Бишкекте кумар оюндарын уюштурган жайга спецназ кирип барган видео

2297
(жаңыланган 21:00 08.02.2019)
Мекеменин администраторлору имаратка текшерилген гана адамдарды киргизчү.

ИИМдин уюшкан кылмыштуулукка каршы күрөшүү башкармалыгынын кызматкерлери Бишкекте мыйзамсыз негизде кумар оюндарын уюштурган клубду аныктады. Бул тууралуу ведомствонун маалымат кызматынан кабарлашты.

Атайын операциянын видеосу YouTube каналына жарыяланды.

Укук коргоо органдарынын өкүлдөрү клубдан төрт беткап, оюнчук тапанча, бычак, ондон ашык компьютер жана 6500 сомду алышкан.

Мекемеге 64 жаштагы Жалал-Абад облусунун З.А. аттуу тургуну ээлик кылары аныкталды.

Учурда кумар оюндарын уюштурган тараптарды жоопкерчиликке тартуу жана шериктеш тараптарды аныктоо иштери аткарылууда.

2297
Белгилер:
кумар оюндары, Бишкек
Тема боюнча
Жалал-Абадда кылмыштуу топтун мүчөлөрү тобу менен кармалды. Видео