Кескин дем алба, туура ыйына көр! Бала кантип төрөлөт. Видео

2298
(жаңыланган 13:31 08.05.2019)
Репродуктивдүү ден соолук жана көмөкчү репродуктивдик технологиялар клиникасынын акушер-гинекологу Бела Ибраева "Биз — ата-энебиз" рубрикасынын алкагында төрөттү шарттуу түрдө, муляждын жардамы менен көрсөтүп берди. Ал төрөт учурунда бала кантип жарыкка келерин, кайсы жерде өтө абайлаш керектигин түшүндүрдү.

Баланы тогуз ай көтөрүүдөн сырткары аны жарыкка алып келген учурлар эне үчүн да, ымыркай үчүн да өтө татаал сааттардан. Кыргыздарда "аялдын бир ажалы төрөттөн" деген сөз бар. Албетте, анын бетин ары кылсын. Демек, эзелтеден бери эле ары жоопкерчиликтүү, ары кыйын учур экени белгилүү. Экөөнүн тең өмүрү, ден соолугу кыл учундагы ирмемдер.

Андыктан, эне болор алдында ар бир аял дыкаттык менен даярданып, туура дем алып, туура дем чыгарып, эрежеси менен ыйынуу сыяктуу майда сымал, бирок маанилүү эрежелерди сактоосу зарыл.

Туура эмес дем тартып алсаңыз, балага зыян келтирип, андан сырткары, өзүңүз да жаракат алып калышыңыз мүмкүн. Курсактагы түйүлдүктү тогуз ай көтөрүп, маалы келгенде аман-эсен төрөп алуунун өзү чоң эмгек. Ошончо убакыт абайлап, саксактап жүргөн мээнетти талаага кетирбей, төрөт учурунда ар бир ирмемде жоопкерчиликтүү болууга аракет кылуу аба менен суудай зарыл.

Андыктан, дарыгердин айткандарын жан кыйналып турса да чыдап аткарууга аракет кылган оң. Ай-күнү жетип калган учурда көбүрөөк эс алып, уйкуну кандырып организмди даярдаш керек. Толгоо бир сааттан бир нече саатка чейин созулган учурлар арбын. Бул үчүн күч керек.

2298
Белгилер:
ымыркай, гинеколог, акушер, төрөт
Тема:
"Биз - ата-энебиз" социалдык долбоору (18)
Тема боюнча
Аял-эркектин тукумсуздугуна себеп болгон жагдайлар. Гинеколог менен маек
Уулумдун ыйлаганын укпайын деп таңдан кечке иштечүмүн. "Биз — ата-энебиз" долбоору

Балбак Түлөбаев маршрутка көйгөйү боюнча кайрылуу жасады. Видео

217
(жаңыланган 16:03 19.01.2021)
Бишкек шаарынын мэринин милдетин аткаруучу Балбак Түлөбаев маршруткалардын иш таштоосу боюнча кайрылуу жасап, андан соң журналисттердин суроосуна жооп берди.

Кечээ, 18-январда, айрым маршрутка айдоочулары жумушка чыкпай коюшкан. Алар жол кире акысын 5 сомго жогорулатууну талап кылып, жол акы 2012-жылдан бери көтөрүлө электигин белгилешкен. Учурда маршруткада жол жүрүү баасы күндүз 10, ал эми кечинде 12 сом.

217
Белгилер:
билдирүү, Балбак Түлөбаев, каттам, маршрутка
Тема боюнча
Маршрутка көйгөйү: Милиция аялдамадагы аялдарды, балдарды үйүнө ташыды. Видео
Бишкектеги аялдамаларда маршрутка күткөн эл адаттагыдан көппү? Сүрөт, видео

Тамак жасап, идиш жууган роботтун таң калтырган видеосу

155
CES 2021 деп аталган көргөзмөдө Moley Robotics компаниясы ашкана ишин кынтыксыз аткарган роботту элге тааныштырды. Анын кадимкидей эле тамак жасай аларын айтышты.

Роботтун эки колу бар, ал кудум адамдыкына окшош. Текчеден тиешелүү азык-түлүктү өзү эле алып, кууруп, бышырып, ал тургай күйгүзүп жибербей аралаштырып да турат. Отту азайтып же керек болсо көбөйтөт.

Бир нерсе төгүлүп же чачылып кетсе, жыйнап да коёру маалым болду. Идиш-аякты кадимкидей жууйт.

Түзүүчүлөр темир ашпозчунун эсине тамак-аш жасоонун беш миң ыкмасын киргизип коюшкан. Авторлор ээси тажап кетпеш үчүн кулинария китебин ай сайын жаңылап турууну пландап жаткандыктарын айтып беришкен.

Роботтун баасы учурда болжол менен 40,8 миң — 74,8 миң доллардын тегерегинде экендигин айтышты.

155
Белгилер:
кулинария, ашкана, тамак-аш, робот
Тема боюнча
Индияда роботтор COVID менен күрөшкөн дарыгерлерге жардамчы болууда. Видео
Бугелдик аркан жол менен тоого чыгып бараткан кыз. Архивдик сүрөт

КРде дүйнөдө тыюу салынган аркан жол колдонулат. Адис лыжа базалары тууралуу

0
(жаңыланган 12:23 20.01.2021)
Адистин айтымында, өлкөдө тоо лыжа базаларына тийиштүү коопсуздук стандарттары кабыл алына элек. Буга байланыштуу юридикалык жактан доомат коюу мүмкүн эмес.

БИШКЕК, 20-янв. — Sputnik. Кыргызстанда бүгүнкү күнгө чейин бугелдик аркан жол колдонулат. Кооптуу делгендиктен ага дүйнө жүзүндө тыюу салынганын "Тоодо куткаруу кызматы" коомдук фондунун жана Тоо гиддеринин ассоциациясынын жетекчиси Владимир Комиссаров Sputnik Кыргызстан агенттигинин мультимедиалык маалымат борборунда өткөн жыйында билдирди. 

Руководитель общественного фонда Служба спасения в горах и Ассоциации горных гидов Владимир Комиссаров на брифинге в мультимедийном пресс-центре Sputnik Кыргызстан.
© Sputnik / Асель Сыдыкова
"Тоодо куткаруу кызматы" коомдук фондунун жана Тоо гиддеринин ассоциациясынын жетекчиси Владимир Комиссаров

Адистин айтымында, республикада тоо туризми жаатында коопсуздук чаралары кабыл алынган эмес. Буга байланыштуу кадимки эрежелер сакталбай келет.

"Бизде бугелдик аркан жол дагы деле колдонулуп келет. Дүйнө жүзү боюнча буга тыюу салынган. Себеби кооптуу деп эсептелет. Жеке мен бугелдик аркан жолдон колун сындырып алган кызды көргөм", — деди Комиссаров.

Ал ошондой эле турист трассанын оор-жеңилин билип турушу үчүн белгилер илиниши керектигин айтты.

"Турист анын алдында "кара" трасса экенин, ал профессионалдарга арналганын билиши керек. Кээ бир базаларда мындай классификациялар бар, бирок көпчүлүгүндө жок", — деди Комиссаров.

Адистин айтымында, лыжа тепкен трассалардын чети тосулуп турушу шарт.

"Лыжа спорту боюнча мелдештерди көрүп эле жүрсөңүздөр керек. Анда трассанын чети сетка менен тосулган. Лыжа тепкендер кулап кетсе даракты сүзбөй ошол сеткага барып урунушат. Бак-дарагы жок тоо лыжа базаларында тосулбаган түркүктөр кооптуулук жаратат", — деп кошумчалады Комиссаров.

Коопсуздук нормалары кабыл алынбагандыктан тоо лыжа базаларына юридикалык жактан доомат коюу мүмкүн эместиги айтылды. Адис мындай учурда коопсуздук лыжа тепкендердин тажрыйбасынан жана тоо лыжа базаларынын ээлеринен көз каранды экенин белгиледи.

0
Белгилер:
жол, коопсуздук, Тоо-лыжа базасы, лыжа, Кыргызстан
Тема боюнча
"Каракол" лыжа базасында каза болгон казакстандык өспүрүм. Кырсыктын чоо-жайы