Мирзиёевдин урматына. Өзбек желеги дүйнөдөгү эң бийик имаратка түштү. Видео

411
(жаңыланган 14:34 27.03.2019)
Бириккен Араб Эмирлигине иш сапар менен барган Шавкат Мирзиёевдин урматына дүйнөдөгү эң бийик имарат — Бурж-Халифага улуттук желектин сүрөтүн түшүрүштү.

Мирзиёев ушул күндөрү Эмирликтин мураскери Абу-Даби Шейх Мухаммад бин Заида Аль Нахаяндын чакыруусу менен барган.

Дубайда жогорку даражалуу коноктун урматына болуп көрбөгөндөй чоң инсталляция жасашкандыгын Sputnik Өзбекстан жазды. Мындан сырткары, дүйнөдөгү эң көркөмдүү деген Бурж-эль-Араб мейманканасы өзбек желегинин түсүнө боелгонун кабарлады. Ал эми шаардыктар менен коноктор желек түшүрүлгөн имараттын фонунда сүрөткө түшүп жатышат.

Посмотреть эту публикацию в Instagram

Публикация от Komil Allamjonov (@k_allamjonov)

Өзбек лидери менен жолуккандан кийин БАЭнин өкмөт башчысы өзбек тилинде твит жазган.

"Өзбекстан президенти Шавкат Мирзиёевдин Бириккен Араб Эмирлигине жасаган сапарына абдан курсант болдук. Бул кадам эки өлкөнүн ортосундагы кызматташуунун жаңы барактарын ачмакчы", — деп жазган ал.

​Бурж-Халифа Дубайда жайгашкан. Узундугу 828 метр, учурда дүйнөдөгү эң бийик имарат.

411
Белгилер:
ханзаада, Абу-Даби, Шавкат Мирзиеев, Бириккен Араб Эмирлиги, Өзбекстан
Тема боюнча
Мирзиёевдин жубайынын ажарын шамал ого бетер көркүнө чыгарды. Пекиндеги кадрлар

АКШ Россияны "талиптер менен байланыш" үчүн опузалады. Ал эми ТИМ далил сурады

98
(жаңыланган 16:46 14.08.2020)
АКШнын мамлекеттик катчысы Майк Помпео эгерде талиптер менен байланыш аныкталып калса, Россияга анын баасын өтө кымбат төлөгөнгө туура келет деп опузалады.

Окуя Россия Афганистандагы террорчуларга америкалык аскерлерди өлтүргөнгө акча төлөйт деген маалыматты июнда The New York Times гезити жазып чыкканда башталган. Макалада эч кандай факты келтирилген эмес. Болгону куру сөздөр айтылган. Алар атайын кызматтын аталбаган маалымат булагынын айтканына негизделген. Россия ТИМи The New York жазган макала карандай калп экенин айтып, АКШдан далил талап кылды.

"Тезинен аткаруу зарыл": АКШ Россияны эмнеге жазалагысы бар?

Америкалыктар мындай олуттуу билдирүү менен эмнени жашырганы, дегеле Россияны террорчулар менен байланыштыруу Трампка жардам бере алар-албасын биздин видеодон көрсөңүз болот.

98
Белгилер:
күнөө, талиптер, Россия, ТИМ, Афганистан, АКШ
Тема боюнча
АКШнын чалгын кызматы Россиянын талибдер менен "жакындыгын" төгүндөдү
Афганистанда бир нече теракт болуп, анын жоопкерчилигин "Талибан" алды. Видео
Афганистанда 20 киши набыт болду. "Ислам мамлекети" түрмөгө чабуул койду

Хабиб Нурмагомедовдун беттеш алдындагы маалымат жыйыны видеодо

194
(жаңыланган 16:21 14.08.2020)
UFC уюмунун жеңил салмактагы чемпиону Хабиб Нурмагомедов Gorilla Energ командасынын пландары жана алдыдагы беттеши тууралуу айтып берет.

Жеңил салмактын чемпиону Хабиб Нурмагомедов америкалык Жастин Гэтжи менен беттешке чыгат. Гэтжи 9-майда мекендеши Тони Фергюсонду уткандан кийин россиялык мушкерге башкы атаандаш болгон.

Аралаш мушташ спортунда 31 жаштагы Гэтжи 22 ирет жеңишке жетип, эки жолу утулган. Ал эми анын атаандашы Нурмагомедов 28 жолу октагонго чыгып, жеңилип көрө элек.

194
Белгилер:
беттешүү, UFC, Хабиб Нурмагомедов
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Океанга чөктүрөм. Хабиб атаандашы Гэтжиге "тап берди"
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды