ЖАЛАЛ-АБАД, 23-апр. — Sputnik. Базар-Коргон районунда дайынсыз жоголгон беш жаштагы бала төрт күндөн бери изделип, иштер бүгүн да улантылууда. Бул тууралуу облустук милициянын маалымат катчысы Нурдин Жээнтаев билдирди.
Анын айтымында, 22-апрелде ӨКМдин куткаруучулары менен жергиликтүү жашоочулар аны сууга агып кетиши мүмкүн деген шек менен каналдан издеп велосипедин таап чыгышты.
"19-апрель күнү саат 17:00дө Акман айылында 5 жаштагы бала дайынсыз жоголгон. Туугандары өз алдынча издеп таба алышкан эмес. 22-апрель күнү Өзгөчө кырдаалдар министрлигинин куткаруучулары менен биргеликте баланы каналдан да издешти. Натыйжада анын велосипеди табылды", — деди Жээнтаев.
Учурда издөө иштери уланып жатат.
