Астанада өз үйүндө өрттөн көз жумган 5 бир тууган жерге берилди. Видео

6248
(жаңыланган 11:49 09.02.2019)
Казакстандын борбор калаасында турак жайы өрттөнүп каза болгон беш бир тууган кыздар менен коштошууга миңдей адам келди. Тилсиз жоонун кесепетинен бир үй-бүлө Карина, Алина, Сабина, Мадина жана Альбина атуу кыздарынан ажырап калган.

Келгендер бөбөктөрдүн ата-энесине көңүл айтып, аза кайгысын тең бөлүшкөн. Ошондой эле Казакстандын президенти Нурсултан Назарбаев жана премьер-министр Бакытжан Сагинтаев дагы көңүл айткан. Бул туурасында Sputnik Казакстан агенттиги билдирди. 

Белгилей кетсек, дүйшөмбүгө караган түнү Астананын Көктал-1 конушунда времянка үй өрттөнүп кеткен. Мунун кесепетинен бир үй-бүлө беш баласынан ажырап калды. Алардын баары кыздар, эң улуусу 13 жашта, кичүүсү болгону үч айлык экени айтылды. Өрт түнкү саат 2-3төр чамасында чыгып, ичиндегилерди куткарууга мүмкүн болбой калган. Бул учурда балдардын ата-энеси жумушта болгон. Апасы пластикалык карта чыгарган заводдо эмгектенчү, ал эми атасы унаа оңдоочу жайда иштеген. Үй-бүлө Астанада 10 жылдан бери жашап жатканы айтылды.

Бир тууган кыздардын сөөгү бүгүн, 5-февралда, жерге берилип, алардын тажиясын шаар бийлиги мойнуна алган.

Алдын ала берилген маалыматтар боюнча меште күйүп жаткан от үйгө жайылып, балдар иске ууланып көз жумган.

6248
Белгилер:
кыздар, жерге берүү тажыясы, коштошуу, бир тууган, өрт, Астана
Тема боюнча
Эл көп чогулган жерде өзгөчө кырдаал жаралса балдарды кантип коргоо керек
Газ баллон жарылып эне-бала мерт болгон. Оштогу намазканадагы өрттүн чоо-жайы

Спецназ маркум Рысбек Акматбаевдин инисин кармады. Видео

698
Спецназ кримавторитет, маркум Рысбек Акматбаевдин жакын тууганын колго түшүрдү. Бул тууралуу ИИМден кабарлашты.

Министрлик жаранды кармоо учурунун видеосун жарыялады. Кадрдан шектүүнүн колуна кишен салып жатканын көрүүгө болот.

Маалыматка караганда, Чолпон-Ата шаарында төрөлгөн А.Р. кармалган. Ал уюшкан кылмыштуу топтун мүчөсү катары ИИМдин каттоосунда турат.

Жаран алдамчылык сыяктуу бир катар кылмыштарга шектелип, ага карата мамлекеттер аралык издөө жарыяланган.

ИИМден билдиришкендей, 2016-жылдын жаз айларында шектүү Бишкек шаарынан жарандардын биринин ишенимине кирүү менен Honda Fit үлгүсүндөгү унаасын алып, сатып жиберген. Унаа ээсинин чыгымы төрт миң доллар деп бааланган. Бул окуядан кийин шектүүгө мамлекеттер аралык издөө жарыяланган. Эми ал Бишкек ШИИББдин убактылуу кармоочу жайына киргизилди.

Рысбек Акматбаев 2006-жылы киши колдуу болгон. Аны мечиттин алдынан бет капчан кишилер атып кетишкен. Окуя Көк-Жар айылында болгон. Ага чейин Акматбаев адам өлтүрүүгө шектелип, бирок акталган. Ал шайлоодо Жогорку Кеңешке өтүп, бирок мандат алууга жетишпей калган. Акматбаевдин өлүмү боюнча иштин бети бүгүнкү күнгө чейин ачыла элек.

698
Белгилер:
кармоо, ИИМ, кылмыш
Тема боюнча
Ишкердин соода түйүнүн тартып алмакчы болгон. УКМК шектүүлөрдү кармады

Жалындан суурулуп чыкты! Ажалы жок спортчунун видеосу

210
(жаңыланган 13:43 30.11.2020)
Катуу ылдамдык менен жарышка түшкөн атайын автоунаа жолдун четиндеги тосмого урунуп, андан соң дароо өрттөнө баштаган. Анын ичиндеги айдоочу кандайдыр бир керемет менен аман калган.

Окуя Бахрейнде "Формула-1" жарышынын этабы өтүп жаткан учурда болгон. Рулда Ромен Грожан аттуу адам кетип бара жатканы айтылды. Кадрдан анын автоунааны башкара албай калып биринчи автокөлүктү жөөлөп өткөнүн, катуу күү менен тосмого келип урунуп, жалбырттап өрттөнө баштагандыгын көрүүгө болот.

​Окуя болору менен коопсуздук кызматкерлери жана медиктер жетип келип, өрттү өчүрө баштаган. Ал эми спортчу алоолонгон жалындын ичинен көз ирмемде суурулуп чыгып, жерде тургандар аны жөлөп-таяп ары алып кетишкен. Маалыматта Грожандын колу жана таманы анча көп эмес күйүк алганы айтылган.

210
Белгилер:
кырсык, жалыныч, жарыш, Формула-1, Бахрейн
Тема боюнча
Индия: премьердин туулган күнүндө 100 шар жарылып кетип, адамдар жабыркады
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

0
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

0
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты