Ишене албайм! Абылгазиев "КТ Мобайлга" аралашкан бажасы боюнча үн катты. Видео

3768
(жаңыланган 16:38 04.06.2019)
Өкмөт башчы Мухаммедкалый Абылгазиев журналисттердин суроосуна кыскача жооп берип, "КТ Мобайл" компаниясын ачууга өзү кызыкдар болгонун билдирди. Ишкананын айланасындагы чууну "чарбалык ишти саясатташтырып жиберишти" деген пикирин айтты.

Кечээ, 17-майда, "КТ Мобайл" чыры боюнча түзүлгөн депутаттык комиссиянын жыйынында премьердин бажасы Иманкадыр Рысалиев аталган компаниянын ишине кийлигишкени айтылды. Тагыраагы, ал мамлекеттик кызматкерлерди өкмөттүн аппарат башчысынын орун басарынын кабинетинде эки-үч жолу жана Маалымат технологиялары жана байланыш мамлекеттик комитетинин имаратында жыйналыш өткөрүп, "КТ Мобайлды" тезирээк ишке киргизүүгө тапшырма берген. Мындай кадамга барууга ага ким укук берди деген суроо жаралууда. Анткени Рысалиевдин "КТ Мобайл" компаниясына тиешеси жоктугу айтылууда.

Бул боюнча өкмөт башчы бүгүн Улуттук китепканада өткөн конференцияга катышып чыгып баратканда сурадык.

"КТ Мобайл" мамлекеттик долбоор, муну аягына чейин жеткирүү керек деп ойлойм. Чарбалык, экономикалык маселени саясий маселеге айландырып отурабыз. Бул туура эмес. Депутаттык комиссия түзүлүп иштеп жатат. Алар "бажасы, уулу боюнча" деп жатат, баарын көрүшсүн. Жеке мен туугандардын аралашканын туура эмес көрөм. Мамлекеттик көз карашта боло турган иштерди баарыбыз колдойбуз деп ойлойм. "КТ Мобайл" менен MegaCom компаниясынын биргелешип иштешин өзүм колдоп, ушундай жасаш керек деп айткам. Себеби азыр уюлдук компаниялардын арасында Кыргызстандын компаниясы жок", — деди Абылгазиев.

Ал эми бажасы Иманкадыр Рысалиев өкмөттө жыйын өткөргөнү боюнча сураганда, "ага ишене албайм, тастыкташ керек" деп кыскача гана жооп берди.

Белгилей кетсек, MegaCom компаниясынын башчысы Акылбек Жамангулов Sputnik Кыргызстан агенттигине берген маегинде, Иманкадыр Рысалиев "КТ Мобайлды" башынан баштап калкалап жүргөнүн билдирген. Ошол эле учурда ал үй-бүлөсүн кошуп коркутканын айтууда.

"КТ Мобайл" тууралуу кыскача

"Кыргызтелеком" ААКтын туунду компаниясы "КТ Мобайл" 2003-жылы түзүлүп, уюлдук байланыш кызматын көрсөтүү боюнча лицензия алган. Өзүнүн жыштыгы бар, башка оператордун жабдуулары менен ишке кирүүнү каалаган. Ал үчүн өткөн жылдын аягында компаниянын жыштыгы аукционго коюлуп, "Альфа-Телеком" ЖАК (MegaCom) 345 миллион сом сунуштап утуп алган. План боюнча уюлдук оператор катары 8-майда ишке кирмек.

Ал ортодо "КТ Мобайлдын" жетекчилери 300-350 миң маяна алары айтылып, директордун орун басары өкмөт башчы Мухаммедкалый Абылгазиевдин бажасы Иманкадыр Рысалиевдин баласы экени ачыкталды. Бул коомчулукта резонанс жаратып, жетекчилердин баары иштен кетүүгө мажбур болду.

Бул чырдын айланасында депутаттык комиссия түзүлгөн.

3768
Белгилер:
өкмөт, компания, "КТ Мобайл" ЖЧКсы, Мухаммедкалый Абылгазиев
Тема боюнча
Иманкадыр Рысалиев: Жамангулов жалганчы, аны эми текшертем
Депутат: премьердин агасы Саламаттык сактоо министрлигиндеги майлуу жерде отурат

Эки айда үч жолу... РФ истребителдери АКШнын чалгынчы учактарын Сирияга жолотпойт

283
Россиянын истребителдери Сириянын жээгине жакындоого аракет кылган АКШнын Poseidon P-8A чалгынчы учагынын жолун тосту.

Бул окуядан кийин АКШ командачылыгы Россиянын аскер-космостук күчтөрүн ээнбаштык менен кооптуу маневрларды жасап жатат деп кине койду. Алардын айтымында, россиялык истребителдер тыңчы учакка 8 метрге чейин жакын келип, маневр жасоого жолтоо болгон имиш. Чалгынчы учактын жолун бууганга 64 мүнөт кеткен.

Америкалык учактар ушуну менен Сириянын аймагында жайгашкан россиялык аскер объектилерине жакындоого акыркы эки айда эле үчүнчү ирет аракет жасап жатышат.

Өз кезегинде Россиянын Коргоо министрлиги Аскер-космостук күчтөргө таандык учактардын баары эл аралык эрежелерди катуу сактай турганын дайым эскертип келет.

283
Белгилер:
Сирия, армия, Россия, АКШ, чалгынчы, истребитель, учак
Тема боюнча
Крымда универсалдуу десанттык кеме курулат. Россиялык "Мистралдын" өзгөчөлүктөрү

Комдонуп, кулакты жапырып. Кара кулак шердин жонунан тартылган видео

194
Америкадагы зоопарктардын биринде кара кулак шердин кантип чуркагандыгын, күүлөнгөндүгүн, дегеле кыймыл аракетин бир нече сантиметр жакындыктан көрсөтүп беришти.

Адатта бул жырткычтын жанына жолоого мүмкүн эмес экендиги баарына дайын. Бул туурасында "National Geographic Россия" сайты жазды.

Кара кулак шер мышык тукумундагы жаныбарлардын эң күлүгү. Үч секунда ичинде ылдамдыгын саатына 112 чакырымга жеткире алат, тагыраагы, тез күүлөнөт. Бир секундада өзүнүн тулку боюнан 16 эсе узун аралыкка чуркоого жөндөмдүү.

Цинциннати зоопаркынын кызматкерлери кызыккандарга сейрек видеону тартуулашты. Сейрек дегендин себеби, бир нече сантиметрден туруп, ошончолук ылдамдыкта, аны менен эч ким катарлаша чуркай албайт. Мындай мүмкүн да эмес, себеби жырткыч чоочун бирөөнү жанына жакын жолотпойт.

Зоопарк кызматкерлери кара кулак шердин бел жагына GoPro камерасын орнотуп, анын бир кадамын көрүүчүлөргө тартуулады. Аны карап турган адам жаныбардын кантип даярданып, кантип күүлөнүп, анан кантип атырыла чуркап бара жаткандыгына күбө боло алат.

194
Белгилер:
кара кулак, зоопарк, ылдамдык, видео, АКШ
Тема боюнча
Иранда иттерди COVID-19ду аныктоого үйрөтүшүүдө. Кызыктуу видео
Карантинден кийин көрүшкөн кожоюн менен эшектин эмоциясы. Видео
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

0
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

0
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди