Сумкасын кучактап жыгылган. Камчыбек Каримовдун өлүм алдында кармашкан видеосу

Жазылуу
Екатеринбургда эмгектенген ишкер жана "Кыргызстан-Урал" коомдук уюмунун мурдагы жетекчиси Камчыбек Каримов өлүм алдында кылмышкерлер менен кармашып жатканы видеого түшүп калган.

Екатеринбургдагы ишкер Камчыбек Каримовго кол салуу учуру видеого түшүп калган - Sputnik Кыргызстан
Екатеринбургдагы ишкер Камчыбек Каримовго кол салуу учуру видеого түшүп калган
Кадрдан бир эркек киши унаа токтотуучу жайда турган машинадан түшүп жолду көздөй басып кеткен, бир нече көз ирмемден кийин эле ал дагы бир киши менен Каримовду кууп келгенин көрүүгө болот. Кыргызстандык ишкер дарбазага жете бергенде колундагы сумкасын кучактап жыгылып түшкөн. Аны экөөлөп ур-тепкиге алганда каршылык көрсөтүп сумкасын берген эмес. Бул учурда ал жерге эки унаа келип, жөө адамдар да өтүп турган, бирок алар арачалаганга келген эмес. Каракчылар сумкадан акчаны чыгарып, чөнтөккө салып жатканы байкалат. Акырында Каримовду атып, экөө тең качып кеткен. Жабырлануучу ичин кармап, чөгөлөп отуруп калганда, өтүп бараткан адамдар жанына барган. Бир саамдан кийин тез жардам унаасы келген.

Эскерте кетсек, Камчыбек Каримовду 2-июлда Москва убактысы менен саат 13.00дө Екатеринбург шаарындагы Калинин көчөсүндө жайгашкан №22 үйдүн жанынан белгисиз адамдар атып кетип, каза болгон. Жергиликтүү ЖМКлар ишкердин жанында 19 миллион рубль болгонун жазышууда.

Жаңылыктар түрмөгү
0