Кытай: мугалимин 20 жылдан кийин кармап алып урган жигиттин видеосу

2786
(жаңыланган 21:00 27.12.2018)
Мурдагы мугалимин кармап алып, өч алуу максатында ур-соккуга алган жигиттин окуясы социалдык тармак колдонуучуларынын кыжырын кайнатты.

Окуя Кытайдын Хэнань провинциясындагы Лоян шаарында болгондугун The Daily Mail басылмасы жазды.

Окуя мотороллер менен кетип бара жаткан кишини 30 жаш чамасындагы жигит токтотуп алып, суракка алганы менен башталган. Ал жашап калган берки кишиден "мени эстедиңби" деп сурап жатат. Ал жигиттин ким экендигин эстегенче, жаакка чаап жибергендигин көрүүгө болот.

Жашыраак эркек мурдагы мугалими бир кезде, мындан 20 жыл мурда, аны урганын эске салып, мотороллерчонду ур-соккуга алып, койгулай баштайт. Анын мындай агрессиясы мугалим кечирим сурагандан кийин гана токтогон.

Маалыматта жигит кичинекей окуучу кезинде сабакта уктап калганы үчүн жазаланып, тизелеп отуруп, мугалимден 10 жолу башка жегени айтылган.

30 жаштагы ал жигиттин мындай кылыгы Кытайдагы социалдык тармактын жаалын келтирген. Бул окуя интернетке тарап кеткенден кийин полиция аны коңшу шаарга чыгып кетүүгө үлгүртпөй кармаган.

2786
Белгилер:
Кытай, мугалим, окуучу, өч алуу, полиция, социалдык тармак
Тема боюнча
Кытайда айдоочу менен аялдын мушташынан автобус көпүрөдөн кулап кетти. Видео
Баш көтөргүс болду. Кытайда майыпмын деп элди алдаган киши кантип жазаланды?

Рахмондун сыйын көргөн президенттер. Достук кеченин видеосу

1095
(жаңыланган 14:24 17.09.2021)
Өкмөт үйүнүн атайын бөлүнгөн аймагында Эмомали Рахмон конокторго айыл чарба продукцияларынын көргөзмөсүн көрсөткөн.

ЖККУ жана ШКУга мүчө мамлекеттердин Душенбедеги Өкмөт үйүндө өткөн жыйыны аяктагандан кийин Тажикстандын президенти Эмомали Рахмон келген конокторго достук кечесин уюштурду. Бул тууралуу Sputnik Тажикстан агенттиги президенттин маалымат кызматына таянып кабарлады.

  • Президент Таджикистана Эмомали Рахмон организовал неофициальный банкет в честь глав государств — членов ОДКБ и ШОС, а также почетных гостей мероприятий.
    ЖККУ жана ШКУга мүчө мамлекеттердин Душенбедеги Өкмөт үйүндө өткөн жыйыны аяктагандан кийин Тажикстандын президенти Эмомали Рахмон келген конокторго достук кечесин уюштурду
  • Выставка сельскохозяйственной продукции и национальных блюд в резиденции президента Таджикистана Эмомали Рахмона
    Билдирмеге караганда, Өкмөт үйүнүн атайын бөлүнгөн аймагында Эмомали Рахмон конокторго айыл чарба продукцияларынын көргөзмөсүн көрсөткөн
  • Выставка сельскохозяйственной продукции и национальных блюд в резиденции президента Таджикистана Эмомали Рахмона
    Анда мөмө-жемиш, кургатылган жемиш, коон, дарбыз жана өлкөнүн улуттук тамак-ашы өзгөчө кооздолуп коюлган
  • Президент Таджикистана Эмомали Рахмон организовал неофициальный банкет в честь глав государств — членов ОДКБ и ШОС, а также почетных гостей мероприятий.
    Кечеге Беларусь башчысы Александр Лукашенко, Өзбекстандын президенти Шавкат Мирзиёев, Казакстандын башчысы Касым-Жомарт Токаев, Кыргызстандын президенти Садыр Жапаров, Армениянын премьер-министри Никол Пашинян жана Пакистан ислам республикасынын өкмөт башчысы Имран Хан катышты
  • Президент Таджикистана Эмомали Рахмон организовал неофициальный банкет в честь глав государств — членов ОДКБ и ШОС, а также почетных гостей мероприятий.
    Достук кечеси Тажикстандын Эгемендүүлүгүнүн 30 жана Шанхай кызматташтык уюмунун 20 жылдыгына арналган.
1 / 5
ЖККУ жана ШКУга мүчө мамлекеттердин Душенбедеги Өкмөт үйүндө өткөн жыйыны аяктагандан кийин Тажикстандын президенти Эмомали Рахмон келген конокторго достук кечесин уюштурду

Билдирмеге караганда, Өкмөт үйүнүн атайын бөлүнгөн аймагында Эмомали Рахмон конокторго айыл чарба продукцияларынын көргөзмөсүн көрсөткөн. Анда мөмө-жемиш, кургатылган жемиш, коон, дарбыз жана өлкөнүн улуттук тамак-ашы өзгөчө кооздолуп коюлган.

Кечеге Беларусь башчысы Александр Лукашенко, Өзбекстандын президенти Шавкат Мирзиёев, Казакстандын башчысы Касым-Жомарт Токаев, Кыргызстандын президенти Садыр Жапаров, Армениянын премьер-министри Никол Пашинян жана Пакистан ислам республикасынын өкмөт башчысы Имран Хан катышты.

Достук кечеси Тажикстандын Эгемендүүлүгүнүн 30 жана Шанхай кызматташтык уюмунун 20 жылдыгына арналган.

Маалым болгондой, коноктор жылуу, достук маанайда сүйлөшүп, меймандостугу үчүн Тажикстан президентине ыраазычылык билдиришкен.

1095
Белгилер:
Тажикстан, ШКУ, ЖККУ, конок, сыйлоо, Эмомали Рахмон
Тема боюнча
ЖККУ жыйыны. Жапаров кыргыз-тажик чек арасы боюнча маселени козгоду
Эмомали Рахмон Жапаровду "Улут сарайынан" тосуп алды. Сүрөт
ЖККУ өлкөлөрү аскердик полиция түзүүнү көздөгөн келишимге кол коюшту

Кол салган кушту тоголото сүзүп, тоокту сактап калган текенин видеосу

174
Чакан фермалардын биринде асмандан кол салып, тоокту илип кетүүгө аракеттенген карчыга куштун короз менен теке шаштысын кетирип, акырында качууга мажбур кылган.

Чакан фермалардын биринде асмандан кол салып, тоокту илип кетүүгө аракеттенген карчыга куштун короз менен теке шаштысын кетирип, акырында качууга мажбур кылган.

National Geographic Россия" сайты бул кызыктуу окуя Нидерланддардагы чарбалардын биринде болгонун жазды.

Байкоо жүргүзүп туруу үчүн орнотулган камерага түшкөн бул нерсе адам эмес, айбандарда да биримдик, кооптуу учурда жардамга келүү сезими бар экендигин көрсөткөн.

...Тосулган айдыңда кукулуктап бейкапар оттоп жүргөн тоокту кайдан-жайдан келгени белгисиз куш качырып сала берген. Экөө алышып, жүндөрү чар тарапка учуп калганда биринчилерден болуп жардамга короз чуркаган. Ал кушту чокулап, кандуу чеңгелинен тоокту куткарып алууга аракет кылган. Бир аздан кийин оттоп жүргөн Бруин аттуу теке чуркап келип, "короолошун" мыкчып, тырпыратып жаткан "душманды" тоголото бир нече ирет сүзгөн. Мындай каршылыкты күтпөгөн карчыга куш тоокту илип кетмек турсун, кара жанын араң алып качып, далбастап учуп кетип кутулган.

Видео ажалдан калган тоок менен анын шериги короздун кепесине кире качып, ал эми катуу кармаштан улам ала салып кеткен Бруиндин эч нерсе болбогондой туруп кетип бара жатканы менен аяктаган.

Ферманын ээси 59 жаштагы Яап Битс (Jaap Beets) бул жерди байырлаган жети жылдан бери жапайы куш үй канаттууларга кол салган төртүнчү окуя экенин айтып берген.

174
Белгилер:
коргонуу, тоо теке, тоок, куш, Нидерланды
Тема боюнча
Ажатканага барганды үйрөнгөн музоолор. Кызык учурдун видеосу
Кудум кишидей. Ийнеликтин "жуунуп" жаткан видеосу
Председатель КНР Си Цзиньпин слушает премьер-министра Японии Синдзо Абэ во время встречи в Большом Народном зале в Пекине. 23 декабря 2019 года

Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр

0
(жаңыланган 16:14 17.09.2021)
Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Эми Кытай бул тажрыйбаны башкалар менен бөлүшүүнү көздөп жатат.

БИШКЕК, 17-сен. — Sputnik. Кытай Шанхай кызматташтык уюмуна мүчө мамлекеттердин жарандарына жакырчылык менен күрөшүү боюнча билим алуу үчүн 1 000 квота берет. Бул тууралуу өлкө башчысы Си Цзиньпин Душанбе шаарында өтүп жаткан ШКУ саммитинде айтканын РИА Новости жазды.

"Алдыдагы үч жыл ичинде Кытай ШКУга мүчө мамлекеттерге 1 000 квота берүүгө даяр. Ага илинген балдар жакырчылыктан чыгуунун жолун издеген кесиптер боюнча билим алат", — деп айтылат кабарда.

Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Акыркы сегиз жыл ичинде коңшу өлкөдө 100 миллиондой адам итке минген абалдан чыгарылган. Мунун аркасы менен Кытай БУУнун жашоону жакшыртуу программасына ылайык алдыга коюлган максатка жеткен.

ШКУ — 2021-жылы түзүлгөн эл аралык уюм. Ага Кытай, Россия, Казакстан, Тажикстан, Кыргызстан жана Өзбекстан кирет.

0
Белгилер:
Кытай, ШКУ, жакырчылык, квота, билим берүү
Тема боюнча
ЖМК: Си Цзиньпин Байдендин жолугушуу тууралуу сунушун кабыл албай койду
Байден: Си Цзиньпин Кытай Америкага 15 жылда ээлик кыларына ишенүүдө
Си Цзиньпин кесиптеши Садыр Жапаровду Кытайга чакырды