Эки келини тең төрөттөн каза болгон Айымбүбү апа: төрт неберем менин колумда

(жаңыланган 19:57 07.06.2019)
Жашы 67ге таяп калган Айымбүбү Сабырова төрт небересин жалгыз карайт. Бүкчүйүп араң баскан кемпирдин жети жыл мурун биринчи келини, бир жыл мурун экинчи келини каза болуп калган. Экөө тең төрөттөн көз жумган.

Башынан оңой эмес сыноону өткөргөн Айымбүбү Сабырова менен Sputnik Кыргызстан агенттигинин кабарчысы сүйлөшүп келди.

Айымбүбү апа уулу жана неберелери менен Бишкектин жаңы конушунда эки бөлмөлүү батирде турат экен. Биз барган учурда неберелерин таякелери алып кетиптир.

— Балдарыңыз үйдө жокпу?

— Каникулга тарашкан. Үчөөнү таякеси ойнотуп келейин деп бүгүн эле алып кетти, кичинекейди болсо азыр мага кол кабыш кылып таенеси багышып жатат. 

Жительница одного из новостроек Бишкека Айымбубу Сабырова, которая одна растит 4 внуков после смерти невесток во время родов
© Фото / Таалайгуль Усенбаева
Жашы 67ге таяп калган Айымбүбү Сабырова төрт небересин жалгыз карайт

— Кичүүсү канча жашта?

— Жети ай болду. Ушу баласын төрөйм деп апасы операциядан каза болуп калбадыбы.

— Эки келиниңиз тең төрөттөн кийин көз жумган деп уктук...

— Ооба. Улуу балам 2005-жылы үйлөнүп, келиним үчүнчү уулун 2012-жылы төрөгөндөн беш күндөн кийин каза болуп калды. Башынан операция болгон, ошондон ичине кан уюп калыптыр. Ага чейин Жумгалда кичүү балам менен турчумун. Келинимдин көзү өткөндө балдарыма карап Бишкекке келгем. Кичинекейди жаңы төрөлгөндөн тарта өзүм чоңойттум. Азыр ал 7ге чыгып калды. Улуусу 6-класс, экинчиси 5-класста окушат.

Убакыт өтүп баратканынан уулума "балдар чоңоюп кете электе үйүр алып калышсын" деп жатып үйлөнткөнбүз. Экинчи келиним да оор басырыктуу, жакшы адам эле. Балдар да ага бат эле көнүп кетишти. Жүрөгүм бир аз да болсо ылдыйлап, санаам тынчып калган...

Бирок уулумдун экинчи келинчеги операция жолу менен төрөп, эки күндөн кийин бала аман калып, өзү каза болуп калды.

— Дарыгерлер себебин айтыштыбы?

— Бул келиним бөөдө жерден, дарыгерлердин шалаакылыгынан эле көз жумду. Операция кылып жатып ичегисине бычак тийгизип алышкан окшойт, ириңдеп кетиптир деп айтышкан. Эки күн ары-бери сүйрөп жүрүп, үчүнчү күнү өзүнө келбей бул дүйнө менен кош айтышты.

...Байкуш неберелерим апаларын көрбөй калышты (үшкүрүнүп). Операция кылган дарыгерлерди сотко бердик, бирок өлгөн кишини кайра алып келе албайт экенсиң, балдарым менен ыйлап кала бердим. 

Жительница одного из новостроек Бишкека Айымбубу Сабырова, которая одна растит 4 внуков после смерти невесток во время родов
© Sputnik / Таалайгуль Усенбаева
Айымбүбү апа уулу жана неберелери менен Бишкектин жаңы конушунда эки бөлмөлүү батирде турат

— Бул небереңизди да өзүңүз бактыңызбы?

— Ооба, бирок таенеси анда-санда алып кетип каралашып турат. Бүгүн да таенеси алып кеткен. Кыйналганыма карабай төрт бир тууган бир үйдө чоңойсо деп ойлогон элек, бирок кээде карылык да, кыйналып кетем.

— Балдардын атасы иштейби?

— Курулушта иштечү. Экинчи аялы көз жумгандан кийин абалы начарлап кетти. Дарыгерлерге көрсөтсөк, кант диабети деген диагноз коюшту. Бул диагноз менен оор жумушта иштеген болбойт экен. Азыр уулум кичине өзүнө келип, акырындан иштеп жатат. Балдарды алып Жумгалга деле кетип калайын дейм, бирок уулум "айылга барбай эле бул жактан эптеп оокат кылам" деп жатат. Анын үстүнө эки үйдүн балдары бир үйгө батпайт да. Элден деле жардам сурагандан тартындык, бирок балам да ооруп калганда аргасыздан кайрымдуулук фонддорго барганбыз. Кыздарым деле бар, бирок алар турмушка чыккан, өздөрү менен өздөрү. 
Жительница одного из новостроек Бишкека Айымбубу Сабырова, которая одна растит 4 внуков после смерти невесток во время родов
© Sputnik / Таалайгуль Усенбаева
Сабырова: келиним үчүнчү уулун 2012-жылы төрөгөндөн беш күндөн кийин каза болуп калды

— Балдарга жөлөкпул чыгабы?

— Ооба, башында 3000 сом алчубуз. Азыр 5000 кылып көбөйтүп берген. Бирок ал акчаны батирге төлөйбүз. Калаада өзүбүздүн үй жок, батирден-батирге көчүп жашап жатабыз. Тамак-ашыбызга болсо менин пенсиям тыгынчык болуп турат.

Тирүү адамдын күнү өтө берет турбайбы. Балдарымды энеси жоктой кылбайын деп кийимдерин жууп-тазалап, тамагын жасап берип жанындамын. Сабактарын мыкты окушат, мектепте улуулары -  экөө тең активист. Ушуга шүгүр кылып отурам...

Белгилер:
бала, келин, төрөт, жардам, тагдыр
Тема боюнча
Кескин дем алба, туура ыйына көр! Бала кантип төрөлөт. Видео
Жолдошумдун көңүлдөшү кош бойлуу экенин "сүйүнчүлөдү". Бишкектик айымдын баяны

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео

Атаандашы 7-раунддан кийин чыкпай койду. Боксчу Акжолдун жеңиши видеодо

(жаңыланган 17:16 18.04.2021)
Эки спортчу тең мурда жеңилүү ызасын тарткандан кийин рингге чыгышкан. Кыргызстандык боксчуга жеңиш оңойчулук менен келген жок. Каршылашы менен жети раунд беттешип багындырды.

Кыргызстандык боксчу Акжол Сулайманбек уулу Екатеринбург шаарында өткөн RCC Boxing Promotions турниринде россиялык атаандашы Никита Кузнецовду утуп алды.

Аталган уюмдан Сулайманбек уулу дал ушул жеңиши үчүн бокска кайтканын белгилешти. Ал өткөн жылы март айында нокаут менен утулуп калган эле.

Кыргызстандык спортчу ар бир раунд сайын күч алып, таамай сокку уруп жатты. Жетинчи раунддан кийин Кузнецов беттешти улантуудан баш тартты.

Муну менен Сулайманбек уулунун куржунунда 16 жеңиш, бир жеңилүү бар. 2018-жылы ал Дүйнөлүк бокс ассоциациясынын версиясы боюнча Азия чемпиону болгон. Бул титулду төрт жыл катары менен сактап келет.

Белгилер:
жеңиш, беттешүү, бокс, Акжол Сулайманбек уулу
Тема боюнча
Эркин күрөштөн биринчи болуп Эрназар Акматалиев Олимпиадага лицензия утту. Видео
UFC Валентина Шевченко катыша турган мелдештин трейлерин жарыялады. Видео
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:33 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Абхазиядан алынган унааларга байланыштуу чуу

Кыргызстанда Абхазиядан алынган унааларды аныктоо боюнча рейд жүрүүдө. Себеби мындай унаалар ЕАЭБдин бажы мыйзамдарын бузуу менен алып келинген. Болжол менен онго жакын машина айып короого токтотулган.
Мындан улам Ала-Тоо аянтында жана өкмөт үйүнүн алдында Абхазиянын номери тагылган унаалардын ээлери митингге чыгышты. Алар Республикага буга чейин кирип кеткен автолорду мыйзамдаштырып берүүнү талап кылышууда. Айдоочулар буга чейин эскертүү берилбегенин билдирип, нааразы болушту. Митингчилер унааларын насыяга алгандар бар экенин, айрымдары такси айдап үй-бүлөсүн багарын айтышты.

Өткөн аптада Экономика жана финансы министрлиги абхазиялык номер тагылган унааларды мамлекет алып коюшу мүмкүн экенин эскерткен

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн