Кыйкырбаңызчы, суранам! Төраганын депутат Карамушкинага кайрылган видеосу

975
Дастан Жумабеков убакыт депутат сүйлөп жатканда гана кетерин эскертти.

Жогорку Кеңештеги КСДП фракциясынын депутаты Ирина Карамушкина анын суроо берүү убактысы жөн эле кетип жатканын айтып, ага берилген мүнөттөрдү токтотуп турууну талап кылды.

"Менин убактымды токтоткула, 2 мүнөттө биз суроо берип үлгүрбөй калып жатабыз, өкмөт ээн-эркин жооп берүүдө", — деди Карамушкина.

Буга Жогорку Кеңештин төрагасы Дастан Жумабеков убакыт депутат сүйлөп жатканда гана кетерин эскертти.

Депутат Карамушкина эптеп эле анын оозун жабууга аракет болуп жатат деген пикирин айтты.

"Эми ошол убакыт деле эптеп эле депутаттын оозун жабууга макул болуп жатпайбы", — деп үнүн өктөм чыгарды Карамушкина.

Буга КСДП депутаты төрагадан: "Не кричите, пожалуйста!" - деген жооп алды.

Белгилей кетсек, депутат Ирина Карамушкина бүгүнкү жыйынга чакырылгандарга уран сыяктуу уулуу заттар чыккан жерге жакын жашагандарга жеңилдиктер каралып-каралбаганын жана "Радиациядан пайда боло турчу ооруларга мониторинг жасалабы?" деген суроо узаткан.

Ага саламаттыкты сактоо министри Космосбек Чолпонбаев жооп берип, мониторинг жүргүзүлөрүн айтты.

"Акыркы 10 жылдагы статистикалык маалыматтар бар экен, алардын баары анализденет", — деди Чолпонбаев.

Эске салсак, учурда Жогорку Кеңеш "Кыргызстан калкынын радиациялык коопсуздугун камсыз кылуу боюнча чаралар жөнүндө" өкмөттүн маалыматын угуп жатат.

975
Белгилер:
Дастанбек Жумабеков, КСДП фракциясы, Жогорку Кеңеш
Тема боюнча
"Кыйкырбаңызчы!". Төрага Жумабеков депутат Карамушкинага кайрылды

Кыргыздарга той керекпи? Эң эле талаштуу пикирлердин таймашы

86
Ушул тапта Кыргызстанда ондогон жана жүздөгөн кишилерди чогулткан той-аштарга тыюу салынган. Бирок пандемиядан коркпогондор, жаап-жашырып болсо дагы тойлорду өткөрүүдө.

Эмне себептен той кыргыздар үчүн өтө маанилүү?

Sputnik Кыргызстан ар кайсы аймактын тургундарынын пикирин угуп көрүүнү чечти. Сурамжыланган (20дан ашык киши) адамдардын "макул" жана "каршы" пикирлерин "Кыргыз тою" деп аталган анимациялык чакан долбоорго батырдык.

Ар кандай пикирлер айтылды. Мисалы, айрымдар той кыргыздарды бириктирип, көпчүлүк көйгөйлөрдү чечүүгө жардам берет деп эсептейт. Башкалар дал ушул тойлордун айынан көптөгөн аткаминерлер коррупцияга белчесинен батып жатат деген пикирде. Анткени салтанат болгон жерге башкалардан жакшы кийинип, жакшы машина айдап, көбүрөөк акча алып барышы керек да.

Өкмөт: той, массалык иш-чараларды өткөргөндөргө көзөмөл күчөтүлөт

Пикирлерди эки топко бөлүп, аларды айтып бериш үчүн Максат жана Канышай аттуу каармандарды ойлоп таптык. Максат чыгымдуу тойлорго каршы, ал эми Канышай, тетиринче, элге тойдун кандай баалуулуктары бар экенин айтып берет.

Каармандардын талаш-тартышы менен каада-салтты карманган эч бир адамдын ой-пикир, сезимдерин басмырлагыбыз келбейт. Жөн гана мекендештердин пикирлери ар кандай экенин көрсөтүүнү максат кылдык.

86
Белгилер:
пикир, экономика, каада-салт, той
Тема боюнча
Жашырынып тойлогон "генийлер" жана акылга сыйгыс ушактар. Пандемиядан алган сабак

COVID-19га каршы россиялык вакцина КМШга берилет

93
Россия чет мамлекеттерге иштеп чыккан вакцинасын массалык түрдө жөнөтпөйт. Анын ордуна башка өлкөлөр менен вакцинанын технологиясын бөлүшүүгө даяр. Бул туурасында Гамалея атындагы институттун директору Александр Гинцбург билдирди.

Учурда Россияда дагы эки вакцина сыноодон өтүп жатат. 2020-жылдын 22-сентябрында Россиянын Саламаттык сактоо министрлиги жаңы дарыны клиникалык жактан сыноого уруксат берди. Аны Россиянын илимдер академиясы иштеп чыккан. "Вектор" илимий борбору жасаган дагы бир вакцинаны сыноо аяктап бара жатат. Жакынкы чет өлкөлөр россиялык вакцинаны кантип ала алат жана эмне үчүн Россия өзүнүн иштеп чыккан ыкмасы менен бөлүшүүгө даяр экендигин биздин видеодон көрүңүз.

93
Белгилер:
Технологиялар, вакцина, Дүйнөлүк саламаттыкты сактоо уюму, КМШ, Россия
Тема:
Дүйнөгө жайылган коронавирус
Тема боюнча
Россия Кыргызстанга коронавируска каршы вакцина жөнөтүүнү көздөп жатат
ДССУ COVID-19га каршы чыгарылып жаткан вакциналардын санын айтты
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

40
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

40
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео