Министр болчу Чодуевдин Жээнбековдун кудасы менен жакындыгы барбы? Жооп видеодо

1846
(жаңыланган 14:21 04.06.2019)
Буга чейин социалдык тармактарда "Чодуев Жогорку Кеңештин депутаты, президент Сооронбай Жээнбековдун кудасы Алиярбек Абжалиевдин кудасы экен" деген маанидеги маалыматтар тараган.

Айыл чарба, тамак-аш өнөр жайы жана мелиорация министри кызматына талапкер катары сунушталып жаткан Эркинбек Чодуев Жогорку Кеңештин депутаты Алиярбек Абжалиев менен тууганчылык байланышы бары-жогу тууралуу Sputnik Кыргызстан агенттигине айтып берди.

Эске салсак, кечээ, 28-майда, премьер-министр Абылгазиев өкмөттө бош калган министрлик кызматтарга талапкерлерди сунуштаган. Алардын арасында учурдагы министрдин орун басары Эркинбек Чодуев бар болчу.

Көп өтпөй социалдык тармактарда "Чодуев Жогорку Кеңештин депутаты, президент Сооронбай Жээнбековдун кудасы Алиярбек Абжалиевдин кудасы экен" деген маанидеги маалыматтар тараган

Мындай пикирлерге чекит коюу үчүн талапкер коомчулукка жооп берди. Ведомствонун маалымат кызматы таратып берген видеодо ал эл өкүлү менен туугандык жайы жок экенин айтат.

"Алиярбек Абжалиев менен жакындыгым жок. Мен аны Жогорку Кеңештин депутаты катары гана тааныйм", — деди ал.

Ошондой эле Чодуев айыл чарба тармагын көтөрүүгө программасы бар экенин жана өкмөт башчынын ишенимин актоого болгон аракетин жумшай турганын кошумчалады.

1846
Белгилер:
талапкер, кудагый, Эркинбек Чодуев, Алиярбек Абжалиев
Тема боюнча
Министр болчу Чодуев картошка көйгөйүн кантип чечерин айтты
Депутат Ормонов: министрлердин ордуна орун басарларынын келгени эӊ туура
Абылгазиев: кесипкөй, реформатор жетекчилерди сунуштап жатам

93 жашында шуулдап операция жасаган Мамакеев. Дарыгердин иш учурунан видеобаян

190
Хирург Мамбет Мамакеевди кыргыз эли эле эмес, бүт дүйнө тааный баштады. Себеби ал 68 жылдык карьерасынан улам Гиннестин рекорддор китебине кирди. Жакшы жаңылыгы менен алтын колдуу дарыгерди Sputnik Кыргызстан агенттиги да куттуктап, ал-абалын сурап келди.

93 жаштагы Мамбет Мамакеев башка курбалдаштарына салыштырмалуу тың, күүлүү-күчтүү. Учурда Бишкектеги хирургия борборунда иштеп, күнүнө 3-4 операция жасайт. Биз барган учурда кезектеги операциясына даярданып жатыптыр.

"Азыр бейтаптын өтүн алабыз. Кааласаңар операцияга кирип чыккыла" деп шуулдап халатын кийип, операция залына жөнөдү. Операция көз ачып-жумганча бүттү. 93 жаштагы хирург 10 мүнөттүн ичинде кайра иш бөлмөсүнө келип калды.

"Операциядан тажабайм, чарчабайм дагы. Анткени ал жакта сүйлөбөйсүң. Хирургдун мээси, анан колу жакшы иштеш керек. Көп сүйлөгөндөн чарчап кетем. Ушул жашка келгичекти бир да күн жумушума кечигип же келбей калган күнүм болгон эмес. Ишиңди жакшы көрсөң, андан тажабайсың", — деди дарыгер.

Мамакеевдин хирургия тармагында иштей баштаганына 68 жылдан ашыптыр. Бул аралыкта ал 30 миңден ашык адамдын өмүрүн сактап калган. 1000ге чукул шакирттерди тарбиялап, 200дөй илимий эмгектин автору болгон. Дарыгер адамга таланттан биринчи эмгек керек экенин айтып, тырышчаактыгынын, эмгекчилдигинин арты менен атактуу хирург болгонун айтып берди.

"Медициналык институтта билим алып жүргөндө мугалимдер мени тартипсиз, орой, орусча сүйлөй албайт деп жаман көрчү. Аспирантурага тапшырарда да "бул кантип аспирант болот" деп араң өткөрүшкөн. Бирок мен тырышчаактыгым, эмгекчилдигим менен аспирант болмок тургай, ушул даражага жеттим. Айрымдары "Мамакеев дагы эле тирүүбү" деп сурайт экен (күлүп). Мен бул жумушума көнгөм. Аны таштоо оңой эмес. Ишиңе берилүү менен мамиле кылыш үчүн ишти, ооруну, бейтапты да сүйгүнүң. Кесипкөй адис болом десең билимге умтул. Мунун баары болгондо гана ишке көңүл тартат", — деди хирург.

Кызыгы, хирург өмүрүндө чылым чегип, арак ичип көргөн эмес. Дени сак жашоого бала кезинен көнүп, чыйралганын айтып отурду. Мамакеев дүйнөдөгү аксакал дарыгерлердин бири. Кемпири менен эки уулду тарбиялап чоңойтушкан.

"Кемпирим 91 жаштын чайын ичип отурат. Бирок алдан тайып, араң басып, сүйлөбөй калды. Экөөбүз баштан далай кыйынчылыкты өткөрдүк. Эки уулум менин жолумду жолдоп медицина тармагын тандап алышкан. Биринчи уулум ооруканада диагностикалык борборду иштетсе, экинчиси ушул оорукананын жетекчиси. Небере-чөбөрөлөрүм бар", — деди Мамакеев.

Хирург биз менен маегинде экинчи даражадагы "Манас" орденинен башка мамлекеттик сыйлыктын баарын алганын айтып отурду. "Кудай күч-кубат берсе иштей берем, азырынча көзүм курч, мээм алжый элек", — деди ал.

Айтылуу хирург 1927-жылы Ысык-Көл облусунун Кереге-Таш айылында төрөлгөн.

Бишкек шаарында анын ысымы ири хирургия борборуна ыйгарылган.

190
Белгилер:
эмгек жолу, операция, дарыгер, хирург, видео, таржымал, Мамбет Мамакеев
Тема боюнча
Айыгарын билбей өлмөкчү болуп... Өзгөчө операция жасаган нейрохирургдун маеги
Шоопур болуп кете жаздаган. Миңдеген мээни ачкан Миталип Мамытов 80 жашка чыкты

Акыйкаттык орнобосо, тынчтык болбойт! АКШда эл Флойд менен коштошкон видео

420
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

420
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат
. Улуу Британиянын ханзаадасы Уильям  жубайы Кейт Миддлтон менен. Архивдик сүрөт

Тыңчы, волонтёр... Ханзаада Уильямдын жашыруун иштеген кызматтары

0
Ханзаада Уильям былтыркы жылдын апрель айында Улуу Британиянын атайын кызматтарында үч жума иштеп, тажрыйба топтогон. Анда Улуу Британияга террордук уюмдар тарабынан келтирилген коркунучтар жөнүндө кеңири маалымат алган.

БИШКЕК, 7-июн. — Sputnik. Улуу Британиянын ханзаадасы Уильям кризистик кырдаалга кабылган адамдарга жардам берген Shout 85258 ишеним кызматында жашыруун иштеген. Бул тууралуу The Mirror басылмасы жазды.

Ханзаада өзүнөн башка 2 миңге чукул волонтёрлор сыяктуу эле бул жумушка кирүү үчүн атайын даярдыктан өткөн. Shout 85258 ишеним кызматында негизинен этникалык азчылык өкүлдөрүнө жардам берилери айтылат.

Мындан тышкары ханзааданын жубайы Кейт Миддлтон коронавирус күч алган учурда Саламаттык сактоо улуттук кызматынын волонтёрлук программаларына катышканы белгилүү болду. Ал үй изоляциясында жатып, кыйынчылыкка туш болгон адамдарга телефон аркылуу кеңеш берген.

Ошондой эле ханзаада былтыркы жылдын апрель айында Улуу Британиянын атайын кызматтарында үч жума эмгектенип, тажрыйба топтогон. Анда Улуу Британияга террордук уюмдар тарабынан келтирилген коркунучтар жөнүндө кеңири маалымат алган. Кийин Өкмөттүк байланыш борборунун тыңшоо жана маалымат чогултуу бөлүмүндө иштеген.

0
Белгилер:
кызмат, ханзаада, Улуу Британия
Тема боюнча
Гарри падышалык укуктарынан ажыраган соң фамилиясын өзгөртөт