Путин Жээнбеков тартуулаган аргымакка жем берип, тайганды сылады. Видео

14646
(жаңыланган 19:43 28.03.2019)
Кыргызстанга мамлекеттик сапар менен келген Россия лидери Владимир Путинге президент Сооронбай Жээнбеков Дон тукумундагы аргымак жана алты айлык тайган тартуулап аттандырды.

Кыргызстандык үлкөндөр коштогон топ "Ала-Арчада" Путинге арналган тартууну берди.

Россия лидери алгач сымбаттуу көк аргымакка барып, көкүлүнөн сылап, өз колу менен жем берди. Камбар атанын тукумуна суктанып, кобурай эркелете да кетти. Ат чунаңдабай, жаңы ээсине кыялын көрсөткөн жок.

Путин андан соң тайганга барып, аны кармап турган кызматкерден жашын, кыялын, кандай болуп чоңоерун сурады. Президент Жээнбеков иттин агрессивдүү эмес экендигин, кишини тиштебей тургандыгын айтты.

Путинге тайган куш-илбээсиндерге аңчылык кыларын айтышты эле, президент карышкырга тиш сала алар-албасына кызыкты. Табиятынан ит баласына көбүрөөк кызыккан Путин тайгандын жанында буйдалып бир саамга кармалды.

Эскерте кетсек, бул РФ президентине кыргыз жергесинен тартууга аргымак алып жаткан биринчи учур эмес. Путиндин буга чейинки сапарында ошол кездеги президент Алмазбек Атамбаев да ак боз ат мингизген.

14646
Белгилер:
тайган, аргымак, белек, Сооронбай Жээнбеков, Владимир Путин
Тема:
Владимир Путиндин Кыргызстанга жасаган мамлекеттик сапары (52)
Тема боюнча
Путин миграциялык мунапыстын мөөнөтү эмнеге узартылганын айтты
Жээнбеков Путинге аргымак мингизип, тайган жетелетти