Нотр-Дам чиркөөсүнүн чатыры толугу менен урап түштү

326
(жаңыланган 09:53 16.04.2019)
Чиркөөдө өрт жергиликтүү саат боюнча 18:30дар чамасында башталган.

Париждеги Нотр-Дам-де-Пари чиркөөсүнүн чатыры толугу менен урап түштү. Бул тууралуу RT телеканалынын Telegram каналында маалымдалды.

Ага ылайык, тилсиз жоо имаратты толук кучагына алып жатат.
Чиркөөдө өрт жергиликтүү саат боюнча 18:30дар чамасында башталган.

Өрттөн улам Франциянын президенти Эммануэль Макрон "Жашыл күрмөчөндөрдүн" талабы боюнча элге жасай турчу кайрылуусун кийинкиге жылдырды.

Чиркөөдө реставрация иштери жүрүп жаткандыктан имараттын жарым бөлүгү жабык болчу. Алдын ала маалымат боюнча өрттүн чыгышына оңдоо иштеринин байланышы болушу ыктымал.

Жеринде өрт өчүрүүчү кызмат иштеп жатат.

326
Белгилер:
өрт, Париж
Тема:
Нотр-Дам чиркөөсүндөгү ири өрт (7)
Тема боюнча
Париждеги Нотр-Дам чиркөөсү күйүп жатат. Видео

Бишкекте чет элдик жаранды коркуткан кылмыштуу топтун мүчөлөрү кармалды. Видео

591
(жаңыланган 15:51 31.10.2020)
Бишкекте чет элдик жаранды коркутуу жолу менен акчасын алып кеткендер кармалды. Бул тууралуу Ички иштер башкы башкармалыгынан кабарлашты.

Маалыматка караганда, 28-октябрь күнү Түркиянын А.И. аттуу жараны милицияга арыз жазып кайрылган. Ал 27-октябрда белгисиз адамдар саат 15:00дө анын кеңсесине келип өздөрүн Камчы Көлбаевдин уюшкан кылмыштуу тобунун мүчөлөрү катары тааныштырганын билдирген. Ошондой эле абакта жаткан кримтөбөлгө жардам берүү максатында 20 миң сом сурашканын кабарлаган. Кылмышкерлер эгер акча бербесе сабап, мүлкүн талкалай тургандыктарын айтышкан.

Факты Кылмыш жана жоруктардын бирдиктүү реестрине Кылмыш-жаза кодексинин 203-беренеси (акча талап кылуу) боюнча каттоого алынган.

“Ыкчам тергөө амалдарынын жүрүшүндө Бишкектен уюшкан кылмыштуу топтун мүчөлөрү акча алып жаткан жеринен кармалды. Алардын унаасынан белгисиз моделдеги ок атуучу курал табылган. 37 жаштагы И.Э. менен “Доня” каймана атын алып жүргөн К.Д. Камчы Көлбаевдин уюшкан кылмыштуу тобунун активдүү мүчөсү катары ИИМдин каттоосунда турат. Эки шектүү тең убактылуу кармоочу жайга киргизилди”, - дешти милициядан.

Учурда шектүүлөрдүн башка дагы кылмыштарга тийиштиги бар-жогу такталып жатат.

591
Белгилер:
чет элдик жарандар, кылмыш, Бишкек
Тема боюнча
ЖКККББдин жетекчи орун басарынын пара алып жаткан учуру видеого түшүп калган
Автомат менен кирип, колуна кишен кийгизип. Камчы Көлбаевди кармаган видео

Бишкектин эки районунда салык төлөөчүлөргө ыңгайлуу шарт түзүлдү. Видео

71
(жаңыланган 14:43 31.10.2020)
Мындан ары келген жарандар электрондук башкаруу принциби менен кезекке турат. Ага улай эле өзүн-өзү тейлөө зонасы түзүлгөн.

Салык кызматы Бишкектин Свердлов жана Биринчи май райондорунда электрондук кезек системасын жана өзүн-өзү тейлөө зонасын ишке киргизди. Бул тууралуу аталган органдын маалымат кызматы билдирди.

Биринчи майдагы жаңы системанын презентациясына биринчи вице-премьер Артем Новиков, Салык кызматынын төрагасы Кабыл Абдалиев, орун басары Кубанычбек Шатемиров, кызматкерлер жана салык төлөөчүлөрү катышты.

Новиков: салыктагы эски ыкмалар ишкерликти өнүктүрүүгө тоскоолдук жаратууда

“Эми келген жарандар электрондук башкаруу принциби менен кезекке туруп тейленет. Мындан тышкары, “Бирдиктүү терезе” залдарында өзүн-өзү тейлөө зонасы түзүлгөн. Анда салык төлөөчүлөр залга орнотулган компьютерлерди колдоно алышат. Алдыда мындай система башка аймактарга да кошулат”, — деп айтылат маалыматта.

Эскерте кетсек, бүгүнкү күндө салык төлөөчүлөр salyk.kg порталы аркылуу отчёт, декларация тапшырууга, полис, патент жана ыңгайлуу форматтагы маалымкаттарды электрондук түрдө алууга мүмкүнчүлүктөр бар.

71
Белгилер:
система, тейлөө, Мамлекеттик салык кызматы
Тема боюнча
Чалуу бекер. Салык кызматынын Call-борбору жаңы 116 номерине өттү
Айыл чарба министри Токтогазиев үч багытка басым жасаарын айтты
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы