Системанын жарымын өзгөртөм. Министр болгон Чодуев дагы эмнени убада кылды? Видео

1857
(жаңыланган 18:06 29.05.2019)
Эламан Карымшаков
Айыл чарба, тамак-аш өнөр жайы жана мелиорация министрлигине шайланган Эркинбек Чодуев ишке киришери менен системаны 50 пайызга өзгөртө турганын айтты. Sputnik Кыргызстандын кабарчысы парламенттен колдоо таап чыккандан кийин аны кепке тартып, ишин кантип жөндөй турганын сураган.

Бүгүн парламентте Чодуевдин талапкерлиги каралып, аны 101 депутат колдоп, бир да эл өкүлү каршы чыккан эмес. Ал буга чейин министрдин орун басары болуп иштечү. Мурдагы жетекчи Нурбек Мурашев коомчулуктун сынынан улам 24-майда өз ыктыяры менен отставкага кеткен

"Бир топ кардиналдуу өзгөрүүлөр болот. Экспорт көйгөйүн колго алабыз, бул багытта атайын бөлүм ачылат. Ассоциациялардын башын бириктирип, чоң иштерди жүргүзүүнү пландап жатабыз. Кайра иштетүү ишканаларын колго алабыз. Санариптик айыл чарба деген жаңы долбоорду сунуштап жатам. Азыркы системаны жок дегенде 50 пайызга өзгөртүп жатабыз. Министр болом деген бир топ жаштар чыкты, аларды расмий түрдө кызматташууга чакырам", — деди Чодуев.

Ал эми экс-министрге айтылган коомчулуктун сынын кандай кабыл алганы боюнча суроого жооп берүүдөн баш тартты.

"Былтыркы картошка көйгөйү боюнча министрлик менен чогуу моралдык жоопкерчиликти алам. Айыл чарбасында көптөгөн көйгөйлөр бар, эң чоң көйгөйлөрдүн бири бул — сатуу. Министрге айтылган сын — жалпы командагы айтылган сын, аны көтөрүшүбүз керек. Ал эми Мурашевдин жеке өзүнө айтылган сын боюнча комментарий бере албайм. Ага коомчулук менен өкмөт башчысы жооп берсин", — деди Чодуев.

Эркинбек Чодуев айыл чарба министринин орун басары кызматын беш жылдан бери аркалап келе жатат. Бул аралыкта үч министр менен иштешкенин белгиледи.

1857
Белгилер:
убада, Эркинбек Чодуев, Айыл чарба жана мелиорация министрлиги
Тема боюнча
Жаңы министр Чодуев талапкер болгон жаштарга кызмат берүүнү убадалады
Министр болчу Чодуевдин Жээнбековдун кудасы менен жакындыгы барбы? Жооп видеодо