Москва: параддын көркүн ачкан аскер кыздардын видеосу

4750
Улуу Ата мекендик согуштун 74 жылдыгына арналган Москвадагы Кызыл аянтта өткөн парадга чыккан аскер кыздар көпчүлүктүн көңүлүн бурду.

Маалыматка ылайык, Кызыл аянтта 138 аскерий техника жана 13 миңден ашуун аскер кызматкери салтанаттуу жүрүштөн өттү. Алардын арасынан кара өтүк, аппак юбка, мээлей кийип аскердик формачан бараткан курсант кыздарды кезиктирүүгө болот.

"Россиянын армиясына кошулууну каалаган кыздардын саны жыл сайын өсүп жатат. Трибунадан Аскерий байланыш академиясынын мыкты өкүлдөрү, Аскер университетинин жана Вольск материалдык камсыздоо аскерий институтунун курсанттары, Аскер космостук академиясынын өкүлдөрү жана Аба-космостук коргонуу аскер академиясынын курсанттары өтүп жатат", — деп тааныштырды диктор.

Мындан сырткары, учурда 3000ден ашуун кыз-келиндер Россиянын Куралдуу күчтөрүндө кызмат өтөп жатканы айтылды.

4750
Белгилер:
жүрүш, курсант, Жеңиш күнү, парад, Москва
Тема боюнча
Баш-аягы көрүнбөгөн "Өлбөс полк" акциясы. Фотофакт
Чоң атасынын сүрөтүн көтөрүп, миңдеген элди баштап баскан Жээнбеков. Видео

Сириядагы чыр: АКШ Россиянын "колу канган малынганын" айтты

287
(жаңыланган 10:45 01.08.2020)
Вашингтон Сириядагы абалга Россия менен Иранды күнөөлөдү. АКШнын БУУдагы туруктуу өкүлү Келли Крафт америкалыктар сириялыктарга жардам берүү үчүн миллиарддаган акча коротуп жатканын, ал эми Россия менен Ирандын "колу канга малынганын" айтты.

Мунусу менен Россиянын аталган уюмдагы туруктуу өкүлү Василий Небензяга жооп берди. Себеби ал АКШ сириялык мунай кендерин пайдаланып жаткандыгын айткан эле. Сириядагы нефтинин мыйзамсыз сатылып жатканы тууралуу маселени Россия бир нече ирет көтөргөн.

Ага Москва да, Тегеран да бир топ далилдерди келтирген. Анын чоо-жайын биздин видеодон көрө аласыз.

287
Белгилер:
Мунай, нефть, Россия, Сирия, АКШ
Тема боюнча
АКШ Сирияны колдоого алган Россия менен Кытайды жазаламай болду. Видео

Бейтапты сактайм деп акка моюн сунгандар. Ак халатчандарды эскерген видео

294
Коронавирус миңдеген өмүрдү соолутту, эч кимди аяган жок. Алардын арасында жашоосун, бүт өмүрүн саламаттык сактоо тармагына арнаган медиктер дагы бар. Айрымдары ичер суусу түгөнгүчө элге кам көрсө, кээ бири вирус менен күрөшүп жүрүп көз жумду.

Элдин саламаттыгы деп жүрүп набыт болгон медицина кызматкерлерин Sputnik Кыргызстан агенттиги эскерди. Алардын арасында уулунун артынан эле каза болгон, бир учурда төрт бир тууганынан ажырап кийин өзү да пневмониядан көз жумган дарыгерлер бар...

Коронавирус медицина каймактарын терип кетти. Дарттан көз жумган медиктер

Саламаттык сактоо министрлигинин расмий маалыматы боюнча, 30-июлга карата өлкөдө коронавирус дартынан 73 медицина кызматкери каза тапкан. Анын 44ү дарыгер. Бул статистикага саламаттык сактоо тармагында эмгектенген бардык кызматкерлер, пенсияга чыккандар да кошулган. Материалга сүрөтү жана ал тууралуу маалымат табылган 30 гана медик камтылды.

Россиялык медиктердин Кыргызстанга жардамы. Реанимациядан тартылган видео

Белгилей кетсек, 17-июлдан тарта бийлик коронавирус менен пневмонияны чогуу эсептей баштаган. U07.1 коду коронавирус деп эсептелсе, U07.2 клиникалык жана эпидемиологиялык жактан аныкталган ооруканадан тышкаркы пневмония болуп саналат.

294
Белгилер:
эскерүү, өлүм, коронавирус, медик
Тема:
Кыргызстандагы коронавирус жуктуруп алгандар
Тема боюнча
Азыркы азалуу Ата Журт, эртеңки айт... Бул күндөрдүн артында улуу жакшылыктар бар
Коронавирустан көз жумгандар "Ата-Бейитте" эскерилип, куран окулду
Ош базарындагы соодагер. Архив

Былтыр КРде кайсы тармакта кызмат көрсөтүүлөр көп болгон. Статистика

8
(жаңыланган 09:06 04.08.2020)
Калк арасында эң кеңири колдонулган кызматтардын сап башына дүң жана чекене соода, автотранспорт оңдоо кирди. Бул тармак бардык кызматтардын 73 пайызын түздү.

БИШКЕК, 4-авг. — Sputnik. Улуттук статистика комитети өткөн жылы Кыргызстанда кайсы кызматтар көп колдонулганы тууралуу маалымат берди.

Ага ылайык, калк арасында эң кеңири колдонулган кызматтардын сап башына дүң жана чекене соода, автотранспорт оңдоо кирди. Бул тармак бардык кызматтардын 73 пайызын түздү. Андан кийинки орунда транспорттук кызматтар жана жүктөрдү сактоо (7,3 пайыз) турат.

Ысыккөлдүк ишкана Кытайга сүт экспорттой баштайт

Колдонулган кызматтардын 4,8 пайызы мейманканаларга жана ресторандардын ишмердигине тиешелүү.

Маалымат жана байланыш тармагына туура төрт пайыз туура келген. Калган тармактардагы кызмат көрсөтүүлөр төрт пайыздан төмөн болгон.

8
Белгилер:
пайыз, кызмат, экономика, Кыргызстан
Тема боюнча
Былтыр банктар элге канча насыяны кандай максатта берген. Сандар
Экономика министри: Кыргызстандын ички дүң продукциясынын көлөмү кыскарды