Чай ичкени эле барат! Жээнбековдун аткаминерлерди зекиген видеосу

843
(жаңыланган 17:39 14.03.2019)
Президент Сооронбай Жээнбеков Кыргызстандын элчилик менен консулдуктардын башчылары менен кеңешме өткөрдү.

Кыргызстандын президенти Сооронбай Жээнбеков. Архив
© Пресс-служба президента КР / Султан Досалиев
Өлкө башчысы Кыргызстан ачык мамлекет экенин айтты. Андан сырткары, парламенттик мамлекет, демократияны куруп жатат деп бир катар чет мамлекеттер жетекчилерди сыйлап чакырарына токтолду. Бирок мындай чакырууларга жөн гана барып келген жетекчилер бар экенин белгилеп, мындан кийин чет жакка чыккан аткаминерлерди Тышкы иштер министрлиги көзөмөлдөшү керектигин айтты.

"Көп учурларда биздин жетекчилер конкреттүү иш кылбастан турист катары барып келишет. Эмнеге барып келди деген көзөмөл жок болгондуктан кээде жөн эле барып келип жатасыңар. Мына ушуну токтотуш керек. Баргандан кийин элчиликтин чайын ичип келе бербестен жыйынтык да чыгара келиш керек", — деди президент.

Жээнбеков өкмөттүн өкүлдөрүнүн чет жакка болгон сапарлары тууралуу тийиштүү бөлүмдөр премьерге дагы маалымат жеткирип турушу керектигин билдирди. Себеби өкмөт башчысы бардыгын көзөмөлдөй албайт.

843
Белгилер:
аткаминер, элчи, командировка, Сооронбай Жээнбеков
Тема боюнча
Жээнбеков Кыргызстанда ишмердигин жаңы баштаган элчилердин грамоталарын кабыл алды
Өзүнчө эле турист! Жээнбеков командировкага чыккан аткаминерлер тууралуу
Жээнбеков Борбор Азия өлкөлөрүнүн башчылары менен мамилеси кандай экенин айтты