Баладай кубанышты. Бишкекте белгилүү айымдар футбол ойногон видео

343
Бишкекте Аялдардын эл аралык майрамы менен Аялдардын футбол күнүнө карата "Мени менен ойно. Футболдо баары бирдей" аттуу фестиваль өттү.

Иш-чара Кыргызстандын Футбол федерациясы менен БУУнун балдар фонду (ЮНИСЕФ) тарабынан уюштурулду.

Бишкектин конуштарындагы өспүрүм кыздар менен өлкөнүн белгилүү айымдары топ тээп ойноду.

Белгилүүлөрдүн арасында депутат Аида Исмаилова, борбор калаанын мурдагы вице-мэри Айгүл Рыскулова, Бишкек мэринин кеңешчиси Гуля Алмамбетова, ишкер Айжан Чыныбаева, Мээрим Таабалдиева, ырчы Гүлнур Тойгонбаева, социалдык өнүктүрүү министринин орун басары Ализа Солтонбекова, Футбол федерациясынын өкүлү Айгерим Сабралиева жана башкалар бар.

Долбоордун максаты — кыздарды колдоо үчүн бийлик менен эл аралык уюмдардын аракеттерин бириктирүү.

Футболдо башка оюндардан айырмаланып эсеп таблосу ачылган жок. Тагыраагы, достук жеңди.

343
Белгилер:
футбол, кыздар, өспүрүм, Бишкек
Тема боюнча
Кыргызстан алгачкы ирет кум үстүндөгү футбол боюнча Азия чемпионатына барат

Россияга рахмат: Тоолуу Карабахта мектеп, ооруканалар ачыла баштады

9
Степанакертте мектептер ачылып, андан сырткары, жергиликтүү төрөт үйү ишин баштады. Согуштан кийин ал жерде биринчи ымыркай жарыкка келди.

Тоолуу Карабахта тынч жашоо кадимкисиндей уланууда. Эл өз үйлөрүнө кайтып келип, дүкөндөр иштеп, коомдук транспорт каттап, жашоочулар коопсуздугу үчүн коркпой көчөгө сейилдеп чыга баштады.

Эл жашаган башка жерлерде да инфратүзүмдү калыбына келтирүү иштери жүрүүдө. Мунун баары россиялык тынчтык орнотуучулардын эмгеги. Алар жергиликтүү элдин жай жашоосуна кайтып келиши үчүн аракет кылышууда.

9
Белгилер:
оорукана, мектеп, тынчтык орнотуучу, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Тынчтыкка карай... Россия Тоолуу Карабахка кандай жардам берип жатат
Карабахтагы сириялык туркомандар: согушууга барышканбы же жайгашуугабы?
Кадам сайын жарылбасын! Карабахтагы миналарды зыянсыздандыруу аракеттери

Жол тазалоочу техника жетпейт. Бишкек Ош трассасынын кышка даярдыгы текшерилди

32
(жаңыланган 11:59 02.12.2020)
Комиссия "Сосновка" постунан "Арал" постуна чейинки ашууларды тейлеген мамлекеттик кызматтардын кышка даярдыгын карап чыккан.

Бишкек — Ош жолунун кышка даярдыгы текшерилди. Бул тууралуу ӨКМдин маалымат кызматы кабарлады.

Ага ылайык, өзгөчө кырдаалдар министринин тапшырмасы менен атайын комиссия түзүлгөн. Алар Чүй облусунун Жайыл районундагы "Сосновка" постунан Жалал-Абад облусунун Токтогул районундагы "Арал" постуна чейинки ашууларды тейлеген мамлекеттик кызматтардын кышка даярдыгын карап чыгышкан.

"Текшерүүнүн негизинде бир топ көйгөйлүү маселелер бар экени аныкталган. Алсак, жол тазалоочу, кум чачуучу атайын техника жетишсиз болуп, жолго кум кол менен чачылып жаткан. Айрым жүк ташуучу унаалар кышка даярдыгы жок ашууларда калып калган. Комиссия тамак-аш берилүүчү жана жылына турган пунктулардын да даярдыгын көргөн. Жыйынтыгында "Арал" постундагы жылынуучу пункт кышка толук даяр эместиги аныкталган", — деп айтылат маалыматта.

ӨКМ айдоочуларга кайрылып, алыс жолго, тоолуу аймактарга чыгарда аба ырайына көңүл бурууну суранды. Ошондой эле зарылчылык жок болсо, шашылыш билдирүү берилгенде жолго чыкпай турууну сунуштаган.

32
Белгилер:
Бишкек – Ош жолу, комиссия, текшерүү, ашуу, жол, унаа, Бишкек, ӨКМ
Тема боюнча
Кыргызстандагы бардык жолчуларга күнү-түнү иштөө милдети жүктөлдү