Бишкектен шектүүлөрдүн бирин кармоо учуру YouTube каналына жүктөлдү.
Кадрдан кишинин бирөөгө документ берип, акча алып жатканын көрүүгө болот. Ошол учурда Финполдун кызматкерлери аны колго түшүрүшкөн. Жанынан 5 миң сом табылган.
Финполдун маалыматына караганда, шектүүлөр Айыл чарба, тамак-аш өнөр жайы жана мелиорация министрлигинин алдындагы Карантиндик өсүмдүктөрдүн департаментинин кызматкерлери менен сүйлөшүп алып мыйзамсыз иштерди жасап келишкен. Тагыраагы, товарларды ЕАЭБ аймагына чыгаруу үчүн керектелген фитосанитардык сертификаттарды жана башка керектүү документтерди даярдап келишкен.
16-июнь күнү төрт шектүү кармалып, Бишкектеги №1 тергөө абагына киргизилген. Учурда тергөө амалдары жүрүүдө.
