Картошка калып, буурчакка өтөбүзбү? Жаңы министр Чодуевдин сунушу видеодо

564
Айыл чарба тармагын тескеген министрликтин жетекчиси алып-сатуу менен алектенген компаниялардын кеңешин уккан.

Акыркы жылдары дыйкандар менен Айыл чарба министрлигинин ортосундагы мамиле көңүл жылытарлык эмес. Жер айдап күн көргөн элеттиктер аталган мекеменин ишине дайым нааразы. Буга өткөн жылы картошка эгип, түшүмүн сата албай дыйкандардын сызга отурганы далил.

Эске сала кетсек, өткөн жылы Айыл чарба министрлиги жарым миллион тонна картошканы Өзбекстанга экспорттоо боюнча келишим түзүлгөнүн айтып, фермерлерге картошка эгүүнү сунуштаган. Натыйжада дыйкандар мол түшүм алып, бирок кардардын жоктугунан килограммы 4-5 сомго түшүп кетип, катуу зыянга учурашкан.

Дал ушул картошка чуусунан улам мурдагы министр Нурбек Мурашев кызматынан кол жууган. Андан мурун жыл башында дыйкандарга соя, чечевица жана буурчак эгүүнү сунуштап, соянын эле бир килограммы 100-120 сомдон сатыла тургандыгын билдирген

Sputnik Кыргызстан агенттигинин кабарчысы Мурашевдин ордуна келген Эркин Чодуевге кайрылып, экс-министрдин айткандары боюнча жоопкерчиликти өз мойнуна алаар-албасына кызыгып көрдү.

Чодуевдин айтымында, мындай сунуштамаларды берүү алдында министрлик алып-сатуу менен алектенген компаниялардын божомолун, кеп-сөзүн угат.

"Биз дыйкандарга кеңеш берер алдында соя, чечевица жана буурчакты алып-сатып иштеген компаниялар менен сүйлөшкөнбүз. Алар жазында үрөнүн берип, күзүндө даяр продукцияны сатып алабыз деп убада берген. Ал продукциялардын баасын базар аныктайт. Негизи жоопкерчиликтен качпайбыз. Убадаларды берүү үчүн экинчи тараптар менен келишим же меморандум болгондон кийин ишеничтүү айтышыбыз керек", — деди Чодуев.

Министрликтин маалыматына ылайык, быйыл республика боюнча 80 гектарга буурчак , 60 гектарга чечевица жана 2200 гектардай жерге соя эгилди.

564
Белгилер:
төө буурчак, Картошка, Эркинбек Чодуев, айыл чарба продукциясы
Тема боюнча
Айыл чарба министрине чириген картошка белекке берилди. Маектин видеосу
Министр болчу Чодуевдин Жээнбековдун кудасы менен жакындыгы барбы? Жооп видеодо

Димаштын сагынычы... Ырчы пандемиядан кийин кезектеги шедеврин тартуулады. Видео

230
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

230
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди

Токтоо тартып, окуяга сүңгүп кирип... Үмөттүн манас айткан видеосу

76
(жаңыланган 19:24 05.12.2020)
Жумурай журтка таанымал жаш манасчы Үмөт Дөөлөтов Sputnik агенттигине Семетейдин Таласка келип Бакайга жолуккан жеринен үзүндү айтып берди.

Үмөт бул өнөр менен эл алдына 3,5 жашында чыгып, Кыргызстандагы эң кенже манасчы атка конгон. Айрым илимпоздор аны 7 жашында кичинекей гений деп аташкан. Ал эми 9 жашында "Маданияттын мыкты кызматкери" төш белгиси тапшырылган.

Ал редакцияга берген маегинде акыркы кезде эмне менен алектенип жүргөнүн, жаштардай интернетке көп кирбей турганын, режиссёр болсо Саякбай манасчы тууралуу тасма тартарын айтып, кичирээк чакта эсте калган учурлары жөнүндө кеп кылды. Кененирээк Sputnik даярдаган интервьюдан окуй аласыз

76
Белгилер:
Талас, Семетей, өнөр, манасчы, Манас, Үмөт Болот уулу
Тема боюнча
Саякбай манасчы жандай көргөн "Карачологу" менен. Таберик сүрөт
Табият кырсыгынан тарта манасчы Дөөлөт жана дрондор шоусуна чейин. Апта ирмеми
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен