Бишкектеги Нооруздун шаңы. Видео

Жазылуу
Бишкектеги "Ала-Тоо" аянтында Нооруз майрамына карата атайын салтанат уюштурулду.

Ага калаа тургундары менен коноктору, төрага Дастан Жумабеков, вице-премьер Алтынай Өмүрбекова жана мэр Азиз Суракматов баштаган аткаминерлер катышты.

"Нооруз жаңы демдин, жаздын, алдыдагы чоң ийгиликтердин жарчысы, аалам жаңырып, тилектер айтылып, баарыбыз жакшылыктарга даярданабыз. Дыйкан талаага дан чачып эл-журтка токчулукту тилеген учур", — деди Суракматов.

Ал ошондой эле алдыда чоң пландарды ынтымак жана биримдик менен аткарып, сүйүктүү Бишкекти жакшы жакка өзгөртүүгө, гүлдөтүүгө багыт алынганын кошумчалады.

Ноорузга карата уюштурулган улуттук ат оюндары. Түз алып берүү - Sputnik Кыргызстан
Нооруз майрамына карата "Ак-Кулада" болгон көк бөрүнүн видеосу
Жогорку Кеңештин төрагасы Дастан Жумабеков Нооруз майрамы миңдеген жылдарды карытканына, анын өзгөчөлүгү бар экенине токтолду.

"Байыртадан ата-энебиз ушул күнү үй-жайын иретке келтирип тазалап, жер жарылып чөп чык, желин жарылып сүт чык деп токчулукту ниет кылып, ар бир үйгө ырыскы, токчулук, ырашкерлик келсин деп үмүт кылган", — деди ал.

Төрага ошондой эле ата-бабалар Ноорузду жаздын келиши гана эмес, жаңы күндүн, жаңы доордун башталышы деп билгенин айтты.

Майрамдык иш-чара концерт менен коштолду.

Жаңылыктар түрмөгү
0