Кыргызстанда жыл башынан бери 40 киши сууга чөктү. ӨКМдин эскертүү видеосу

346
ӨКМдин кызматкерлери элге суу объектилеринде коопсуздук эрежелерин сактоо боюнча түшүндүрүү иштерин жүргүзүүдө.

Куткаруучулар балдарга тыкыр көз салып, аларды суу жээгине таштап кетпөөгө чакырышууда. Ошондой эле маалымат баракчаларын таркатуу менен кооптуу делген объектилерге белгилер орнотулууда.

ӨКМ эмнелерге тыюу салынарын эскертти:

— сууга түшүүгө шарты жок жайлар — көлмө, жасалма көлмө, каналдар, дарыялар жана башка суу объектилери;

— "Кооптуу!", "Сууга түшүүгө тыюу салынат!", "Чумкууга тыюу салынат!" деген белгилер коюлган жерлерге;

— мас абалында сууга түшүүгө;

— балдарды кароосуз калтырууга;

— чектөө киргизилген чийиндерден өтүп сүзүүгө;

— мотору бар кайыктарга, кемелерге жана башка каражаттардын жанына сүзүп барууга;

— куткаруучу каражаттарды туура эмес колдонууга;

— тереңдиги, абалы белгисиз сууларга секирүүгө;

— сууда түрдүү оюндарды уюштурууга;

— сууга сүзүү үчүн унаанын тетиктерин, үйлөмө матрацтарды, тактайларды жана башка ушул сыяктуу буюмдарды колдонууга;

— пляжга итти же башка жаныбарларды алып келүүгө;

— таштанды таштоого.

ӨКМ биринчи жардам көрсөтүү тууралуу эрежелерди эскертет:

— жабыркаган адамдын башын капталына буруп оозун кумдан жана ылайдан тазалоо керек. Дем алуу органдарынан жана ашказандан сууну чыгаруу үчүн жабырлануучунун башын жерди каратып тизеге жаткырыш керек. Буга 15 секунддан ашык убакыт кетпеши керек;

— жабыркаган кишинин дем алып жатканын жана пульсун текшерүү абзел. Эгер пульс жок болсо, "оозмо-ооз" жасалма дем алдыруу жасаш керек;

— моюндун алдына оролгон валик коюу керек. Жабырлануучунун башы максималдуу түрдө артка чалкалаган болушу шарт. Кишинин мурдун жаап, терең дем алып туруп оозуна үйлөө (мүнөтүнө 12-15 жолу) керек. Жасалма дем алдыруу менен кошо жүрөккө массаж жасоо зарыл. Алакандарды кайчылаштырып төштөн ылдый, жүрөк тушту мүнөтүнө 70 ирет басуу керек (ар бир төртүнчү басуудан кийин оозго үйлөө зарыл).

Акыркы мезгилдерде Кыргызстанда сууга чөгүү фактылары көп катталууда. 2019-жылдын 17-июнуна чейин өлкө боюнча 40 киши чөгүп кеткен. Алардын 15и — 12 жашка чейинки балдар.

Бир нече күн мурун эле эки жигиттин сууга чөккөнү маалым болду. 15-июнь күнү балдар суу сактагычтын жанында жүрүшкөн. 20 жаштагы бала сууда сүзүп баратып чөгө баштаган. Жээкте турган 22 жаштагы жигит куткарам деп барып өзү кошо чөгүп кеткен. Ал үйдүн жалгыз уулу болчу.

346
Белгилер:
коопсуздук, эреже, Суу, ӨКМ, Кыргызстан
Тема боюнча
Бирөөнү куткарам деп сууга чөккөн жигит үйдүн жалгыз уулу болгон. Баткендеги кырсык

Путин Конституцияга өзгөртүү киргизүү боюнча добуш берди. Видео

104
(жаңыланган 20:57 01.07.2020)
Бүгүн РФ Баш мыйзамына өзгөртүү киргизүү боюнча жалпы россиялык добуш берүү өттү. Иш-чарага Кыргызстандагы россиялыктар да катышты.

Россия президенти Владимир Путин № 2151 участокто добуш берди. Кечээ ал жалпы россиялыктарга кайрылып, маанилүү иш-чарага катышууга чакырган. Өлкө башчы өзгөртүүлөр элдин макулдугу менен гана кабыл алынарын белгилеген.

КРде Россиянын Баш мыйзамына түзөтүү киргизүү боюнча добуш берүү тилкелери жабылды

Добуш берүү биринчи жолу бир жумага чейин созулуп, 25-июндан 1-июлга чейин өттү. Алгач 22-апрелге белгиленип, бирок пандемиядан улам кийинкиге жылдырылган.

104
Белгилер:
Россия, эл, өзгөртүүлөр, конституция, Владимир Путин, добуш берүү
Тема боюнча
Бишкекте россиялыктар Конституциясын өзгөртүүгө добуш берүүдө. Сүрөт түрмөк
Путин Баш мыйзамга түзөтүү киргизүү боюнча добуш берди

Россия элчилигинде Баш мыйзамга түзөтүү киргизүүгө добуш берилүүдө. Видео

52
(жаңыланган 18:10 01.07.2020)
Кыргызстандагы россиялыктар төрт шаарда добуш бере алат. Ал эми борбор калаада элчиликтин имаратында өтүүдө.

Жарандар саат 20:00гө чейин добуш бере алышат. Өзү менен кошо Россия жараны экендигин тастыктаган документин алып келиши керек.

Эпидемиялык кырдаалдан улам элчилик шайлоочулардын коопсуздугун камсыздаган бардык чараларды көрдү.

Кирип бара жатканда антисептик колдонулууда. Аларга медициналык бет кап жана кол кап берип жатышат. Элчиликтин кызматкерлери сактануучу каражаттарды колдонууда.

Элчилик россиялыктарды төмөнкү даректер боюнча келип, добуш берүүгө чакырат:

  • Бишкек, Манас проспектиси, 55 (элчилик);
  • Ош, Камбаралы Бобулов көч., 77 (Башкы консулдук);
  • Кант, № 20022 аскердик бөлүк;
  • Каракол, № 87366 аскердик бөлүк.

Саат 14:00гө карата Кыргызстанда РФтин 2 855 жараны добуш бергендигин Sputnik агенттигине дипломатиялык өкүлчүлүктөн кабарлашты.

Путин Баш мыйзамга түзөтүү киргизүү боюнча добуш берди

Баш мыйзамга киргизилген өзгөрүүлөрдө президентке, өкмөткө жана ар кыл деңгээлдеги мамлекеттик кызматкерлерге талаптар жаңыланган. Жарандарга мамлекеттик социалдык кепилдиктерди бекитүү, парламенттин ыйгарым укуктарын өзгөртүү жана федералдык аймакты ажыратып алууга тыюу салуу, орус тилинин макамын бекемдөө каралган. Андан сырткары, бир беренесинде Кудай эскертилип, россиялык мамлекеттүүлүгүнүн өнүгүшү үчүн мураскерлик туурасында да айтылат.

Ошондой эле учурдагы иштеп турган мамлекет башчысына 2024-жылы кайрадан президенттик шайлоого катышууга мүмкүнчүлүк берет.

52
Белгилер:
элчилик, добуш берүү, конституция, Кыргызстан, Россия
Тема боюнча
Бишкекте россиялыктар РФ Конституциясына өзгөртүү киргизүү боюнча добуш беришүүдө
Бишкекте россиялыктар Конституциясын өзгөртүүгө добуш берүүдө. Сүрөт түрмөк
Ооруканада бейтап. Архив

Кыргызстанда пневмониядан бир суткада 17 киши көз жумду

0
(жаңыланган 11:12 02.07.2020)
Ушул тапта миңден ашуун бейтаптын өпкөсү сезгенип жатат. Анын ичинен 112си жандандыруу бөлүмүндө, оор абалдагылардын саны үч жүздөн ашат.

БИШКЕК, 2-июл. — Sputnik. Өлкөдө бир суткада пневмониядан 17 киши каза болгонун Республикалык штаб кабарлады.

Ага ылайык, соңку суткада 206 киши ооруканага түшүп, ушул тапта 1 247 бейтаптын өпкөсү сезгенип жатат. Анын ичинен 112си жандандыруу бөлүмүндө, оор абалдагылардын саны 337 болду. Каза болгондор бүгүнкү статистика менен жалпы 97ге жетти.

Пульмонолог Сооронбаев: 30 жыл иштеп мындай пневмонияны көргөн эмесмин

Март айынан бери жалпысынан пневмонияга 1 971 киши кабылып, анын ичинен 627 адам сакайып чыккан.

Республикалык штаб өпкөсү сезгендердин коронавируска тапшырган анализдери таза чыкканын белгиледи.

0
Белгилер:
өлүм, оорукана, бейтап, пневмония, Кыргызстан
Тема:
Кыргызстандагы коронавирус жуктуруп алгандар
Тема боюнча
"Гансиде" пневмония болгондорду кабыл алуу үчүн 600 орун даярдалды. Сүрөттөр
Бир суткада Кыргызстанда төрт адам коронавирустан каза болду