Түркияда мукураган кыргыздардын ата-энеси Миграция кызматынын эшигин какты. Видео

1502
(жаңыланган 12:36 22.11.2018)
Түркияга иштегени барган 26 кыргызстандык жаранга үч айдан бери маяна төлөнбөй, мекенине кайтуусуна билет ала албай жатышат. Мекендештердин ата-энелери жана туугандары Бишкектеги Миграция кызматынын маалыматтык-консультациялык борборуна арызданып барышты.

Басымдуу бөлүгү жаштар түзгөн кыргызстандыктар "Фиеста Сервис" жумушка орноштуруу компаниясы аркылуу ушул жылдын июнь айында Анталия провинциясынын Кемер шаарына барып, "Авангард" деген мейманканада иштеген.

Белгилей кетсек, Sputnik Кыргызстан агенттиги 16-октябрда Түркияга иштегени барып алданып калган 46 мекендеш тууралуу жазган. Көп өтпөй эле аларга айлык төлөнүп жана мекенине жөнөтүлө баштаганы кабарланган. Бирок анда 17 адамды гана жөнөтүп, калганынын маселеси чечилбей калганы аныкталды.

Арызданган улан-кыздардын бири Бактыбек Рахатбек уулу иштеген мейманканасы 4-ноябрда эле жабылганын айтты. Андан бери 16 күн өтсө да айлык акы берилген эмес.

Миграция кызматына кайрылган Гүлмира Айдаралиева 20 жаштагы уулун 18-ноябрда жөнөткөн. Ал "Фиеста Сервис" компаниясынан тез арада баласын алып келип берүүнү талап кылууда.

"Балам студент, окуусунан суранып кеткен болчу. Эртең-бүрсүгүнү айылык берет экен деп жатып ушуга чейин созулуп кетти. 26сы тең үч айдан бери маяна да, билет да ала албай 16 күндөн бери жатышат. Анын арасында улан-кыздар, 30-40 жаштагы аялдар бар. Эгер бул маселе чечилбесе, прокуратурага дагы кайрылабыз", — деди Айдаралива.

Ошол учурда "Фиеста Сервис" компаниясынан жетекчиси Канат Чынботоев да келип калды. Ал кыргызстандыктар иштеген мейманкана банкротко учурагандыктан ушундай кырдаал жаралганын айтууда. Бирок ишембиге, тагыраагы 24-ноябрга чейин маяналары колуна тийип, Бишкекке келет деп убадалады.

"Өзүбүз да, консулдуктан да барып мейманкананын жетекчилери менен сүйлөшүп жатабыз. 4-ноябрда мейманкана жабылганы менен өздөрү андан кийинки оңдоп, сырдоо иштерин жасоого макул болуп калышкан. Буга да айлык төлөнөт. Анан 20-ноябрда иштен толук чыгышмак. Учурда жарандарыбыздын жатакана, тамак-ашын ошол мейманкананын жетекчилиги камсыздоодо. Эмгек акыларын сөзсүз түрдө алып беребиз", — деди Чынботоев.

Ошондой эле ал компания ар бир адамды жумушка орноштурууга 250 доллар кызмат акы аларын, бирок арызданып жаткандарды карызга жөнөткөнүн кошумчалады. Ал акчасын азыркыга чейин ала албай жүргөнүн айтты.

Чынботоевдин айтымында, "Фиеста Сервис" компаниясы былтыр ноябрь айында түптөлгөн.

Эскерте кетсек, Кыргызстанда жарандарды чет өлкөгө жумушка орноштуруу менен алектенген 75 жеке компания бар. Алар быйылкы жылдын алты айында 4649 адамды 14 өлкөгө жиберген.

Сизди чет өлкөгө жөнөткөн компания убадасынан тайып, келишимдеги шарттарды аткарбаса эмне кылуу керек?

— Сиз барган өлкөнүн ичиндеги Кыргызстандын элчилигине, консулдугуна кайрылыңыз.

— Мамлекеттик миграция кызматынын Маалыматтык-консультациялык борборунун сайтына электрондук арыз жөнөтүңүз.

— Тышкы иштер министрлигинин сайтына даттануу жазыңыз. Анда кырдаал тууралуу кыскача айтып, дарегиңизди үйдүн номерине чейин так көрсөтүп, байланышуу жолдорун (телефон номер, электрондук почта) калтыруу керек.

Арызыңыз түшкөндөн кийин сизди жөнөткөн жеке компания бир жолу эскертүү алат. Экинчисинде ишмердүүлүгү токтотулуп, лицензиясынан ажыратылат. Ошондой эле 70 миң сомдук айып пул салынат.

Буга чейин алдамчылардын торуна түшүп, миграция азабын тарткан Түркиядагы кыргыз кыздарынын тагдыры тууралуу жазганбыз.

1502
Белгилер:
Анталия, Мамлекеттик миграция кызматы, миграция, компания, алдамчылык, маяна
Тема боюнча
Бармак тиштеп каларың бат эле. Миграция азабын тарткан Түркиядагы кыргыз кыздары
Улан-кыздарды кууратты деген компанияга эми Анталиядан арызданышууда

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!

Аскар Акаев УКМКдан чыкты. Видео