Туу көтөрүп автобусту коштогон жоокерлер. Алгачкы туристтерди тосуп алгандагы видео

1700
(жаңыланган 12:26 15.05.2019)
"Кара жорго" бийлеген туристтер, автобусту коштогон күлүктөр, англисче сүйлөгөн жетекчи... Жаңы сезондогу алгачкы туристтерди тосуп алган учурдагы видеону Маданият, маалымат жана туризм министрлиги таратты.

Ысык-Көлдүн пляжы. Архивдик сүрөт
© Sputnik / Табылды Кадырбеков
Өткөн аптада "Манас" эл аралык аэропортунда жайкы сезон башталгандан бери биринчи болуп келген туристтерди министр Азамат Жаманкулов менен орун басары Максат Дамир уулу тосуп алган.

Кадрларда туристтер кымча бел бийчи кыздар менен бирге "Кара жорго" бийин бийлеп жаткан учурду көрүүгө болот.

Видеодогу көз жоосун алган ирмемдер — туристтерди салган автобус аба майдандан чыгып, шаарды көздөй бара жаткан мезгил. Анда автобусту күлүк минип, туу көтөргөн жигиттер коштоп келе жатат.

1700
Белгилер:
бий, видео, сезон, туризм, Азамат Жаманкулов, Кыргызстан
Тема боюнча
Өлкөнүн туристтик урааны тандалып, 5000 доллар ээсин тапты

Эртең мененки жана күндүзгү Бишкектин чочуткан көрүнүшү. Видео

287
(жаңыланган 18:26 01.12.2020)
Бишкекти эртең менен жана күндүз видеого тарттык. Алардын айырмасы кишини чочутпай койбойт. Үч саат ичине борбор калааны коюу ыш басып каларына күбө болдук.

Эртең менен аба салыштырмалуу таза болуп, күндүз кадимкидей булгана баштаганын байкоого болот. Абадагы кир нормадан ашып кеткендиги, ал эми кечинде абал андан да начарлаары алаканга салгандай ачык болуп турат.

Бишкекти ыштан арылтуу үчүн майнаптуу ыкмалар табыла элек болгондуктан, шаардыктар өтө кирдеген аба менен дем алып, жашоосун улантууда.

Мэрия шаардыктарга кайрылып, көчөгө чыгар алдында абаны текшерип алууга, мүмкүн болушунча көчөдө көп жүрбөөнү айткан.

Абанын канчалык деңгээлде булгангандыгын MoveGreen жана AirKaz.org деп аталган экологиялык кыймылдын сайттарынан текшерип алууга болот.

Аба эмнеден булганып жатат?

Анын негизги себептеринин бири шаардын тегерегиндеги конуштарда массалык түрдө от жагуу, автоунаалар бөлүп чыгарган түтүн жана ЖЭБдин түтүнү менен ышы.

287
Белгилер:
аба, экология, кыш, Бишкек
Тема боюнча
Фотофакт: ышка тумчуккан Бишкектин асмандан көрүнүшү

АКШ Афганистанда 10 аскер базасын жапты. Өлкөнү талибдерге салып бердиби?

126
(жаңыланган 13:22 01.12.2020)
АКШ менен "Талибан" кыймылы тарыхый тынчтык макулдашуусуна 2020-жылдын февралында кол койгону белгилүү.

АКШ "Талибан" кыймылы менен кол койгондон тарта Афганистанда кеминде 10 аскер базасын жапты. Бул туурасында The Washington Post басылмасы атын айткысы келбеген америкалык, афганистандык аткаминерлерге таянып билдирди.

Маалыматка караганда, Афганистандын дал тынчыбаган жерлериндеги базалар жабылганы айтылат.

АКШ менен "Талибан" кыймылы тарыхый тынчтык макулдашуусуна 2020-жылдын февралында кол койгон. Анын бир шартында америкалыктар документке кол койгондон тарта 14 ай ичинде Афганистандан аскерлерин алып чыгып кетиши керек эле.

Буга чейин президент Дональд Трамп АКШ Афганистандагы аскерлеринин санын бир топ кыскартарын айткан. Расмий адамдардын билдирүүсүнө караганда, январдын ортолорунда алар 5000ден 2500гө чейин азаймак.

126
Белгилер:
аскердик база, Талибан, Афганистан, АКШ
Тема боюнча
Афганистанда кызмат өтөп келген 9 австралиялык аскер жанын кыйды
Аалам аңтарылчудай... Афганистанда куралданган талибдер, кетип жаткан америкалыктар
Медик кызматкери ооруканада. Архивдик сүрөт

Биолог: коронавирустун жеңил формасынын да кесепети оор болот

0
(жаңыланган 09:43 02.12.2020)
Адис коронавирустук инфекция адамдагы "ресурстарды коротуп, карылыкка жакындатат" деген оюн айткан. Бирок бул кылдат изилдөөнү талап кыларын белгилеген.

БИШКЕК, 2-дек. — Sputnik. Коронавирус инфекциясынын жеңил формасынын дагы кесепети оор болорун РИА Новости агенттигине Жордж Мейсон университетинин системалык биология мектебинин профессору Анча Баранова билдирди.

Адис дарыгерлер тобунун ишинин жыйынтыгына таянган. Анда жугуштуу ооруну орточо жана жеңилирээк формада өткөргөндөр кароодон өткөн.

"Илдетти бир топ жеңил көтөргөндөрдүн 70 пайызында ички органдардын патологиясы байкалган. Бирок башкы оорусу адаттагыдай жүрөк эмес, көбүнчө майлуу гепатоз (боор жабыркайт) жана уйку безинин ткандарын май байлап кетиши болгон. Негизи мындай диагноздор 60 жашта коюлат, коронавирус жуктургандарда 40 жашында эле байкалды", — деди Баранова.

Биолог коронавирустук инфекция адамдагы "ресурстарды алып, карылыкка жакындатат" деген оюн айткан. Ошол эле учурда оорунун кесепеттери дагы кылдат изилдөөнү талап кыларын белгилеген.

0
Белгилер:
кесепет, оору, коронавирус
Тема:
Коронавируска байланыштуу Кыргызстандагы кырдаал
Тема боюнча
ДССУ: коронавирус пандемиясы жакын арада токтобойт