Араванда 82 жаштагы студент аксакал төртүнчү кесипке ээ болду. Видео

3509
(жаңыланган 21:15 17.06.2019)
"Студент аксакал" атка конгон Маматмуса Кулматов окуу жайга күн сайын 10 чакырымдай жөө басып келет. Жөө жүрүү анын хоббисине айланган.

Карыя учурда 82 жашта. Улгайдым, чарчадым дебестен 79 жашында Араван районундагы "Дулдул тоо" колледжинин фармакология факультетине тапшырган. Бул жылы окуу жайды жалаң "5" деген баага аяктоо алдында турат.

Бүгүн, 17-июнда, акыркы мамлекеттик сынакты ийгиликтүү тапшырган Маматмуса Кулматовдун кубанычында чек жок. Анткени аксакал студент медицина жаатында билим алып, дарыгер болууну бала кезинен бери кыялданып келген. Бирок анын ойлогон оюн кыстаган турмуш жеңип, Улуу Ата мекендик согушка кеткен атасынан алты жашында, апасынан тогуз жашында айрылган. Оор илдеттен айыкпай көз жумган апасынын өлүмү аксакалды дарыгер болууга түрткөндүгүн айтат.

Ал буга чейин ОшМУнун биология жана химия факультетин, андан соң Токмок шаарындагы авиация окуу жайын бүтүргөн. Мындан сырткары, агроном кесибине да ээ. Ай сайын алган алты миң сом пенсиясын окуу акысына төлөп, учурда төртүнчү кесибине ээ болду.

Окуу жайдын директору Сүйүндүк Абжалованын айтымында, Маматмуса Кулматов окуу жайдын тарыхында эң улуу студент болуп кала берет.

82-летний студент факультета фармакологии колледжа Дулдул тоо Араванского района Маматмуса Кулматов
© Sputnik / Зульфия Тургунова
"Студент аксакал" атка конгон Маматмуса Кулматов

"Бир күндө төрт пара болсо, чарчадым деп кетип калбай сабактардын баарына катышат. Кечигип келген учуру болгон жок. Тескерисинче, жаштардан калышпай билим алганы үлгү болду. Аксакал студентибиздин буга чейин биология жаатында билими жана тажрыйбасы болгондуктан практика учурунда Өзгөн жана башка аймактардын тоолорунан окутуучулар билбеген дары чөптөрдү таап, таң калтырды. Биз бул бүтүрүүчүбүз менен сыймыктанабыз. Кол жазуусу да шурудай тизилип, өзгөчө", — деди Абжалова.

Тайпалашы Бактияр Мадалиев аксакал неберелери менен тең жаштарга дене тарбия сабагынан да үлгү көрсөткөнүн белгиледи.

"Бизден калышпай турникке тартынат. Жөө чуркайт. Энергиясы ашып-ташып турган аксакал", — деди Мадалиев.

Маматмуса Кулматов фармакология факультетине тапшырар алдында анын жакындары каршы болгондугун айтат.

"Байбичем "чарчайсыз, кыйналасыз" деп мени аяп жатты. Бирок өмүр бою окуп, билим алуу хадисте да айтылган. Адам дайыма жакшы ойлор менен жашап, позитивдүү жүрсө өмүрү да узарат. Максаттарына да жетет. Ошол себептен 82де экениме карабай тынымсыз билим алып жатам. Бишкек шаарындагы бир катар окуу курстарынан да медицина жаатында билим алдым. Себеби алдыма койгон адам өмүрүн сактап калуу деген чоң максатым бар болчу. Бул эң ыйык милдет деп билем", — деди ал.

Буга чейин ал дары чөптөрдүн жардамы менен айрым илдеттерди айыктырып келген.

Эми билимдүү адис катары бул кесибин улантып, дары чөптөрдү изилдеп, кандидаттык диссертация жазууну максат кылууда.

"Учурда дары чөптөр боюнча иликтөөлөрүмдү жазып, сактап жүрөм. Буюрса китеп жазам", — деди Кулматов.

41 жаштагы уулу Равшан Кулматов атасы өжөрлүгүнүн арты менен 82 жашында дагы бир окуу жайды аяктаганын сыймык менен айтат.

"Атам бизге караганда тыңыраак. Бизден калышпай кетмен чаап, талаада иштейт. Багбанчылык, устачылык менен да алектенет", — деди ал.

Студент аксакал байбичеси экөө бир уул, төрт кызды эрезеге жеткирген. Учурда 18 неберенин, бир чөбөрөнүн сүйүктүү чоң атасы.

3509
Белгилер:
дарыгер, Араван району, студент, аксакал
Тема боюнча
Жаштар менен тең жарышкан Шакир карыя: машыкпай калсам демим кысылып кетет
Комбайнчы Жамиля апа: аял башы менен жөн эле жүрбөйбү дегендер болгон

Эч ким көрө элек кадрлар. Кыргызстандын жапайы жаратылышы видеодо

218
(жаңыланган 13:22 11.08.2020)
Ысык-Көлдүн Жети-Өгүз жана Күрмөнтү өрөөнүнүн бийик аймактарына жыйырмадан ашык фотокапкан коюлган.

Германиянын жаратылышты коргоо союзунун (NABU) Кыргызстандагы филиалы 2013-жылдан бери жаратылыш койнуна орнотулган камералардын жардамы менен мониторинг жүргүзүп келет. Азыркы көрсөтүлүп жаткан кадрлар 2014-жылы тартылганы менен эч жерге жарыяланган эмес.

Ок жеп, көзү көрбөй калган илбирстин абалы айтылды. Сүрөт

Фотокапкан илбирстердин терисиндеги темгили аркылуу анын өзгөчөлүгүн аныктоого жардам берет. Бул адамдардын колунун изиндей болгон эле уникалдуулук экендигин аталган уюмдан айтышты.

218
Белгилер:
фотокапкан, илбирс, Күрмөнтү айылы, Жети-Өгүз району, Кыргызстан
Тема боюнча
Тоо текенин этин аймаган ак илбирс. Фотокапканга түшүп калган жырткыч

Кыргыз жерине апаат алып келген коркунучтуу 8 эпидемия. Видео

280
(жаңыланган 16:23 10.08.2020)
Көчмөндөр башка дүйнө эли сыяктуу эле коронавирустан да коркунучтуу ооруларды баштан кечирген. Деген менен биз бул тандоого коронавирусту да киргиздик.

Бүгүнкү заманбап медицинанын тушунда тарыхта ата-бабаларыбыз эпидемиялардан канчалык жапа чеккендигин көпчүлүк элестете албайт. Көчмөн урууларынын өзүнчө жашоосу, керек болсо, тоонун таза абасы да айрым учурда аларды коркунучтуу оорулардан сактай алган эмес.

Карантинден кийин кыргызстандыктар кандай өзгөрөт. Психологдордун пикири

Кара тумоо, чечек, пес оорусу, сифилис, күйдүргү, кургак учук көчмөн элин кыргынга учураткан оорулардын тизмесин толуктабаса да, дал ушул илдеттер адам өлүмүн арбыткан эпидемиялардан болгон.

Бул айтылгандар тууралуу кененирээк билгиңиз келсе, Sputnik Кыргызстандын видеосун көрүңүз.

280
Белгилер:
коронавирус, эпидемия, эл, көчмөн, Кыргызстан
Тема боюнча
Учурда өлкөдө канча адам ооруканада COVID менен күрөшүп жатат? Статистика
Билл Гейтс: бизди коронавирустан дагы чоң алаамат күтүп турат
Маленькие бутылочки с наклейкой Vaccine COVID-19 (вакцина от COVID-19) и медицинский шприц. 10 апреля 2020 года

Каттоодон өткөн россиялык вакцина жапырт колдонууга качан чыгары айтылды

0
Россиянын Саламаттык сактоо министрлиги коронавирусту алдын алуу үчүн дүйнөдөгү биринчи вакцинаны каттады.

БИШКЕК, 11-авг. — Sputnik. Россияда чыгарылган коронавируска каршы күрөшүүчү вакцина 2021-жылдын 1-январынан тартып массалык колдонууга чыгарылат. Бул тууралуу өлкөнүн Саламаттык сактоо министрлигинин дары каражаттарынын мамлекеттик реестринин маалыматына таянып РИА Новости жазды.

Эскерте кетсек, бүгүн аталган министрлик коронавирусту алдын алуу үчүн дүйнөдөгү биринчи вакцинаны каттады. Препарат Гамалея атындагы эпидемиология жана микробилогия улуттук илимий изилдөө борбору тарабынан Россиянын түз инвестициялыр фонду менен биргеликте иштелип чыккан.

Россияда COVID-19га каршы вакцина алгандар ооруканадан чыкты. Видео

Маалыматта эмдөө алгач медиктерге жасалары айтылат. Иш-чара үстүбүздөгү жылдын сентябрь айында башталып, андан соң массалык түрдө чыгарыла баштамакчы.

0
Белгилер:
сатык, колдонуучу, коронавирус, вакцина, каттоо, Россия
Тема:
Дүйнөгө жайылган коронавирус