Ала-Арча дарыясынын нугуна күйүүчү май төгүлүп калган видео

356
(жаңыланган 19:23 02.03.2019)
Учурда Жибек Жолу кеңейтилип, көпүрө салынууда.

Жибек Жолу проспектисиндеги Ала-Арча дарыясынын нугуна диаметри эки метрге жеткен аңга май төгүп кетишкенин күбө Sputnik Кыргызстан агенттигинин кабарчысына билдирип, сүрөт, видеолорду жөнөттү.

Большая лужа машинного масла у русла реки Ала-Арчи
© Sputnik / Нурис Алымбаев
Жибек Жолу проспектисиндеги Ала-Арча дарыясынын нугуна диаметри эки метрге жеткен аңга май төгүп кетишкенин күбө Sputnik Кыргызстан агенттигинин кабарчысына билдирип, сүрөт, видеолорду жөнөттү

Анын айтымында, сүрөт, видеону 2-мартта саат 15:40тар чамасында тартып алган. Ал Жибек Жолу проспектисинде атайын техника иштеп жатканын, экскаватор дарыянын жээгинде казган аңга күйүүчү май толтурулганын айтты.

Sputnik Кыргызстан агенттигинин кабарчысы окуя болгон жерге барып, иштеп жаткандар менен сүйлөштү.

Ал жерге машинанын майы төгүлүп калганын айтып, дарыяга куюлбасын деп тосуп коюшканын билдирди.

Ал ошондой эле учурда бул жерде техника жолду кеңейтүү жана көпүрө салуу үчүн иштеп жатканын кошумчалады.

Sputnik агенттигинин кабарчылары Бишкек мэринин кеңешчиси Гуля Алмамбетова менен байланышты. Анын айтымына караганда, тротуарды кеңейтүү иштеринин жүрүшүндө май куюлган канистра табылган.

"Өткөн жылдын күз айларында кимдир бирөө канистрди көмүп койгон окшойт. Иштеп жаткан экскаватор аны тешип алып, май төгүлүп калган. Жерине "Бишкекасфальтсервис" ишканасы менен аймактык башкармалыктын жетекчиси жөнөп кетти. Эмне болгон май экенин азырынча так билбейбиз. Учурда аны атайын техниканын жардамы менен сордуруп алдык", — деди Алмамбетова.

Большая лужа машинного масла у русла реки Ала-Арчи
© пресс-служба мэрии города Бишкек
Сүрөт 2-мартта саат 15:40тар чамасында тартылан

Ал ошондой эле күйүүчү май сууга кошулбаганын белгиледи.

Кийинчерээк "Бишкекасфальтсервистин" жетекчиси Мирлан Амантуров жерге канистрдеги 10 литрдей май төгүлгөнүн билдирди.
"Канистрди ыргытып жиберишкен же таштанды менен агып келген. Учурда баарын тазалап койдук. Май эки же үч куб метр суу менен аралашкан", — деди Амантуров.

Большая лужа машинного масла у русла реки Ала-Арчи
© Sputnik / Нурис Алымбаев
Учурда аны атайын техниканын жардамы менен сордуруп алынды

Ал көпүрөнүн алды 90 пайызга таштандыга толгонун, учурда 200 куб метр таштанды чыгарылганын кошумчалады.

356
Белгилер:
Күйүүчү май, Ала-Арча дарыясы, Бишкек
Тема боюнча
Саналуу жылдар калдыбы? Окумуштуулар акыр замандын качан болорун айтты

Тоттенхэм футболчусунун талаа ортосунан киргизген таң калычтуу голу. Видео

28
(жаңыланган 16:28 27.11.2020)
Топ дарбазанын так үстүңкү бурчунан кирип, ага голкипер Пламен Ивановдун колу жетпей калган.

Англиянын "Тоттенхэм" клубунун футболчусу Гарри Уинкс УЕФАнын Европа лигасы мелдешинде 50 метрдей аралыктан тээп гол киргизди. Бул тууралуу УЕФА уюму расмий сайтына жазып, голдун видеосун жарыялады. 

Англиялык команда өз үйүндө болгариялык "Лудогорец" менен тайпалык этапта кез келген. Беттештин 63-мүнөтүндө Уинкс голкипердин дарбазадан алыстап кеткенин байкап калып, оюн талаасынын ортосунан, 49 метр аралыктан, топту көкөлөтө тээп гол киргизди. Топ дарбазанын так үстүңкү бурчунан кирип, ага дарбазачы Пламен Ивановдун колу жетпей калган.

Башкы машыктыруучусу Моуриньонун шакирттери беттеште 4:0 эсебинде утуп, мелдештин плей-офф баскычына жолдомо алышты.

28
Белгилер:
гол, футбол
Тема боюнча
"Чаян сокку". Румыниялык футболчунун кооз голунун видеосу
Казак футболчусу Улуттар лигасында оюн талаасынын ортосунан гол киргизди. Видео

Орустарга "ракеталык сюрпризби"? АКШ менен Румыниянын Крымдын жанындагы машыгуусу

62
(жаңыланган 12:42 27.11.2020)
АКШ менен Румыниянын аскерлери Крымга жакын жерде машыгууларын жүргүздү. Иш-чара Rapid Falcon биргелешкен окутууларынын алкагында Кара деңиздин жээгинде өттү.

Аскерлер M142 HIMARS реактивдүү системасынын эки түзүлүшүнөн ок чыгарышты. Техниканы атайын бир нече сааттык машыгуу үчүн румын полигонуна Германиядан алып келишкен. Батыш ЖМКлары иш-чараны россиялык аскерлер үчүн "ракеталык сюрприз" деп атады, бирок Москва мындай бүтүмгө макул эмес. Эксперттер эч кандай сюрприз көрбөгөнүн айтышат, адатта аскердик техниканын ары-бери жылышы тыкыр көзөмөлдөнөт. Анын үстүнө Кара деңиз аймагында Россиянын өзүнүн радиотехникалык чалгын станциясы бар. Болуп өткөн машыгуулар америкалык аскерлердин кезектеги чагымчылдыгы, чынында бул Россия эмес, АКШ жана анын союздаштары үчүн кооптуу.

62
Белгилер:
станция, чалгынчы, Румыния, АКШ, ракета, машыгуу, Кара деңиз
Тема боюнча
Судандагы Аскер-деңиз флоту: Россия Африкада күчтөнүп жатат
Диего Марадонанын таблодогу сүрөтү. Архив

Өз тажиямда эмне дээр элем... Марадонанын эски видеосу желдей тарады

0
(жаңыланган 16:39 27.11.2020)
Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.

БИШКЕК, 27-ноя. — Sputnik. Соцтармакта Диего Марадонанын өзүнүн акыркы сапарга узоо зыйнатында эмне деп айткысы келмектиги боюнча суроого жооп берген видеосу вирустай тарап жатат.

"Чемпионаттын" маалыматына караганда, бул 2005-жылы аргентиналык теле берүүгө чыккан La noche del 10 берүүсүнүн үзүндүсү.

"Өзүмдүн акыркы сапарга узаган зыйнатымда эмне деп айткым келер эле... Футбол ойногонума рахмат. Бул спорт мага кубаныч жана эркиндик берди. Асманды колуңа кармап тургандай эле сезим. Топко дагы рахмат. Табытыма "топко рахмат" деп жазып койгула", — деген Марадона.

Видео Bolavip Facebook аккаунтуна жарыяланды.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

0
Белгилер:
футболчу, топ, Диего Марадона
Тема боюнча
Футбол, бокс, кокаин. КР калысына рахмат айткан Марадона тууралуу фактылар