Чүйдөгү мүрзөнүн аймагы таштандыга толуп калган. Видео

169
(жаңыланган 09:43 07.03.2019)
Айланасын таштанды басып кеткен мүрзөнүн видеосун күбө WhatsApp каналы аркылуу Sputnik Кыргызстан агенттигине жиберди. Анын айтымына караганда, видео 5-мартта Кеминде тартылган.

Кадрда көрүнүп тургандай, туш-тарапта желим баштыктар чачылып жатат. Окурман 100 метр ары жерде мүрзө жайгашканын билдирди.

"Өткөн жылдын күз айларынан бери алыс эмес жерде жайгашкан таштандыдагы желим баштыктарды шамал ушул жакка учуруп жатат. Жакында белгисиз адамдар таштанды тосулган тосмону уурдап кетишиптир", — деди күбө.

Кемин районунун акими Нурлан Шаршеналиев үч айлык ишембиликтин алкагында бул көйгөйдү жоюуну көздөп жатышканын Sputnik Кыргызстан агенттигине билдирди.

"Кар жакында эле эригендиктен бул аймакты тазалоого жетишкен жокпуз. Ал жактын тазалыгын көзөмөлдөөгө эки адам бекитилет. Ошондой эле таштандынын айланасындагы тосмо оңдолот", — деди аким.

Учурда Жибек Жолу кеңейтилип, көпүрө салынууда.
© видео очевидца, отправленное по WhatsApp-каналу
Жогорку Кеңештин депутаттары желим баштыктарды чыгарууга, өлкөгө алып кирүүгө тыюу салууну сунуштоодо. Эгер мыйзам кабыл алынып калса, эреже бузулган учурда административдик, дисциплинардык, материалдык жана кылмыш жоопкерчилигине тартуу сунушталууда.

Эртең, 7-мартта, Sputnik Кыргызстан агенттигинин маалымат борборунда "Кыргызстанда полиэтилен баштыктарына тыюу салынабы? 17 миң сомго чейин айып каралышы мүмкүн" деп аталган тегерек стол өтөт.

169
Белгилер:
мүрзө, таштанды, Кемин
Тема боюнча
Саналуу жылдар калдыбы? Окумуштуулар акыр замандын качан болорун айтты
Депутат: беш саат Ысык-Көл астында сүзүп бир да балык көргөн жокмун

Бишкектин борбордук мечитинде миңдеген адам айт намазга жыгылды. Видео

166
(жаңыланган 11:16 13.05.2021)
Бүгүн мусулман эли Орозо айтты белгилеп жатат. Эпидемиологиялык кырдаалдан улам эл айт намазга борбордук аянттарга эмес, мечиттерге гана чогулду. 

Бишкек шаарында  Имам Сарахси атындагы башкы мечитте  шаардын миңдеген тургундарынын жана конокторунун катышуусунда Орозо айт намазы окулду.

Намазга эл таңкы саат 6:30дан тарта чогула баштап, 7:15те башталды.

Кыргызстандын президенти Садыр Жапаров
© Пресс-служба президента КР / Султан Досалиев
Майрамды утурлай Кыргызстан мусулмандарынын аалымдар кеңешинин төрагасы Абибилла ажы Кудайбердиев жана Кыргызстан мусулмандарынын муфтийинин милдетин аткаруучу Жоробай ажы Шергазыев "Диний баалуулуктар, Орозо айттын пазилеттери" деген темада баяндамасын жасап, кыргызстандык мусулмандарды куттукташты.

Шергазыев Орозо айт намазында элди аруулукка, тазалыкка чакырды. Андан соң куран окулуп, маркумдарга жана Баткен окуясында каза тапкан бир туугандардын арбактарына багышталды.

Быйыл орозо айы 13-апрелде башталып, 30 күнгө созулду. Айт күнү мусулмандар тууган-уруктарынын үйүнө барып ал-жай сурап, айттап, ошондой эле көзү өтүп кеткен жакындарына багыштап куран окушат.

166
Белгилер:
мечит, майрам, орозо айт, Айт намаз, Кыргызстан
Тема:
Орозо-2021
Тема боюнча
Үч түрдүү бата дароо кабылданат деген ишеним болгон. Кыргыз таануучу менен маек

Алоолонуп, от чачып. Күндүн бир жыл ичиндеги жашоосу видеодо

116
NASA тынбай жарык чачкан Күндүн динамикасына өзүнүн обсерваториясында байкоо салып, улам тартып алып турган видеону жарыялады.

Бул көз салуу 2015-жылдын 1-январынан 2016-жылдын 28-январына чейин уланганын өздөрүнүн сайтына маалымдады. Тынымсыз жазылган видео монтаждалып, кызыккандарга сунушталды. Андан алоолонгон, табы куйкалап кеткен Күн кантип "жашаганын" майда-чүйдөсүнө чейин көрсө болот.

Обсерватория ар бир 12 секундада толкундардын ар кандай узактыгында 10дон сүрөт тартып алып турган. Анын жыйынтыгы менен жасалган видеодон ар кайсы жеринен от бүрккөн тоголок фигураны көрүүгө болот. Бул – бизге жарык чачып, энергиясын берген Күн.

Роликтен Күн бирде чоңоюп, бирде кичирейип турганы байкалат. Муну адистер обсерваториянын спутниги менен Күндүн ортосундагы аралык дайыма бирдей болбогондугу менен түшүндүрүшкөн.

116
Белгилер:
обсерватория, NASA, күн
Тема боюнча
Фотофакт: Бишкекке жарык чачкан толгон Ай
Ишениш кыйын! Кыргызстанды космос менен байланыштырган 60 факты
Профилактика иштерин жасап жаткан сантехник. Архив

Бишкекте ысык суу өчкөндөн кийин кандай иштерди жасап алуу керек

0
(жаңыланган 12:01 14.05.2021)
Бишкекте 17-майдан баштап бир айга ысык суу өчүрүлөт. Буга байланыштуу көп кабаттуу үйлөрдүн жашоочуларына көйгөйлөрдү алдын алуу иштерин жүргүзүп алуу сунушталды.

БИШКЕК, 14-май — Sputnik. Борбор калаада ысык суу өчкөн маалда бир нече профилактикалык иштерди жасап алуу керектигин "Бишкек жылуулук тармагы" ишканасы айтып берди.

Эске сала кетсек, Бишкекте 17-майдан баштап бир айга ысык суу өчүрүлөт. Бул убакыт аралыгында суу түтүктөрү пландуу оңдоодон өткөрүлүп, күз-кыш мезгилине даярдык көрүлөт.

Буга байланыштуу көп кабаттуу үйлөрдүн жашоочуларына ар кандай көйгөйлөрдү алдын алуу иштерин жүргүзүп алуу сунушталды:

  • түтүк ылдый жактан келген көп кабаттуу үйлөр жогорку жактан аба чыгара турчу шаймандарды орнотуусу зарыл;
  • жылуулукту жакшы өткөрүү үчүн кирдеп толуп калган эски батареяларды жууп же алмаштыруу керек;
  • ошондой эле ысык менен муздак сууну аралаштырып берген крандарды оңдоп алуу туура;
  • ысык суу берилерде суу агып кетпеш үчүн "Аристон" сыяктуу суу жылытуучу каражаттарды өчүрүп коюу зарыл;
  • айнектерди жана сырткы эшиктерди жылуулап алуу керек.

Суроолор боюнча "Бишкек жылуулук тармагы" ишканасынын 1980, (0312) 611 169, 0557 611166, 0777611166 жана 0701 611166 номерине чалууга болот.

0
Белгилер:
ысык суу, ишкана, Бишкек жылуулук тармагы, Бишкек
Тема боюнча
Ошто таза суу көйгөйүн чечүү үчүн жаңы долбоор каралууда
Бишкекте ысык суу качан өчүрүлөрү белгилүү болду