Толкун ресторандын ичин каптаганда... Италияда тартылган видео

665
(жаңыланган 10:35 08.11.2018)
Ресторандын кызматкерлери бул күнү жаан-чачын болорун билгени менен мындайды күткөн эмес.

Италиянын түндүгүндөгү Аренцано шаарында болгон катуу толкун деңиз жээгиндеги ресторандын эшик-терезесин талкалап, ичин сууга толтурду. Бул тууралуу The Daily Mail жазды.

Видео байкоого тартылып калган кадрдан жумушчулар ресторанды тазалап-жыйнап жатканда ичине толкун урат. Келе жаткан сууну эшиктерди жаап, тосуп калуу аракетинен майнап чыкпады.

Мунун кесепетинен ресторандын ээси Жовонна Дэймонтка айнектин сыныгы тийип ооруканага жаткан.

Италиянын Метеорология агенттиги бул күнү деңиз жээктериндеги шамалдын ылдамдыгы саатына 150 чакырымга жетээрин эскерткен. Ал эми толкундун бийиктиги алты метрге чейин көтөрүлгөн.

665
Белгилер:
ресторан, толкун, жаан-чачын, Италия
Тема боюнча
Индонезиядагы авиакырсык: тирүү калгандар жок
Пикирлер