Индонезияда полиция шектүүнү жылан менен коркутуп, күнөөсүн моюндаткан. Видео

437
(жаңыланган 17:34 12.02.2019)
Полиция кызматкерлери телефон уурдады деген шек менен кармалган кишини чоң жылан менен коркутуп жаткан учуру тартылган видео интернетке чыгып кетти.

RT телеканалынын маалыматы боюнча окуя Папуа провинциясында болгон.

Видеону полиция кызматкерлеринин бири тартып алып, YouTube сайтына чыгарган. Анда укук коргоо орган өкүлдөрүнүн шектүүнүн мойнуна жыланды ороп, күнөөсүн моюнга алууга мажбурлап жатканын көрүүгө болот. Колу аркасына кишенделген киши коркконунан кыйкырган.

Чыккан видео социалдык тармактарда кызуу талкуу жаратты. Айрым активисттер полиция кызматкерлеринин кылыгын сындап, алардын иш билгилигинен шек санашты.

Окуядан кийин укук коргоо органдарынын өкүлү Тонни Ананда Свадайа элден кечирим сураган. Ал жылан уулуу эмес, колго көнгөн жылан болчу деп актанды.

"Аталган кызматкерлерге карата катуу чара көрдүк", — деди ал.

Видеодогу бардык кызматкерлер дисциплинардык жоопкерчиликке тартылып, кызматынан төмөндөтүлгөн.

437
Белгилер:
кыйноо, уурулук, шектүү, жылан, полиция
Тема боюнча
Мушкер кызды тономок болгон ууру таяк жеди. Сүрөт