Кыздарым чоңойгончо аман турсам экен... Бөйрөгү жабыркаган ата элден жардам сурайт

3092
(жаңыланган 14:57 01.02.2019)
39 жаштагы Турсунбек Качагаев коомчулуктун көмөгүнө муктаж. Жакын арада чет өлкөгө барып бөйрөгүн алмаштыруусу кажет, бирок керектүү каражат чогулбай жатат.

Бейтаптын жашоо-турмушу, ал-абалы менен Sputnik Кыргызстан таанышып, кайрылуусун коомчулукка чыгарды.

Турсунбек Качаганов илдетине байланыштуу иштебейт. Дарыгерлер оор жумуш жасоого такыр эле тыюу салган. Ал тургай күзөтчү да боло албайт.

"Жаныбыздагы соода дүкөнгө күзөтчү болуп кирип алайын десем, бул оору менен көп отурганга, турганга, көп басканга да болбойт экен. Ысык-сууктан да этият болбосо, ооруну ырбатып жиберишим мүмкүн. Азыр кирди-чыкты болуп эле үйдөмүн. 3 жана 5 жаштагы эки кызыбыз бар. Ошолорду бакчага ташыйм, апасы дем алыш күндөрү да иштеп калгандыктан, кыздарды карап калам. Анын үстүнө бир жумада үч жолу гемодиализге барам", — деди бейтап.

Буга чейин Качаганов жүк ташуучу унаа айдап иштечү. Дартынан улам ал жактан кеткенге аргасыз болгон.

"Такси кызматында иштеп жүрүп, кийин Кара-Кечеге барып көмүр ташып калдым. Көрсө, меникиндей оору менен жүк ташуучу унаа айдоого такыр эле болбойт экен. Негизи кичине кезимде бөйрөгүм ооруп калчу. Бирок маани деле берчү эмесмин. Кийин Кара-Кечеге каттап жүргөндө демим кысылып, дене табым көтөрүлүп, гемодиализге жатып калдым. Андан бери 4 жыл өттү, оору менен алышып жүрөм. Гемодиализ алып деле жүрө берсе болот, бирок аны менен көпкө жетпей калышым мүмкүн. Жашмын, балдарым кичинекей, үй-бүлөмдү багышым керек, кыздарымдын чоңойгонун көргүм келет. Ошондуктан дарыгерлер тезинен трансплантация кылдыр дешти", — деди Качаганов.

Бейтапка бөлөсү донор болууга макулдугун берген. Мындай операция Түркияда жасалгандыктан учурда ага 35 миң доллардын тегерегинде каражат чогултуусу зарыл болуп жатат. Бирок карапайым үй-бүлөгө мындай ири суммадагы каражат табуу кыйынчылык жаратууда.

"Келинчегим ЖОЖдордун биринде окутуучу болуп иштейт. Бюджетте иштегендердин айлыгы аябай деле көп эмес. Ошентсе да анын тапкан-тергени тамак-ашыбызга кетет. Азыр туугандар жардамга кол сунуп, бир аздан акча-тыйын берип жатат. Бирок көп түкүрсө көл болот дегендей, элге кайрылып көрүүнү эп көрдүм", — деди бейтап.

Качагановдун үй-бүлөсү шаардын четиндеги жаңы конуштардын биринде эки бөлмөлүү батирде жашайт. Өздөрүнө жайлуу кылып ичин жасап алышкан. Кыздары атасына жакын экени дароо эле байкалып турду. Маек алып бүткүчө бири мойнуна асылып, экинчиси жанынан чыкпай отурду. Андан соң атасы кыздарынын курсагын тойгузуп, сыртка алып чыгып ойнотту...

3092
Белгилер:
акча, жардам, оору, бөйрөк
Тема боюнча
Үч баланын энеси, көзү азиз Чынара: кезегим келген менен үй ала албай жүрөм
Оорулуу баласына чогулткан акчасын уурдаткан эне көз жумду. 8 жашар Акылдын баяны

АКШ Россияны "талиптер менен байланыш" үчүн опузалады. Ал эми ТИМ далил сурады

109
(жаңыланган 16:46 14.08.2020)
АКШнын мамлекеттик катчысы Майк Помпео эгерде талиптер менен байланыш аныкталып калса, Россияга анын баасын өтө кымбат төлөгөнгө туура келет деп опузалады.

Окуя Россия Афганистандагы террорчуларга америкалык аскерлерди өлтүргөнгө акча төлөйт деген маалыматты июнда The New York Times гезити жазып чыкканда башталган. Макалада эч кандай факты келтирилген эмес. Болгону куру сөздөр айтылган. Алар атайын кызматтын аталбаган маалымат булагынын айтканына негизделген. Россия ТИМи The New York жазган макала карандай калп экенин айтып, АКШдан далил талап кылды.

"Тезинен аткаруу зарыл": АКШ Россияны эмнеге жазалагысы бар?

Америкалыктар мындай олуттуу билдирүү менен эмнени жашырганы, дегеле Россияны террорчулар менен байланыштыруу Трампка жардам бере алар-албасын биздин видеодон көрсөңүз болот.

109
Белгилер:
күнөө, талиптер, Россия, ТИМ, Афганистан, АКШ
Тема боюнча
АКШнын чалгын кызматы Россиянын талибдер менен "жакындыгын" төгүндөдү
Афганистанда бир нече теракт болуп, анын жоопкерчилигин "Талибан" алды. Видео
Афганистанда 20 киши набыт болду. "Ислам мамлекети" түрмөгө чабуул койду

Хабиб Нурмагомедовдун беттеш алдындагы маалымат жыйыны видеодо

207
(жаңыланган 16:21 14.08.2020)
UFC уюмунун жеңил салмактагы чемпиону Хабиб Нурмагомедов Gorilla Energ командасынын пландары жана алдыдагы беттеши тууралуу айтып берет.

Жеңил салмактын чемпиону Хабиб Нурмагомедов америкалык Жастин Гэтжи менен беттешке чыгат. Гэтжи 9-майда мекендеши Тони Фергюсонду уткандан кийин россиялык мушкерге башкы атаандаш болгон.

Аралаш мушташ спортунда 31 жаштагы Гэтжи 22 ирет жеңишке жетип, эки жолу утулган. Ал эми анын атаандашы Нурмагомедов 28 жолу октагонго чыгып, жеңилип көрө элек.

207
Белгилер:
беттешүү, UFC, Хабиб Нурмагомедов
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Океанга чөктүрөм. Хабиб атаандашы Гэтжиге "тап берди"
Спутник V россиялык вакцинасы. Архивдик сүрөт

COVID-19: россиялык вакцинанын каршы көрсөтмөлөрү айтылды

9
(жаңыланган 10:39 15.08.2020)
Алгачкы вакцина жаныбарлар менен адамдарга сыналды. Баарында тең коронавируска иммунитет пайда болгон.

БИШКЕК, 15-авг. — Sputnik. Россиянын Саламаттык сактоо министрлиги коронавирус вакцинасынын каршы көрсөтмөлөрүн атап бергенин "Известия" жазды.

Басылма каттоодон өткөн препараттын инструкциясына таянган.

Каршы көрсөтмөлөрдүн катарында вакцинанын курамындагы айрым компоненттерге сезимталдык, инфекциялык жана инфекциялык эмес дарттар, өнөкөт оорулардын күчөшү бар. Мындан тышкары, кош бойлууларга, бала эмизген келиндерге жана жашы жете электерге эмдөө жасатууга болбойт. Биринчи компоненти сайылгандан кийин адамдын абалы оорлоп кетсе, ага экинчисин саюуга тыюу салынат.

"Спутник V". Россиялык вакцинага 20 өлкө кызыгууда. Видео

Эскерте кетсек, буга чейин РФ президенти Владимир Путин коронавирустук инфекцияга каршы алгачкы вакцина каттоодон өткөнүн жар салган. Препарат Коргоо министрлиги жана Гамалея атындагы илим изилдөө борбору тарабынан адамдын аденовирусунун негизинде жасалып, "Спутник V" деген аталыш алган. Алгач жаныбарлардын бир нече түрүнө, андан соң 76 ыктыярчыга сыналган. Баарында коронавируска каршы иммунитет пайда болуп, вакцина коопсуздугун жана натыйжалуулугун далилдеген. Тестке катышкандардын баары ал-абалы жакшы экенин айтышкан болчу.

9
Белгилер:
анализ, сыноо, көрсөтмө, вакцина, Россия
Тема:
Дүйнөгө жайылган коронавирус
Тема боюнча
Коронавируска каршы вакцина: гениалдуу нерсенин баары жөнөкөй
Каттоодон өткөн россиялык вакцина жапырт колдонууга качан чыгары айтылды