Уурулар уят болгондо! Кымырып бараткан телевизор автоунаага батпай калган видео

1345
(жаңыланган 20:32 29.01.2019)
Даллас шаарынын Полиция департаменти соцтармакка ишке ашпай калган уурулуктун видеосун таратты.

Ал учур YouTube каналына жайгаштырылган.

Видеодон эки жаш жигит капкара жолтандабас менен эшиктин алдына келип токтоп, шапа-шупа үйгө кирип, чакан тиричилик техникасын көтөрүп чыккан. Экинчи ирет каттап, көлөмдүү телевизорду алып чыгып, жолтандабаска салууга аракет кылганы менен ал батпай койгон. Салонго, андан кийин багажга салууга жасаган аракети текке кеткен.

Акыры шаабайы сууган уурулар телевизорду кайрадан үйгө алып кирип, андан ары жолун улаган. Маалыматта полиция уурдалган жолтандабасты коңшу кварталдан тапканы, ал эми колу туткактар изделип жатканы айтылган.

1345
Белгилер:
телевизор, уурулук, полиция, Даллас, АКШ
Тема боюнча
Жүрөгү тоо неме го? Куинджинин сүрөтү уурдалып кеткен учурдун видеосу
Финляндия ТИМи Кыргызстанга берем деген 400 миң еврону уурдатып ийди

Макгрегор менен Порьенин жакында болчу беттешине арналган видео

52
(жаңыланган 12:17 14.06.2021)
UFC өзүнүн YouTube каналына Дастин Порье менен Конор Макгрегордун боло турган үчүнчү беттешине арналган проморолик чыгарды.

Мушкерлер 11-июлда Лас-Вегаста өтө турган UFC 264 турниринде беттешет. Алардын октагондо жолугушуусу аталган иш-чаранын башкы окуясы болот.

Буга чейин Порье атаандашы Макрегор менен кармашуу үчүн титулдук беттештен баш тартканы анык болгон. Ал Хабиб Нурмагомедов кеткенден кийин бошогон жеңил салмактагы орун эле.

Кийинчерээк чемпиондук титулду бразилиялык Чарльз Оливейра атаандашы Майкл Чендлерди жыга коюп жеңип алган.

Дастин Порье менен Конор Макгрегордун биринчи кармашы 2014-жылы сентябрь айында болгон. Анда Макгрегор атаандашын биринчи раундда жеңип чыккан. Экинчи кармаш 2021-жылдын январында өтүп, Порье техникалык нокаут менен уткан эле.

52
Белгилер:
беттешүү, UFC, Конор Макгрегор, Дастин Порье
Тема боюнча
Жети секундда сулата чапты. UFC 263 мелдешинин урунттуу учурларынын видеосу
UFC Вегас 28 турнириндеги кызыктуу кармаштардын видеосу

Кылыч менен торт кескен Елизавета IIнин видеосу

104
(жаңыланган 11:14 14.06.2021)
Чоң жетиликтин башчыларынын кездешүүсүнүн урматына өткөн иш-чарада ханыша Елизавета II өз колу менен торт кести.

Улуу Британия ханышасы Елизавета II G7 саммитинин катышуучуларын тортту адаттагыдан башкача кесип таң калтырды. Иш-чара Корнуолл графтыгында болгон.

Видеодон Елизавета IIнин кылыч көтөрүп басып келе жатканын көрүүгө болот. Жакшылап караган киши ал салтанаттарда пайдаланчу кылыч экенин байкайт.

Бул иш-чара саммиттин башталышында Корнуоллдогу "Эдем долбоору" деп аталган ботаникалык бакчанын аймагында болгон. Ханышаны келиндери Камилла Паркер-Боулз жана Кэтрин Миддлтон коштоп жүргөн.

Елизавета II ал жерде тургандарды тамашасы менен жылмайткан. Ханышага тортту кескенге адаттагы эле бычак бар экенин айтышканда, "билем, бирок бул адаттагыдан башкачараак да" деп тамашалаган.

Ханыша азыр 95 жашта.

Чоң жетиликтин саммитинин ачылышы (G7) жума күнү Англиядагы Карбис-Бэй шаарында болгон.

104
Белгилер:
тамаша, торт, кылыч, Елизавета II, Улуу Британия
Тема боюнча
100 жашка чыккан. Ханыша Елизаветанын жубайы Филипп II көз жумду
Британия ханышасы Елизавета II Садыр Жапаровду куттуктады
Россияда көк бөрү боюнча эл аралык мелдеш

Россиядагы көк бөрү турнирин Москва командасы утуп алды. Сүрөт

0
(жаңыланган 16:46 14.06.2021)
Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты.

БИШКЕК, 14-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды.

Баш байгеге Айтматовдун кубогу ойнотулуп, аны Москва командасы утуп алды.

  • Команды во время международного турнира по кок-бору в России на кубок Чингиза Айтматова. 14 июня 2021 года
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды
    © Фото / пресс-служба Федерации кок-бору Кыргызстана
  • Команда из Московской области  выигравшая международный турнир по кок-бору в России на кубок Чингиза Айтматова. 14 июня 2021 года
    Баш байгеге Айтматовдун кубогу ойнотулуп, аны Москва командасы утуп алды
    © Фото / пресс-служба Федерации кок-бору Кыргызстана
  • Команды во время международного турнира по кок-бору в России на кубок Чингиза Айтматова. 14 июня 2021 года
    Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты
    © Фото / пресс-служба Федерации кок-бору Кыргызстана
1 / 3
© Фото / пресс-служба Федерации кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды

Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты. Көк бөрүнүн маанисин эл аралык аренада көрсөтүп берүү үчүн Москва, Иркутск жана Подольск шаарларындагы командалардын ар бирине экиден кыргызстандык көк бөрүчү кошулуп ойноду.

Жарым финалда Подольск командасы "Атуул" (Кыргызстан) менен беттешип, 12:2 эсеби менен 3-орунду ээледи. Ал эми финалдык беттеште Москва облусунун командасы Иркутскинин улакчыларын 4:1 эсебинде утуп, баш байгеге ээ болду.

Мындан тышкары, Москва командасынан Бообек Шекербек уулу турнирдин мыкты оюнчусу, Иркутскинин "Бойка" аттуу аргымагы мыкты ат наамына татыды.

Сыйлоо аземине Көк бөрү федерациясынын президенти Искендер Кадыркулов, Спорттун улуттук түрлөрү боюнча дирекциянын директору Айбек Ажигулов жана Россия элдеринин ассамблеясынын аткаруу комитетинин төрагасынын орун басары Назиржон Абдуганиев катышкан.

Спорттун улуттук түрлөрү боюнча дирекция аталган турнирге катышуу үчүн 12 улакчыны Москвага жөнөткөн.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлдү. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурган.

0
Белгилер:
турнир, мелдеш, Көк бөрү, Россия
Тема боюнча
Россияда Айтматов атындагы эл аралык көк бөрү мелдеши башталды
"Русский мир" фестивалында көк бөрү мелдеши өтөт