Кыргызстандык мигрант кыздын жан чыдагыс жашоосу. "Айка" тасмасынын трейлери

2284
(жаңыланган 21:09 06.01.2019)
Кыргызстандык мигрант кыздын тагдырын баяндаган Сергей Дворцевойдун "Айка" драмалык тасмасынын трейлери чыкты.

Kinopoisk.ru порталы билдиргендей, кинонун трейлерин "Вольга" компаниясы жарыялаган. Тасма 14-февралдан тарта кинотеатрлардан көрсөтүлө баштайт.

Картинадан Кыргызстандан жумуш издеп барган мигрант кыздын Москванын суугуна урунуп жүргөнүн көрүүгө болот. Россиянын борбору ага жагымсыз жана кунарсыз болгонуна карабай, эптеп жан багуу үчүн баарына даяр болгон. Жада калса көз жаргандан кийин ымыркайын төрөтканага таштап качып кетет. Бирок Айка жан дүйнөсүндөгү оор жүктү көтөрүп андан ары жашай аламбы деп санаасы санга бөлүнөт.

"Айка" тасмасында миграция азабын тарткан кыргызстандык жаш келиндин тагдыры чагылдырылган. Аталган фильм буга чейин Канндагы фестивалда элге жаккан эмгектердин бири болгон. Ал эми андагы баш каармандын образын ачып берген казакстандык актриса Самал Еслямова "Аялдын мыкты ролу" номинациясын алган.

Мындан сырткары, "Оскар" сыйлыгынын "Чет тилдеги мыкты тасма" категориясынын кыска тизмесине илинген.

Режиссер Дворцевой кыргыз мигрант кызынын ролун эмне үчүн казак актрисасы ойногондугун биз менен болгон интервьюда айтып берген.

2284
Белгилер:
миграция, кино, "Айка" тасмасы, Сергей Дворцов
Тема боюнча
"Айканын" режиссеру мигрант кыргыз кызды эмнеге казак актрисасы ойногонун айтты
Самал Еслямова: "Айка" боюнча мага бир гана адамдын пикири баалуу