Бишкекте Соцфонддун кызматкери пара менен кармалды. Видео

384
(жаңыланган 17:09 03.05.2019)
Бишкекте Соцфонддун Свердлов району боюнча башкы башкармалыгынын ага адиси кармалганын Улуттук коопсуздук мамлекеттик комитетинен кабарлашты.

Шектүү кармалган учурда анын жанынан белги коюлган 12 миң сом табылган.

Маалыматка караганда, арыз жазган киши 2016-жылы бизнесин сатып, өлкөнүн тышына чыгып кеткен. Бирок 2018-жылдын ноябрь айында салык декларациясын толтуруу учурунда жеке ишкер катары каттоодо турганы аныкталып, аны жабуу зарыл болгон.

Мындан улам ал салык органдары жана Социалдык фондго арыз менен кайрылып, тийиштүү айып пулду төлөгөн.

"Бирок Соцфонддун кызматкери жеке ишкердин карыздарын оң жакка чечип берүү үчүн акча талап кылган", — дешти УКМКдан.

Материалдар Кылмыштар жана жоруктар жөнүндөгү бирдиктүү реестрге Кылмыш жаза кодексинин 326-беренеси ("Акча талап кылуу") менен каттоого алынды.

Шектүү УКМКнын тергөө абагына киргизилди.

384
Белгилер:
кылмыш, пара, Социалдык фонд, УКМК
Тема боюнча
"Түндүкэлектр" ишканасынын кызматкери пара менен кармалган видео
Таласта пара алып жаткан полковник кармалды
Жол инспекторунан 40 миң сом пара алып жаткан подполковник кармалды

ДССУ Россиянын СOVID-19га каршы вакцинасына кызыгууда. Видео

190
(жаңыланган 17:22 07.07.2020)
Дүйнөлүк саламаттыкты сактоо уюму Россиянын СOVID-19га каршы вакцинасына жана коронавирусту айыктырган дарыларына кызыгууда. Алар тесттин жыйынтыгын күтүп жаткандыгын айтышты.

СOVID-19га каршы вакцинаны сыноо кандай жүрүп жатканы уюмдун көз алдында экенин билдиришти. Россияда сынап көрүү иштери ыктыярчыларга бир нече медициналык жайда жасалууда. Эксперимент кандай өтүп жаткандыгын, алардын катышуучуларынын абалын жана өзгөчө кимдер вакцинаны чыдамсыздык менен күтүп жатканын бул видеодон көрүүгө болот.

190
Белгилер:
вакцина, Дүйнөлүк саламаттыкты сактоо уюму, Казакстан, Кыргызстан, Россия
Тема:
Дүйнөгө жайылган коронавирус
Тема боюнча
Россияда COVID-19га каршы вакцинаны сайдыргандардын абалы айтылды
Россия COVID-19га каршы вакцинаны кантип сынап жатат. Ыктыярчылар тартылган видео

Бишкек мэриясы асма уколдун штативин жана тосмолорду кантип жасап жатат. Видео

363
(жаңыланган 13:31 06.07.2020)
Бишкектин коммуналдык кызматтары асма укол коюуга штативдерди жана бүгүлмө тосмолорду жасап жатат. Алар борбор калаада ачылган күндүзгү стационарларда колдонулат.

"Тазалык" ишканасынын маалымат катчысы Жибек Каракеева кызматкерлер жабдууларды кантип даярдап жатканын көрсөттү.

Анын айтымында, муниципалдык ишкана стационарлар ачылган күнү 400 штатив жана 100дөн ашык тосмо жасаган. Бүгүн дагы кеминде 200 штатив даярдалышы керек.

Бишкектеги күндүзгү стационарлардын номери өзгөрдү. Тизме

Каракеева ошону менен катар эле башка бригадалар негизги жумушунда көчөлөрдү таштандыдан тазалап жүргөнүн белгиледи.

Мындан сырткары, "Бишкек асфальт сервис" ишканасынын кызматкерлери стационарлар ачыла турган күнү түнү менен 100 штатив жана тосмонун 40 каркасын жасаган. Ал эми "Бишкек жарык" 100 штатив жана 30 тосмо даярдап, стационарларды электр энергиясы менен камсыздаганын кошумчалады.

"Ганси" базасында реанимациялык блок ачылды

Белгилей кетсек, коронавирус жана пневмониянын жеңил же орточо түрүнө кабылгандар үчүн Бишкектин төрт районунда күндүзгү стационар түзүлгөн. Бул жерден ийне сайдырып, медиктерден консультация алууга болот. Мэрия ал стационарлардын дареги менен телефон номерлерин  жарыялаган болчу.

363
Белгилер:
стационар, кызмат, тосмо
Тема:
Коронавируска байланыштуу Кыргызстандагы кырдаал
Тема боюнча
Чүйдө беш жүздөн ашык киши жата турган дагы 21 стационар ачылды
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

0
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

0
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады