Көчөдө түкүрүнгөн дагы эки милиционер видеого түшүп калды

4107
(жаңыланган 00:27 12.01.2019)
Роликти окурман 9-январь күнү саат 17.53тө тартып алган.

Бишкектеги №1 СИЗОнун кире беришинде эки милиционер чылым чегип, түкүрүнүшкөн. Окуянын видеосун окурман Sputnik Кыргызстан агенттигине WhatsApp каналы аркылуу жөнөттү.

Кадрда көрүнүп тургандай, милициянын формасын кийген кишинин тамекисин жөнөкөй жаран күйгүзүп берген. Анын жанында капюшон кийип турган киши дагы чылым чегип жатат. Экинчи видеодо ошол эле милиционер формачан башка эркектин жанына басып барат. Анысы дагы телефон аркылуу сүйлөшүп бүткөндөн кийин жерге түкүрүп коет.

Эске салсак, буга чейин жарандар көчөдө түкүрүп, чылым чеккен милиционерди видеого түшүрүп алышкан. Көп өтпөй анын ким экени жана кайсы жерде иштээри аныкталган.

4107
Белгилер:
видео, чылым, милиционер, Бишкек
Тема:
Түкүргөндөргө салынган айып пул (22)
Тема боюнча
Милициянын формасын кийген киши көчөдө беш ирет түкүрдү. Күбөнүн видеосу
Көчөгө түкүрүнгөн милиционердин аты-жөнү жана иштеген жери аныкталды

Таластын тургуну Кызыл китепке кирген биргазан кармап алды. Видео

217
(жаңыланган 17:53 29.10.2020)
Мамэкотехинспекция браконьерлик кылгандар жазаланарын эскертип, айлана-чөйрөгө аяр мамиле жасоого чакырды.

Талас облусунун Кара-Буура районуна караштуу Кайнар айылынын тургуну тоо этегинен Кызыл китепке кирген кызгылт биргазан (пеликан) канаттуусун кармап алган.

Ал канаттуу уча албай калганын көрүп, 28-октябрда Мамлекеттик экотехинспекциясынын кызматкерлерин чакырган. Андан соң биргазанды Талас облусу боюнча региондор аралык башкармалыгына тапшырган.

"Жаныбарлар дүйнөсү жөнүндө" мыйзамына ылайык, сейрек кездешүүчү кызгылт биргазанды реабилитация кылуу максатында жеринде акт түзүлүп, "Бугу эне" коомдук фондуна өткөрүп берилген.

Кыргызстандагы зоопарктар карантинде кандай күн көрүп жатат

Ошону менен бирге Мамэкотехинспекция мыйзамсыз браконьерлик кылгандар жазага тартыларын эскертип, айлана-чөйрөгө аяр мамиле жасоого чакырат.

217
Белгилер:
Талас облусу, реабилитациялоо, кармоо, канаттуулар
Тема боюнча
БУУ Кыргызстанда жарадар болгон илбирске жардам бермей болду

Жарык жапырт өчкөндөн кийинки ТЭЦтеги абал. Видео

267
(жаңыланган 15:17 29.10.2020)
Бишкек шаарында болжол менен 13:10дор чамасында Бишкектин бир топ жеринде электр кубаты өчүп калды. ТЭЦтен азыр уюлгуган буу чыгып жатат.

Sputnik Кыргызстан агенттигинин кабарчысы окуя болгон жерден түз эфир кылууда. Азыр борбор калаада жарык берүү жанданып, бирок кайра өчүп калууда.

267
Белгилер:
жарык өчүрүү, ТЭЦ, Бишкек
Тема боюнча
ТЭЦтен катуу үн чыгып, буу чыга баштады. Видео
Тез жардам кызматы. Архив

Кара-Суу: чакырылган тез жардам унаасы талкаланып, кызматкерлер качып кутулду

0
(жаңыланган 22:27 29.10.2020)
Териштирүү иштеринде медиктердин унаасынын терезесин талкалаган адам мас болгону аныкталып, өзү кызматкерлер кеч келгени үчүн мындай кадамга барганын айткан.

БИШКЕК, 29-окт. — Sputnik. Кара-Суу районунда чакырууга барган Тез жардам кызматынын унаасын талкалап салышты. Бул тууралуу Sputnik агенттигине Ош шаардык Тез жардам кызматы билдирди.

Ага ылайык, бүгүн, 29-октябрда, саат 18:30дар чамасында Кара-Суу районунун Бирлешкен айылынын тургуну апасынын кан басымы көтөрүлгөндүктөн Тез жардам кызматын чакырган.

"Унаа 11 мүнөттүн аралыгында жетип барып, аялдын кан басымын өлчөп жатканда медиктерди чакырган жаран айдоочуну ур-токмокко алган. Андан соң автоунааны талкалап салган. Ал жерден фельдшер менен айдоочу араң качып чыгышкан", — деп айтылат маалыматта.

Түндө Бишкекте тез жардам унаасы оодарылып, 4 киши жабыркады. Видео

Ош облустук милициясынын билдиришинче, териштирүү иштеринде медиктердин унаасынын терезесин талкалаган 56 жаштагы киши мас болгону аныкталып, өзү мындай кадамга кызматкерлер кеч келгени үчүн барганын айткан. Учурда ал Кара-Суу РИИБге алынып келип, сурак берүүдө. Ошондой эле Тез жардам кызматынын айдоочусу менен дарыгери көрсөтмө берип жатышат.

Аталган окуя Кара-Суу РИИБ тарабынан Кылмыш жана жоруктардын бирдиктүү реестрине "Ээнбаштык" беренеси менен катталып, сотко чейинки өндүрүш иши башталды.

0
Белгилер:
айдоочу, тез жардам, Кара-Суу району
Тема боюнча
Араванда милиционерди себепсиз уруп жиберди делген киши кармалды