Балкондон ашыгына түшөм деп үйдөгүлөрдү коркутуп... Актаудан тартылган видео

1227
(жаңыланган 11:09 04.07.2019)
Окуя Казакстандын Актау шаарында болгон. 25 жаштагы жигит жакшы көргөн кызынын үйүнө 8-кабаттын балкону аркылуу кабель менен кирүүнү чечкен.

Бул анын ашыгы менен урушуп кеткенден кийинки кадамы экендиги белгилүү болду.

Окуянын видеосу YouTube каналына жайгаштырылган.

Sputnik Казакстандын кабарлаганына караганда, ал көп кабаттуу үйдүн чатыры аркылуу ылдыйды көздөй тогузунчу кабаттан түшүп келе жатканда жашагандар байкап калып, ызы-чуу чыгарышкан. Эл жигитти жанын кыйган жатат деп ойлоп, алаксытуу аракетин жасаган.

Жашоочулар менен полиция кызматкерлери аны батирдин балкону аркылуу кабелден түшүрүп алганга жетишкен. Жигит өзүн түшүрүүгө аракет кылгандарга каршылык көрсөткөнү менен балкондогулар аны көптөп жатып аман алып калган. Бир нече мүнөттөн кийин "Мажнун" кылар ишти кылып алып, бирок абада асылып турганда өзү да апкаарып калгандыгын айткан.

Бир аздан кийин жигиттин таарынышып кеткен ашыгы менен жарашуу үчүн үйүнө балкон аркылуу аракет кылганы маалым болгон.

1227
Белгилер:
балкон, кыз, жигит, Атырау, Казакстан

Беренелерди билбей кабинетине кире качкан депутаттар. Видео сурамжылоо

3655
(жаңыланган 13:28 04.03.2021)
Жогорку Кеңеш жаңы Конституциянын долбоорун референдумга алып чыгууну биринчи окууда колдоп берди. Ошол Баш мыйзамдын 76-беренесинен 88-беренесине чейин мыйзам чыгаруу бийлигинин укуктары тууралуу жазылган. Бул тууралуу депутаттар билеби?

Бүгүн ЖК депутаттары жаңы Конституциянын долбоору боюнча референдум дайындоо демилгесин биринчи окууда колдоп берди. Өлкөнүн маанилүү документи каралып жатканына карабай бир эле депутат төрт кесиптешинин ордуна добуш берди.
© Sputnik / Жоомарт Ураимов , Эламан Карымшаков, пресс-служба Жогорку Кенеша
Sputnik Кыргызстандын кабарчысы Эламан Карымшаков эл өкүлдөрүнөн өздөрүнө тишелүү беренелерди сурап көрдү.

Кызыгы, сурамжылоого катышкан 16 депутаттын бири дагы туура жоопту айта алышкан жок. Кээ бири жаңы Баш мыйзам менен таанышып чыга электигин ачык эле мойнуна алды. Айрымдары парламенттин эмес, президенттин укуктары жазылган беренелерди эстеп калганы белгилүү болду.

Пархат Тулендыбаев, Аалы Карашев, Бактыбек Райымкулов, Төрөбай Зулпукаровдор суроону уккандан кийин качып кутулду.

3655
Белгилер:
укук, депутат, жооп, суроо, берене, конституция, Жогорку Кеңеш
Тема:
Жаңы Конституциянын долбоору жана референдум
Тема боюнча
Алдына 4 "чычкан" чогултуп. Референдум дайындоого добуш берген депутаттардын видеосу
Жерде, түрмөдө жаткан депутаттар кантип кол койду? Момбековдун ачууланган видеосу
Талант Мамытов: бийликке "каралар" келди дегендер таржымалыбызды окуп койсун

КамАЗ унааларынын пианисттин коштоосундагы "бийи". Видео

162
16-февралда КамАЗ жүк ташуучу унааларын чыгарган компания 45 жылдыгын белгиледи. Буга байланышкан салтанатта заводдун КамАЗ-54901 маркасындагы жаңы унаалар "бийлеп" чыгышкан.

Виртуоз-пианист Денис Мацуев өзүнүн музыкалык тобу менен майрамдык кечеде Георгий Свиридовдун "Время, вперед!" оркестрдик сюитасын аткарган. Бул композиция "Время" программасын коштогон музыка катары белгилүү.

Жүк ташуучу унаалар муз аянтында музыканын ыргагы менен ар кандай маневрларды аткарышты.

"Популярдуу механика" КамАЗ азыр 60тан ашык негизги моделдерди жана 1500 автоунаалардын толук топтомун чыгарарын белгилеген.

162
Белгилер:
"КамАЗ", бий, видео, юбилей
Тема боюнча
Машина деп ушуну айт! Бишкекте Hyundai автоунаасынын жаңы моделдери сунушталды
Иштен бошотулган киши Mercedes заводунда 50 автоунааны талкалап салды. Видео
Кишенделген адам. Архив

УКМК: Жапаров, Ташиев менен тааныштыгын айтып кызмат саткан алдамчы кармалды

0
Комитет кармалган шектүү 15 миң долларга мамлекеттик кызматтан жетекчилик орунга дайындоону убада кылганын белгилөөдө.

БИШКЕК, 4-мар. — Sputnik. УКМК мамлекеттик кызматтан жетекчилик орун убада кылып, пара алып жаткан шектүүнү колго түшүрдү. Бул тууралуу атайын кызматтын коомчулук менен байланыш бөлүмү билдирди.

Шектүү башкаларды президентке жана УКМК башчысына жакын киши экенин айтып ишендирген.

“Кармалган адам президент жана УКМК башчысы менен жакын тааныштыгы бар экенин айтып, А.Б.А. аттуу жаранды 15 миң долларга мамлекеттик кызматтагы жетекчи орунга дайындоону убада кылган. Бул үчүн андан алдын ала 1 000 доллар аванс алган”, — деп айтылат билдирүүдө.

Бул факты боюнча Кылмыш кодексинин 204 (алдамчылык) беренеси менен иш козголду.

УКМК ушундай көрүнүшкө туш келгендерди же күбө бөлгондорду (0312) 66-00-20 жана (0312) 66-04-75 телефон номерлери аркылуу билдирүүнү өтүнөт.

0
Белгилер:
кармоо, шектүү, алдамчылык, УКМК
Тема боюнча
Кыргызстандыктарды миллиондогон сомго алдап кеткен киши Алматыдан кармалды
Айып короодогу 20 унааны каттайм деп 170 миң сом алып из жашырган. Шектүүнүн сүрөтү