Жылан менен эчкемердин айыгышкан кармашы видеого түшүп калды

1982
(жаңыланган 20:12 05.02.2019)
Австралиянын Бремер Бей шаарынын тургуну жылан менен эчкемердин кармашына күбө болгон.

Автоунаанын салонунан тартылган видеону Рэйган Зачер аттуу кыз өзүнүн Facebook тармагындагы баракчасына жүктөгөн (Видеону туурасынан көрүү үчүн 50-секунддан баштап коюңуз).

Кадрларда көрүнүп тургандай, сойлоп жүрүүчүлөр бир нече мүнөт бою таймашат. Эчкемер жыланды улам-улам тиштегилеп, ал дагы жемин жедирбей жооп кайтарат.

"Менимче, эчкемер жеңди. Мен кетип жатканда жылан тирүү болчу. Бирок араң жан болуп калган", — деп жазды Рэйган башка интернет колдонуучуларга жооп берип жатып.

Жакында эле Австралияда жыланга байланыштуу дагы бир өзгөчө окуя болгон. Анда унитазга жашынган жылан дааратканага кирген аялды чагып алган.

1982
Белгилер:
таймаш, видео, жылан, Австралия
Тема боюнча
Өзгөчө чоң экен! Суучулдун жанында каалгыган акуланын видеосу