Укмуш номер болуптур! Атайдын бий тобу Кытайдагы сынакта финалга чыкты. Видео

25427
(жаңыланган 13:15 22.06.2019)
Бийчи Атай Өмүрзаков социалдык тармактагы баракчасы аркылуу анын Totem Show аттуу бий тобу эл аралык World"s Got Talent шоусунда эң мыкты сегиз артисттин тизмесине киргенин жар салды.

Ал видеону Facebook баракчасына жүктөдү. Долбоорго 50 өлкөнүн өкүлдөрү катышкан.

"Биз финалдык этапка даярдана баштадык. Ал 11-июлда Кытайдын Чанша шаарында өтөт", — деди Өмүрзаков.

Кыргызстандыктар жарым финалда Венгрия, Монголия, АКШ, Испания жана Ирландиядагы таланттар шоусунун жеңүүчүлөрү менен ат салышкан.

25427
Белгилер:
Атай Өмүрзаков, талант
Тема боюнча
Кытайдагы сынакта бийлеген арабадагы Адинай калыстарды суктандырды. Видео
Атай Өмүрзаков менен "Адем" тобу өнөрлөрүн тартуулады. ЭКСПОдогу видео

Муун алмашып... Олимпиадада спорттун өзгөчө түрүн көрсөткөн аялдардын видеосу

111
(жаңыланган 21:13 29.07.2021)
Эл аралык олимпиада комитетинин сайтында өзгөчө видео жарыяланды. Анда Советтер Союзу менен Россиянын атынан Олимпиадага спорттун таянып секирүү түрү боюнча катышкан аялдардын мууну көрсөтүлгөн.

Олимпиадада гимнастика боюнча аты тарыхта калгандар:

  • Лариса Латынина (СССР), Мельбурн 1956;
  • Вера Чаславска (Чехословакия), Мехико 1968;
  • Нелли Ким (СССР), Монреаль 1976;
  • Екатерина Сабо (Румыния), Лос-Анджелес 1984;
  • Светлана Богинская (СССР), Сеул 1988;
  • Генриетта Оноди (Венгрия), Барселона 1992;
  • Симона Аманар (Румыния), Атланта 1996;
  • Елена Замолодчикова (Россия), Сидней 2000;
  • Моника Рошу (Румыния), Афина 2004;
  • Хун Ун-Чжон (Кытай), Пекин 2008;
  • Сандра Избаса (Румыния), Лондон 2012;
  • Симона Байлз (АКШ), Рио 2016.
111
Белгилер:
бийиктик, видео, олимпиада
Тема боюнча
Марокколук мушкер Олимпиададагы беттеште атаандашынын жаагын тиштеп алды. Видео
Айсулуу Тыныбекова баштаган КРдин балбан кыздары Олимпиадага сапар алды

Анталья токоюндагы ири өрт шаарга өттү, жапа чеккендер бар. Видео

530
Түркиянын Анталья провинциясында токой өрттөнүп, эл жашаган райондорго жана шаардык кварталдарга өттү.

TRT Haber телеканалы маалымдагандай, табигый кырсык 40 градустук ысыкта Манавгат шаарына жакын төрт жерде башталган. Түркиянын Өзгөчө кырдаалдар башкармалыгынын маалыматына ылайык, жалын шамалдан улам тездик менен алоолоп, эл жашаган аймакка өтүп кеткен.

Посмотреть эту публикацию в Instagram

Публикация от Gurbetçi Gençler (@gurbetcigencler)

Беш калктуу пунктунун адамдары эвакуацияланган, 50дөн ашык киши жабыркаган. Өрт көптөгөн үйлөрдү жана отелдерди, транспорт каражаттарын, айыл чарба ишканаларын жана ондогон гектар токойду күлгө айланткан.

Посмотреть эту публикацию в Instagram

Публикация от Şırnak Haberleri (@sirnakhaberleri.tr)

Жалынды өчүрүүгө самолет жана пилотсуз учактар тартылган. Мындан сырткары, 19 тик учак жана 960 өрт өчүрүүчү унаалар иштеген.

​Антальянын мэри Мухиттин Беджек мындай өрттү биринчи жолу көрүп жатканын белгиледи.

Бийлик табигый кырсык туристтик жайлардан алыс жерде болгонун, ошондуктан Антальяда эс алып жаткандарга эч кандай коркунуч жоктугун белгиледи.

530
Белгилер:
шаар, өрт, Анталья, Түркия
Тема боюнча
Баткенде Пүшкөт жайлоосу күйүп жатат. Сүрөт, видео
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео