Төө-Ашууда жайкы дөңгөлөк менен бараткан фуралар тыгын жаратты. Видео
Кадрларда жолдо жүк ташуучу бир нече автоунаа турганын, аларды айланып жеңил машиналар араң өтүп жатканын көрүүгө болот. Фуралар жолдун эки тарабында тең турат.
Чүй облусунун Жол кыймылынын коопсуздугун камсыздоо боюнча башкармалыгынын маалымат катчысы Темирлан Мирсадык уулу тыгын Бишкек — Ош жолунун 127-129-чакырымында экенин айтты.
"Ашууда кар жатат. Ал эми жүк ташуучу унаалар жолго жайкы дөңгөлөк менен чыгышкан. Мындан улам тыгын пайда болду", — деди ал.
Ушу тапта ашууга бир грейдер, кум жүктөлгөн бир машина жөнөтүлдү.
Белгилер:
Силерге ыраазымын! Жээнбеков күндүзгү стационарга барып, медиктерге жолукту. Видео
(жаңыланган 00:04 09.07.2020)
Бүгүн президент Сооронбай Жээнбеков Бишкектеги күндүзгү стационарга барып, ал жерде иштеп жаткан медициналык кызматкерлер менен жолукту. Алардын учурдагы эмгегин белгилеп, ыраазычылыгын билдирди.Эске салсак, борбор калаада калкка алгачкы медициналык жардам көрсөтүү үчүн бир катар күндүзгү стационарлар ачылган.
Президент ал жердин шартын кыдырып көрүп, дарыгерлер менен пикир алышкан.
"Өз ден соолугуңарга коркунуч келип турганына карабастан, мекендештердин саламаттыгы үчүн иштеп жатасыздар. Көзүңөрдө чарчап-чаалыгуу, коркуу эмес, жалын бар. Ошого сүйүнүп жатам. Бул мага дем берет. Силерге ыраазымын, кудай колдосун", — деген Жээнбеков ак халатчандарга.
Жээнбеков Бишкектеги күндүзгү стационарга барып, медиктерге жолукту. Сүрөт
Өткөн суткада Кыргызстанда 345 адам COVID-19 жугузуп алганы аныкталды. Азыркы тапта стационарда 592 киши бар, анын 17си реанимацияда. 4 799 адам үй карантининде дарыланып жатат. Ушуну менен Кыргызстандын аймагында коронавирусту илештирип алгандардын жалпы саны 8 486га жетти.
8-июлга карата коронавирус жана пневмониядан 57 адам каза тапты.
Өлкө аймагындагы соңку кабарлар менен биздин Telegram-каналдан таанышып туруңуз.
Төрага Дастан Жумабеков дарыканаларды кыдырып, бааларды тизмектеп чыкты. Видео
(жаңыланган 17:38 08.07.2020)
Кыргызстанда дарылардын баасы обу жок көтөрүлүп жатканы боюнча эл нааразылыгын билдирип, бийлик бул боюнча чара көрүүгө аракет кылып келет.Жогорку Кеңештин төрагасы Дастанбек Жумабеков бүгүн Бишкек шаарындагы бир нече дарыканаларга кирип, дары-дармектердин баасын сурап чыкты. Бул тууралуу парламенттин маалымат кызматынын башчысы Ибраим Нуракун уулу социалдык тармактагы баракчасына жазды.
Пандемияда кымбаттаган дарылар: чыга элек токтом, алакан жайган аптека ээси
Ошондой эле Жумабековдун дарыканаларды кыдырып жүргөн видеосу да жайгаштырылды.
“Төрага айрым дарыканаларда кезек күткөн элди өз көзү менен көрдү, өзү да кезекке турду”, — деп белгилейт маалымат катчы.
Ал жарандар "дарылардын баасы обу жок көтөрүлдү" деп кайрылышканын белгилеп, төрага тиешелүү органдардан бул кырдаал боюнча кескин чара көрүүнү талап кыларын айткан.
Күздө өтчү шайлоодо 44 партия ат салышмай болду. Тизме
(жаңыланган 11:05 09.07.2020)
Саясий партиялардын документтерин кабыл алуу мөөнөтү 8-июлда соңуна чыкты. БШКга жалпы 44 саясий партия тиешелүү кагаздарын жиберген.БИШКЕК, 9-июл. — Sputnik. Күздө боло турчу парламенттик шайлоого 44 саясий партия катышат. Бул тууралуу Борбордук шайлоо комиссиясынан кабарлашты.
Маалыматка ылайык, партиялардын документтерин кабыл алуу иштери 8-июль күнү соңуна чыкты. БШКга жалпы 44 саясий партия тиешелүү кагаздарын жиберген:
- "Ата Мекен"
- "Мекенчил"
- "Бирик"
- "Мекен Ынтымагы"
- "ОРДО"
- "Бийлик элге" (Власть народу)
- "Чон Казат"
- "Партия коммунистов Кыргызстана"
- "Единство народа"
- "Политическая партия Ветеранов войны в Афганистане и Участников других боевых локальных конфликтов"
- "Актив"
- "Рабочая партия Кыргызстана"
- "Республика"
- "Аграрная партия Кыргызской Республики"
- Политическая партия Государственного единства и патриотизма "Бир Бол"
- "Демократ"
- "Улуу журт"
- "Партия зеленых Кыргызстана"
- "Партия Труда"
- "Социал-демократы"
- "Бүтүн Кыргызстан"
- "Таза Коом"
- "Ар-Намыс" (партия достоинства)
- "Кыргызстан"
- "Ыйман Нуру"
- "Ак Калпак"
- "Мекеним Кыргызстан"
- "Адам-Демократ"
- "Жаратман Эл"
- "Биримдик" (Единство)
- "Реформа"
- Народно-Демократическая партия Кыргызстана
- "Глас народа"
- "Улуу Кыргыстан"
- Кыргызстандык Социал-Демократическаялык партиясы
- "Тартип-Порядок"
- "Замандаш"
- "Патриоты Кыргызстана"
- "Народный контроль"
- "Бүткүл жаштар саясий партиясы"
- "КУТ"
- Либерально-демократическая партия "НУР"
- "Өнүгүү — Кыргызстан"
- "Билим Илим Ордосу"
Кыргызстанда шайлоо камы башталды. Ким, эмнеге даяр болушу керек
Эске сала кетсек, президент Сооронбай Жээнбеков 3-июлда Жогорку Кеңештин депутаттарын шайлоону 4-октябрда өткөрүү тууралуу Жарлыкка кол койгон.
Кыргызстан БШК партия шайлоо