Казакстандык тестиер өзгөчө үнү менен Меладзени таң калтырды. Видео

7102
(жаңыланган 15:20 02.03.2019)
Уральскиден чыккан жаш ырчыны калыстар тобу өзгөчө баалап, баары ага устат болгусу келгенин айткан.

Казакстандык тестиер Ержан Максим Россиянын "Голос. Дети" сынагында өзгөчө үнү менен калыстар тобун таң калтырды. Бул тууралуу Sputnik Казакстан маалымдады.

Билдирүүгө ылайык, сынакта Светлана Лобода, Валерий Меладзе жана Пелагея калыс болушкан.

11 жаштагы Ержан Андреа Бочеллинин Ama credi e vai аттуу ырын аткарган. Чыгарма 2006-жылы Туринде өткөн Олимпиаданын ачылыш аземине карата жазылган. Ыр англис, нидерланд жана италия тилдеринде аткарылып келет.

Ержандын үнүн уккандан кийин калыстар тобу аны өзгөчө баалап, үчөө тең добуш беришкен.

Светлана Лобода менен Пелагея экөө тең балага устат болгусу келгенин айтышса, Валерий Меладзе бир аз карманып, тестиерге кайсы музыка жагарын сураган.

Соңунда жаш ырчы устат катары Валерий Меладзени тандаган.

7102
Белгилер:
калыс, сынак, Казакстан
Тема боюнча
Домбра дагы көрк бериптир! "Илиястын ырын" казак боордоштор аткарууда

Бел ашып, кар кечип жарык жандыргандар. Асманда иштеген энергетиктердин видеосу

385
(жаңыланган 03:21 03.06.2020)
3000 бийиктиктеги катмарлап каткан карды аралап, андан соң ашуунун дал чокусуна орнотулган электр линиясынын түркүгүнө чыгып, аны бир нече күндөп оңдоо жөнөкөй адамдардын колунан келе турчу иш эмес.

Албетте, ар бир кесиптин өзүнүн кыйынчылыгы бар, бирок төмөнкү видеодон кооптуулук менен коштолгон түйшүктүү иш процессин көрүүгө болот.

Бул — "Кыргызстан улуттук электр тармагы" ишканасынын Нарындагы энергетиктери Сары-Кыр ашуусуна чыгып барып, электр өткөрүүчү линияны оңдогон учуру.

Ал жерге адистер жолду кардан тазалап отуруп, эки күндө жеткен. Бул ишти аталган мекеменин Нарындагы филиалынын бригадасы жасады. Ошентип акырында энергетиктер Урумбаш-Жетиген деп аталган 110 кВт чыңалуудагы линияны оңдошту.

385
Белгилер:
кар, энергетика, Тогуз-Торо, Кыргызстан
Тема боюнча
Суу кечип, куюнда калып, Нарын суусунун үстүнөн зым тарткан энергетиктер. Видео

Москванын кезектеги "жазып-тайганы". АКШ Россияны башаламандыкка айыптоодо

361
(жаңыланган 12:42 02.06.2020)
Америка Кошмо Штаттарында афроамериалык Жорж Флойддун өлүмүнөн кийин башталган ири акциялар тынчый элек. Эркек киши Миннесота штатындагы Миннеаполис шаарында полиция колго түшүргөндөн кийин көз жумган.

Окуя элдин нааразычылыгын шарттап, массалык митингдер бир нече күндөн бери уланууда. Полициянын аракетин сындап чыккандар Миннеаполис, Нью-Йорк, Вашингтон сыяктуу ири шаарларда арбып, башаламандык жаралып, полиция менен кагылышуулар болуп жатат. Митингчилер дүкөндөрдү кыйратып, талап-тоноп, таштанды челектерди өрттөшүүдө.

Каршылык акцияларынын жүрүшүндө РИА Новости агенттигинин кабарчысы Михаил Тургиев да жабыркап, мындан улам РФ элчилиги Мамлекеттик департаментке нота жөнөттү.

Ал арада полицияга жардам иретинде АКШнын Улуттук гвардиясы да тартылды, бирок желим ок да, көздөн жаш чыгаруучу газ дагы элдин толкунун баса алчудай эмес. Ушундай окуялар болуп жаткан маалда Барак Обаманын экс-кеңешчиси Сьюзан Райс Россияны айыптап чыкты. Бул жолу Москва кайсы жерден "жазып-тайып" калганын биздин видеодон көрсөңүздөр болот.

361
Белгилер:
талап-тоноо, нааразы, митинг, башаламандык, айып, Россия, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Оңдолгус ката! АКШдагы митингге тиешеси бар деп айыпталган Россия жооп берди
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: күндүн, суунун же шамалдын кубатынан энергия алуу керек

0
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова атмосферага бөлүнүп чыккан уулуу заттарды азайтса болорун айтты.
Абдырасулова: күндүн, суунун же шамалдын кубатынан энергия алуу керек

Электр энергиясын үнөмдөө менен экологияга пайда келтире алабыз. Бул тууралуу Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Париж келишиминде дагы ар бир өлкө өз мүмкүнчүлүгүнүн жетишинче экологиялык көйгөйлөр менен күрөшүүсү зарыл экендиги көрсөтүлгөн.

"Өлкөдө экологиялык маселелер менен улуттук деңгээлде иш алып баруу боюнча атайын документтер кабыл алынган. Анда айлана-чөйрөгө уулуу заттардын таасирин минималдаштыруу каралган. Ошол эле көмүр жагууну, автоунаалардан бөлүнүп чыккан уулуу газдарды атмосферага таркашын азайтуу зарыл. Мүмкүнчүлүккө жараша электр кубаты менен иштеген автоунааларга өтүп, күндүн, суунун же шамалдан алынган энергиянын түрлөрүн көбөйтүү керек. Бул технологиялар дүйнөдө жакшы өнүгүп, баасы арзан болуп калды. Өкмөт тарабынан жакшылап көңүл бурулуп, туура саясат жүргүзүлүшү шарт. Эң негизгиси, энергияны үнөмдөп колдонуу зарылчылыгы келип чыгууда. Эгер сарамжалдуу колдоно турган болсок, коңшу өлкөлөрдөн сатып албайбыз. Ошондой эле экологияга тийген терс таасирди азайтууга мүмкүнчүлүк түзүлөт", — деди Абдырасулова.

Ошондой эле ал учурда туруктуу энергияны каржылоо программасынын алкагында бир катар долбоорлор ишке ашырылганын кошумчалады.

0
Белгилер:
Кыргызстан, экология, электр энергиясы
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү