы Лев Толстой менен Некрасов көчөлөрүнүн кесилишинде дүйшөмбү күнү саат 10.30дар чамасында болгон.

Бишкекте Тез жардам кызматынын унаасы менен Honda Odyssey жана Lexus үлгүсүндөгү унаалар кагышты. Бул тууралуу Sputnik Кыргызстан агенттигинин кабарчысына күбө билдирип, WhatsApp каналы аркылуу кырсыктан кийинки видеону жөнөттү.

Анын айтымына караганда, жол кырсыгы Лев Толстой менен Некрасов көчөлөрүнүн кесилишинде, 5-ноябрь күнү саат 10.30дар чамасында болгон. Анын кесепетинен жол тыгыны жаралган.

Жол кыймылы коопсуздугун камсыздоо башкармалыгы (ЖКККБ) аталган даректе жол кырсыгы катталганын тастыктап, окуя болгон жерге автоинспекторлор барганын маалымдашты.

Укук коргоо органдарынын өкүлдөрү медиктер менен байланышканда жол кырсыгына себепкер айдоочу чыгымды төлөп бермей болгонун билдиришкен.

Бактыга жараша, окуядан эч ким жабыркаган эмес.

230
Белгилер:
тез жардам, жол кырсык, Бишкек
Тема:
2018-жылы Кыргызстанда катталган жол кырсыктары (382)
Тема боюнча
Бишкекте Lexus LX 470тин үч унааны сүзүп качып кеткени видеого түшүп калган
Бир аял өлүп, үч киши ооруканада. Бишкектин жанындагы жол кырсыктын сүрөттөрү

Путин Конституцияга өзгөртүү киргизүү боюнча добуш берди. Видео

107
(жаңыланган 20:57 01.07.2020)
Бүгүн РФ Баш мыйзамына өзгөртүү киргизүү боюнча жалпы россиялык добуш берүү өттү. Иш-чарага Кыргызстандагы россиялыктар да катышты.

Россия президенти Владимир Путин № 2151 участокто добуш берди. Кечээ ал жалпы россиялыктарга кайрылып, маанилүү иш-чарага катышууга чакырган. Өлкө башчы өзгөртүүлөр элдин макулдугу менен гана кабыл алынарын белгилеген.

КРде Россиянын Баш мыйзамына түзөтүү киргизүү боюнча добуш берүү тилкелери жабылды

Добуш берүү биринчи жолу бир жумага чейин созулуп, 25-июндан 1-июлга чейин өттү. Алгач 22-апрелге белгиленип, бирок пандемиядан улам кийинкиге жылдырылган.

107
Белгилер:
Россия, эл, өзгөртүүлөр, конституция, Владимир Путин, добуш берүү
Тема боюнча
Бишкекте россиялыктар Конституциясын өзгөртүүгө добуш берүүдө. Сүрөт түрмөк
Путин Баш мыйзамга түзөтүү киргизүү боюнча добуш берди

Россия элчилигинде Баш мыйзамга түзөтүү киргизүүгө добуш берилүүдө. Видео

54
(жаңыланган 18:10 01.07.2020)
Кыргызстандагы россиялыктар төрт шаарда добуш бере алат. Ал эми борбор калаада элчиликтин имаратында өтүүдө.

Жарандар саат 20:00гө чейин добуш бере алышат. Өзү менен кошо Россия жараны экендигин тастыктаган документин алып келиши керек.

Эпидемиялык кырдаалдан улам элчилик шайлоочулардын коопсуздугун камсыздаган бардык чараларды көрдү.

Кирип бара жатканда антисептик колдонулууда. Аларга медициналык бет кап жана кол кап берип жатышат. Элчиликтин кызматкерлери сактануучу каражаттарды колдонууда.

Элчилик россиялыктарды төмөнкү даректер боюнча келип, добуш берүүгө чакырат:

  • Бишкек, Манас проспектиси, 55 (элчилик);
  • Ош, Камбаралы Бобулов көч., 77 (Башкы консулдук);
  • Кант, № 20022 аскердик бөлүк;
  • Каракол, № 87366 аскердик бөлүк.

Саат 14:00гө карата Кыргызстанда РФтин 2 855 жараны добуш бергендигин Sputnik агенттигине дипломатиялык өкүлчүлүктөн кабарлашты.

Путин Баш мыйзамга түзөтүү киргизүү боюнча добуш берди

Баш мыйзамга киргизилген өзгөрүүлөрдө президентке, өкмөткө жана ар кыл деңгээлдеги мамлекеттик кызматкерлерге талаптар жаңыланган. Жарандарга мамлекеттик социалдык кепилдиктерди бекитүү, парламенттин ыйгарым укуктарын өзгөртүү жана федералдык аймакты ажыратып алууга тыюу салуу, орус тилинин макамын бекемдөө каралган. Андан сырткары, бир беренесинде Кудай эскертилип, россиялык мамлекеттүүлүгүнүн өнүгүшү үчүн мураскерлик туурасында да айтылат.

Ошондой эле учурдагы иштеп турган мамлекет башчысына 2024-жылы кайрадан президенттик шайлоого катышууга мүмкүнчүлүк берет.

54
Белгилер:
элчилик, добуш берүү, конституция, Кыргызстан, Россия
Тема боюнча
Бишкекте россиялыктар РФ Конституциясына өзгөртүү киргизүү боюнча добуш беришүүдө
Бишкекте россиялыктар Конституциясын өзгөртүүгө добуш берүүдө. Сүрөт түрмөк
Аптека иш учурунда. Архив

Катуу жазаланат! Финпол дарыны кымбаттаткан дарыканаларды текшере баштады

0
(жаңыланган 12:36 02.07.2020)
Финансы полициясынын 1955 ишеним телефону иштеп жатат. Мындан тышкары, receivefinpol.gov.kg@gmail.com электрондук дарегине арыз менен кайрылууга болот.

БИШКЕК, 2-июл. — Sputnik. Экономикалык кылмыштарга каршы күрөшүү мамлекеттик кызматы айрым дарыканалардын дары-дармек баасын негизсиз жогорулаткан фактыларын аныктады. Бул тууралуу аталган органдын маалымат кызматынан кабарлашты.

Билдирүүгө ылайык, текшерүү учурунда коргоонуучу каражат, дарыларды бир нече эсеге кымбаттаткан фактылар табылган.

"Республика боюнча дарыканаларда баанын жогорулап кетпеши үчүн текшерүү иштери жүргүзүлүп жатат. Буга чейин ал аракеттер алдын алуу максатында уюштурулуп келген. Мыйзамсыз фактылар аныкталып, дарыкана ээлери катуу жазаланарын эске салабыз", — деп жазылган маалыматта.

Министрлик: дары-дармек жетиштүү, дүрбөлөңгө түшпөгүлө

Дары-дармектин кымбаттап кеткен фактыларына күбө болгондор Финансы полициясынын 1955 ишеним телефон номерине жана receivefinpol.gov.kg@gmail.com электрондук дарегине арыз менен кайрыла алышат.

Эскерте кетсек, дары-дармектин кымбаттап жатышы акыркы убакта курч маселеге айланууда. Бул боюнча Республикалык штабдын жыйынында премьер-министр Кубатбек Боронов да айтып, айрым адамдардын ушундай оор кырдаалдан киреше көрүү максаты туура эмес экенин эскерткен.

0
Белгилер:
баа, финансы полициясы, дары-дармек, Кыргызстан
Тема боюнча
Өкмөт коронавирустан сакайтчу дарыларга баанын өсүшүн чектөөгө киришти