Социалдык тармакта Швейцария тоолорундагы кар көчкүдөн аман-эсен качып кутулган лыжачынын жүрөк үшүн алган видеосу тарады.
Кран-Монтана курортундагы тасманы Алексис Раму жүктөгөн. Видео GoPro камерасынын жардамы менен тартылган.
Кадрларда көрүнүп тургандай, эркек киши беймарал ылдыйды көздөй түшүп баратып, кокус артын карай калганда кар каптап келе жатканын көргөн. Ал лыжасынын ылдамдыгын көбөйтүп отуруп аман калган, ал эми жанындагыларды көчкү басып калган.
Exactly a week after the #avalanchecransmontana we look at the dangers of #avalanches hitting the piste and new measures in place to prevent: https://t.co/hRYOZzrRJy pic.twitter.com/1k1GPfATtV
— PlanetSKI Snow News (@planetski) 26 февраля 2019 г.
Кийинчерээк жергиликтүү ЖМКлардын маалымдашынча, 19-февралда болгон табигый кырсыктан 34 жаштагы француз каза тапкан. Эс алгандардын төртөө аман, бирок үчөө ар кандай жаракат менен ооруканага жаткырылган.
Издөө иштерине сегиз тик учак менен эки жүздөн ашык куткаруучу тартылган.
