Ажалдын азуусунан суурулуп... Антилопанын жырткычтардан кутулуп кеткен видеосу

630
(жаңыланган 19:28 25.03.2019)
Жапайы жаратылыш адамзат күтпөгөн окуяларга бай. Кээде бирөө жем болсо, кээде кара жанын душмандарынан качырып кеткен жаныбарлар кездешет.

Сиздер көрүп жаткан видеодон айбан эмес, күчтүүмүн деген адамзат да сабак алса болчудай.

Мындай маанайдагы видео YouTube каналына жарыяланды.

Кадрдан кара кулак төрт шердин антилопанын шыйрагына, чатына, жонуна тиш матырганын көрүүгө болот. Ал эми бешинчиси качан жыгылаар экен деген тейде акмалап турат. Тарамыштай тырмышкан мышык тукумундагылардын тырмагына илингендерден кутулуп кетүү оңой эмес.

Антилопа каршылык көрсөткөн сайын берки жырткычтар чапкенедей жабышканын көрүүгө болот. Этке туйтунам деп жетип келген гиена өзү эмес, өзгөлөрдү да олжосуз калтырды. Душманын көргөн жырткычтар аярлай калганда карылуу антилопа алардын азуусунан бошонгонго жетишкен. Бошонмок турсун тик мүйүздөрү менен аны жара тартып кетүүгө аракет кылгандардын артынан кууп сүзгүлөп, шаштысын алган.

Акырында буту жерге анда-мында бир тие качып, өзөндү беттеп, көздөн кайым болгон антилопаны көрүүгө болот.

Интернет айдыңында антилопанын каармандыгы, шашмалыгы жана шамдагайлыгы жөнүндө видеолор көп тараган.

Кыймылдаганга дарманы калбаптыр. Африкада турист антилопаны сууруп чыккан видео.

Куусун көр! Секирип өтмөк болгон антилопаны тамактан алган кабыландын видеосу.

Гну антилопасы арстандарды мүйүзү менен челип ыргытты. Видео.

630
Белгилер:
жырткыч, гигиена, антилопа
Тема боюнча
Топтой эле учту го! Бразилияда бука ковбойду ыргыта сүзгөн видео
Эне да... Өлгөн баласын кучактап сыздаган маймылдын видеосу

"Россия сегодня" 80 жылдык мааракесин белгилеп жатат. Видео

22
"Россия сегодня" эл аралык маалымат агенттиги бүгүн 80 жылдыгын белгилеп жатат. Эл аралык алдыңкы медиагруппанын тарыхы 80 жыл мурда, Совинформбюро түзүлгөндө башталган.

Ондогон жылдардан берки убакыт аралыгында агенттиктин аталышы "Новости", РИА "Новости", "Россия сегодня" болуп өзгөрдү. Бирок журналистиканын жогорку деңгээли менен ишке болгон жоопкерчилик ошол бойдон калды.

"Россия сегодня" 200 шаарда иш алып барып, 32 тилде, күнү-түнү Россияда жана дүйнөдө болуп жаткан жаңылыктар менен кабардар кылат.

22
Белгилер:
маалымат агенттиги, "Россия Сегодня" ЭМА
Тема боюнча
"Өздүгүн жашырууга аракет кылган". Facebook кимдин цензурасынан өтөт?

Саясатташкан айбанаттар. Желек "уурдаган" токой жаныбарынын видеосу

65
Кадимки эле кемчеттин паркка сайып койгон желектин таяктарын түбү менен сууруп алып, шашып, күч менен сүйрөп бараткан учуру интернетке тарады.

"National Geographic Россия" сайтынын маалыматына караганда, канадалык сүрөтчү Майк Дигаут паркка желекти сайып коюп, ага келген кемчетти видеого тартууну көздөгөн. Бирок маалыматта анын планы эки эсе майнаптуу болуп, жаныбар "саясатташып кетип" ал тургай желекти ийинин көздөй сүйрөп жөнөгөн.

Видеодогу каарманды аты Spud (Картофелина) жана бир жашта экени айтылды.

Кадрдан анын басып келип, жыгачка сайылган желекти айландыра карап, андан соң эки буттап тура калып, жетүүгө аракет кылганын көрүүгө болот. Анысы майнаптуу болбогондон кийин сайылып турган таякты жулууга тырмышып жатып, тиштегилеп да жиберип, акыры максатына жеткен.

Анын желек байланган таяктардын бирин тиштеп алып чуркап кетүүгө аракет кылып жаткан жеринен видео бүтүп калган.

"Spud —жергиликтүү сүрөтчүлөрдүн сүймөнчүгү, кишилерден коркпойт жана паркта пайда болгон жаңы объектилерди кызыгуу менен карап чыгат", — деп жазылган сайтта.

Анын адамдардан чочубаганы сүрөтчүлөрдүн кызыктуу ирмемдерди кармашына жакшы мүмкүнчүлүк түзүп берери да айтылган.

65
Белгилер:
желек, видео, Канада
Тема боюнча
Кескелдирикти кебелбей жутуп койгон кобранын видеосу
Илбирс камераны аз жерден чайнап кое жаздады. Видео
Медициналык кызматкер вакцина менен. Архив

Бишкекте дагы эки эмдөө пункту ачылды, 60тан өткөндөр "Спутник V" алса болот

0
"Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

БИШКЕК, 24-июн. — Sputnik. Бишкек шаарында дагы эки эмдөө пункту ачылды. Каалоочулар ал жерден "Спутник V" вакцинасын ала алышат. Бул тууралуу мэриядан билдирди.

Пунктулар Ленин райондук (64 45 57, 0505 111 330) жана Свердлов райондук (63 51 22; 0505 286 670) бириктирилген үй-бүлөлүк борборлорунда жайгашкан.

Учурда Бишкекте 24 убактылуу эмдөө пункту иштеп жатат. Дареги:

  • Октябрь райондук бириктирилген үй-бүлөлүк медицина борбору — 57-09-15, 0 (703) 29-37-93;
  • Биринчи май райондук бириктирилген үй-бүлөлүк медицина борбору — 32-55-71, 0 (550) 70-10-02;
  • Биринчи май райондук бириктирилген үй-бүлөлүк медицина борборунун №7 үй-бүлөлүк борбору — 62 09 62;
  • Свердлов райондук бириктирилген үй-бүлөлүк медицина борборунун №8 үй-бүлөлүк борбору — 43 39 03; 0551 117 744.

Белгилей кетсек, "Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

Кытайлык Sinopharm препаратынын экинчи дозасын саюу дагы уланууда (№4, 9, 14, 15, 16, 17, 19 үй-бүлөлүк медицина борборлору).

0
Белгилер:
үй-бүлөлүк медицина борбору, вакцина, коронавирус, Бишкек
Тема:
Коронавируска каршы эмдөө
Тема боюнча
COVID: эмделер алдында антителого тест тапшыруунун зарылдыгы барбы
Казак өкмөтү: Кыргызстанга вакцина берүү пландалган эмес