Бул сепилге кирүү акысыз! КРдеги укмуштуудай тарыхый жайдын асмандан көрүнүшү

9177
Баткенден түштүк-батышты көздөй бара жатканда 58-чакырымда Кан сепили орун алган. Тагыраагы, сепилдин урандысы. Качандыр бир кезде ал айтылуу Кокон хандыгынын кубатын даңазалаган жай болгон (1709-1876).

Болжол менен 200 жыл мурда Кудаяр хандын башкаруусу учурунда курулган чепке бир дагы душман кире алган эмес.

Кокон хандыгы кулагандан кийин тоо-таштын койнунда жайгашкан чеп акырындык менен талкалана баштаган.

Анын узундугу 500 метрге, туурасы 100 метрге жакын.

СССР убагында бул аймакка өрүктүн ондогон көчөтүн отургузушкан. Азыр ал жерге каалаган киши кирип чыга алат.

Баса, коңшу айылдардын тургундарында ушул убакка чейин урандыны Кудаяр хандын арбагы аралап жүрөт деген ишеним бар.

9177
Белгилер:
сепил, Баткен
Тема боюнча
Forbes Кыргызстанды сейилдөөгө ыңгайлуу 3 мыкты аймактын катарына киргизди