Депутат Мамашова эмчектеги уулун уктатып коюп балдар үйүн сырдады. Видео

2013
(жаңыланган 16:25 04.06.2019)
Sputnik Кыргызстандын "Эл арасында" долбоору бул ирет Бишкек шаарындагы балдар үйүнө барды. Ага Жогорку Кеңештин депутаты Айсулуу Мамашова катышып, журналист Эламан Карымшаков менен биргеликте мекеменин ойноо аянтчасын сырдады.

Айсулуу Мамашова эң жаш депутат, парламентке 28 жашында келген. Кыргызстандагы белгилүү ишкер Турусбек Мамашовдун кызы. Эл өкүлү жаш энелердин да катарын толуктайт, бүгүнкү долбоорго ымыркайы түшкө маал уктап жаткан учурда келип, катышып кетти.

Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
© Sputnik / Табылды Кадырбеков
Sputnik Кыргызстандын "Эл арасында" долбоору бул ирет Бишкек шаарындагы балдар үйүндө ишке ашты

Мамашова парламентке келгенден кийин бүлө куруп, депутат эле эмес, "жубай", "эне" деген статуска да ээ болду. Учурда улуу кызы эки жашта, кичүү уулу эки айлык. Жолдошу финансист, Бишкектеги банктардын биринде эмгектенет. Ал болочок күйөөсү менен шайлоо учурунда таанышкан экен.

"Бир жолу үй-бүлөбүз менен дайым кайрылып турчу дарыгер эжебизге барсам, "бир жигит бар, таанышып көрбөйсүңбү? Мен кепилдик берем, ал сага сөзсүз жагат" деп калды. Анча көңүлдөнгөн эмесмин, эми эжебиз таарынып калбасын деп макул болгом. Биринчи жолугушуубуз өзгөчө өттү. Өзүм ресторан иштеткеним менен андай жайда отурганды жактыра бербейм. Кафеге баралы дегенде баш тартып, кечинде "Ала-Тоо" аянтына келип көк паровозго түштүк. Сүрөт галереясындагы караокеге да барып, "Жамгыр төктүнү" ушундай ырдадык дейсиз... Ал убакта Москвада иштечү, мени унутуп калбасын дегенби, жума сайын досторунан гүл жиберип турчу. Баш кошкондон кийин Бишкекке келди", — деп жылмаюу менен айтып берди депутат.

Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
© Sputnik / Табылды Кадырбеков
Жогорку Кеңештин эң жаш депутаты Айсулуу Мамашова журналист Эламан Карымшаков менен биргеликте балдар үйүнүн ойноо аянтчасын сырдады

Ал кийинки жолугушуулары да жөнөкөй жайда өткөнүн кошумчалады. 1-январь күнү кокусунан Бек Борбиевдин концертине кирип калып, биринчи жолу анын ырларын угуп жыргап чыгышканын айтат.

Иш ортолоп калганда депутаттык жашоосу тууралуу сураганбызда, дароо эле тойлор жана социалдык тармакта айтылган сындар тууралуу айтып берди.

"Свадебный генерал" болуп калат экенсиң. Тойго чакыра беришет, чакыра беришет. Баарына жетишпейсиң, эми тойдон башка да жашоо бар да, анын үстүнө балдар менен бир жакка чыгыш кыйын. Ошондуктан чектөө киргизип, таптакыр эле барбай калдым. Депутат болгондон кийин эл да башкача көз караш менен карап, көп сын айтат экен. Өзгөчө "Айсулуу Мамашова көз жарды" деген жаңылык чыкканда жазган комментарийлерди көрүп аябай ызалангам. Эмнеге адамды билбей туруп сындай беришет дедим. Азыр бир өкүнгөнүм, өзүмдүн социалдык баракчамды ачып жасаган иштеримди жарыялаган эмесмин. Негизи өзүмдү пиарлаганды жактырчу эмес элем. Баары бир соцтармак керек экен", — деди эл өкүлү.

Мамашова "Ата Мекен" партиясынын тизмесинде алдыңкы сапка илинип, жаштардын жана аялдардын квотасы менен парламентке келген. Ал шайлоо учурунда көп каражат коротконун билдирип, бирок так суммасын айтуудан карманып койду.

  • Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
    Эл өкүлү жаш энелердин да катарын толуктайт, улуу кызы эки жашта болсо, кичүү уулу эки айлык
    © Sputnik / Табылды Кадырбеков
  • Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
    Мамашова маек учурунда кантип шайланганы жана депутаттык жашоосу тууралуу да айтып берди
    © Sputnik / Табылды Кадырбеков
  • Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
    Ал парламентке келгенден кийин турмушка чыгып "жубай", "эне" деген статуска ээ болду
    © Sputnik / Табылды Кадырбеков
  • Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
    Айсулуу Мамашова 31 жашта, белгилүү ишкер Турусбек Мамашовдун кызы
    © Sputnik / Табылды Кадырбеков
1 / 4
© Sputnik / Табылды Кадырбеков
Эл өкүлү жаш энелердин да катарын толуктайт, улуу кызы эки жашта болсо, кичүү уулу эки айлык

"Дайыма "шайлоого катышуу үчүн акча керекпи?" деп сурашат. Ооба, сөзсүз түрдө керек. Анткени шайлоочулар менен жолугушууларды уюштурууга, жарнама, пиар компанияларын иштетүүгө каражат талап кылынат. Мынча акча сарптадым деп айта албайм, көп эле кетти. Бирок акчасы жок жаштар деле депутат боло алат. Менимче, Эламан, сиз бир партияга талапкерлигиңизди сунуштаңыз, өтүп кетесиз. Балким, кийинки чакырылышка Жанардай (Акаев — ред.) болуп келесиз. Бизге сиздей жаштар керек", — деди Мамашова.

Депутаттын балдар үйүнө барып иш кылышы да жөн жерден эмес. Өзү жаш эне болгондуктан балдарга ар тараптан колдоо көрсөтүүгө аракет кылат. Учурда алиментти көбүрөөк суммада төлөтө турган мыйзам долбоорун даярдап жатыптыр.

"Жылдан жылга ажырашуулар көбөйүүдө. Бул учурда ата-энелердин көбү алимент төлөгүсү келбейт экен. Кирешесине жараша эесептегенде 300-500 сом да алимент төлөшүүдө. Азыр мыйзам жазып, минималдуу алименттин көлөмүн 1800 сомго жеткирүүнү көздөп жатабыз. Бул сумма бала чоңойгон сайын өсө берет. Расмий маалымат боюнча, өлкөдө 42 миңден ашуун адам алимент төлөбөйт экен. Бизде көбүнчө байлар алименттен качып жүрөт. Бул мыйзам өтпөй калышы да мүмкүн деп жатышат. Себеби депутаттардын көбү эркектер да, колдобой коюшу ыктымал", — деди Мамашова.

Депутат бала кезинде апасынын кыялын орундатуу үчүн жети жыл музыка мектебине барып фортепиано ойногонду үйрөнгөн. Бирок апасынан айрылгандан кийин кызыгы кетип калганын айтат.

Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
© Sputnik / Табылды Кадырбеков
Мамашова: апам үчүн фортепиано ойногонду үйрөнгөм. Анын көзү өткөндөн кийин токтоттум

"Апам жаш кезинде фортепиано ойносом деп кыяданчу экен. Бирок өзү көп бир тууган эле, аспап сатып алууга, үйрөнүүгө мүмкүнчүлүгү болбоптур. Кийин мени окуткан, апамдын көңүлүн оорутпайын деп жети жыл барып жүрдүм. Бирок андан айрылгандан кийин пианиного такыр отурбай койдум. Анткени мен апам үчүн гана ойночумун. Маанайы чөгүп же өзүн жаман сезсе пианино чертип берчи деп суранаар эле. Апам жок болгондон кийин фортепианонун деле кереги жок болуп калды. Бирок бизге атам ата да, апа да болуп берди. Ал башкача, укмуш эмгекчил, эс алуу дегенди такыр билбейт. Азыр кийинки турмушунан иним, сиңдим бар. Ата-энең жаныңда болсо эркелегиң келе берет. Үйүнө барганда узун кезек түзүлүп, биринчи неберелерин жөнөтүп, анан сиңдим экөөбүз барып кучактап отуруп калабыз", — деп сезимдери менен бөлүштү.

Депутат Жогорку Кенеша Айсулуу Мамашова с журналистом Эламаном Карымшаковым покрасили игровую площадку детского дома в рамках проекта Sputnik Кыргызстан Слуга народа
© Sputnik / Табылды Кадырбеков
Соңунда ал "Эл арасында" рубрикасына чыгуу кезегин фракциялаш кесиптеши Садык Шер-Ниязга узатты

Айсулуу Мамашова маек курганча эки саат иштеди. Албетте, ойноо аянтчасынын баарын сырдап бүтө алган жок. Мындан улам ишти чала таштабайын деп эртеси жардамчыларын жөнөтүп, толугу менен сырдатып берди.

Соңунда ал эл арасына чыгуу кезегин фракциялаш кесиптеши Садык Шер-Ниязга узатты. Өзү болсо кезекти депутат Элвира Сурабалдиевадан алган болчу.

2013
Белгилер:
алименты, бала, эне, жумуш, балдар үйү, депутат, Айсулуу Мамашова
Тема:
"Эл арасында" долбоору (5)
Тема боюнча
Бети-башы агала болгончо иштеди. Депутат Алимбековдун дарак актаган видеосу
Корейче сүйлөп, ырдаган депутат Аида Исмаилова көчө шыпырды. Маектин видеосу
Көк баштык көтөргөн Момбеков шаарды тазалады. Иш учурундагы маектин видеосу

Түрк футболчусу автогол киргизип, Европа чемпионатынын тарыхында калды. Видео

596
Футбол боюнча Европа чемпионатынын эң алгачкы голу оюнчу өзүнүн дарбазасына топ киргизип алышы менен башталды. Мындай жагдай чемпионаттын тарыхында биринчи жолу катталды.

12-июнга караган түнү Рим шаарында Евро-2020 старт алып, оюнду Түркия менен Италиянын курама командалары ачып берди.

Беттештин 53-мүнөтүндө Түркиянын коргоочусу Мерих Демирал өз дарбазасына гол киргизип алып, эсеп санын ачып берди. Анын каршылашы тепкен топту башы менен тосом деген аракети оңунан чыкпай калган.

Демирал Европа чемпионатында автогол киргизген алгачкы футболчу катары тарыхта калды.

596
Белгилер:
автогол, Италия, Түркия, Европа чемпионаты, футбол
Тема боюнча
Футбол: Кыргызстан Мьянманын дарбазасына киргизген голдордун видеосу

Быйыл Кыргызстанда Россия күнү алгачкы ирет масштабдуу түрдө белгиленди. Видео