Алсыраганын сездим. Антонина Шевченконун беттештен кийинки сөзү видеодо

436
(жаңыланган 15:25 04.08.2019)
UFC мушкери Антонина Шевченко турнирден кийин беттеш тууралуу айтып, апасын туулган күнү менен куттуктады.

Ал 3-августтун кечинде (Кыргызстанда 4-августтун таңы) АКШнын Ньюарк шаарында чехиялык Люси Пудилова менен күч сынашты. Эң жеңил салмактагылар арасындагы беттеш UFC on ESPN 5 турниринин алкагында өттү.

Экинчи раундда Шевченко муунтуу ыкмасын колдонуп, натыйжада Пудилова эсин жоготуп койгон. Рефери таймашты токтотуп, Пудилованы эс алдырууга аргасыз болгон.

"Жеңгениме абдан кубанычтамын. Командама, спарринг-өнөктөштөрүмө, досторума ыраазычылык билдирем. Ушул жактан түз эле Уругвайга учабыз, Валентина бир жумадан кийин титулун коргойт. Ошол жактан көрүшөбүз!" — деди мушкер.

Алып баруучу мушкерден муунтуп жатканда атаандашынын эсин жоготуп койгонун сезген-сезбегенин сурады.

"Ооба, сездим. Уктум. Алсырап калды. Бирок рефери кийлигишпегенинен уланта бердим", — деди Шевченко.

Посмотреть эту публикацию в Instagram

Публикация от Antonina La Pantera Shevchenko (@antoninapantera)

Сөзүнүн аягында жеңүүчү апасын туулган күнү менен куттуктады.

"Апа, биз сени жакшы көрөбүз. Беттешим жакты деп ойлойм", — деди ал.

Иш-чаранын уюштуруучулары Шевченко менен Пудилованын кармашын турнирдин мыкты беттеши деп таап, эки спортчуга тең 50 миң доллардан ыроолоду.

436
Белгилер:
Валентина Шевченко, Уругвай, муунтуу, турнир, Антонина Шевченко
Тема боюнча
Кашы жарылган Шевченко, АКШда желбиреген кыргыз желеги. Беттештин толук видеосу
Шевченконун беттеши UFC турниринин мыкты кармашы аталып, 50 миң доллар берилди
Валентина Шевченко эжеси Антонинаны укмуштуудай жеңиши менен куттуктады

Бишкекте инфекциялык оорукананын жаңы корпусу курулуп бүттү. Видео

124
(жаңыланган 11:32 24.10.2020)
Бул клиника инфекциялык ооруканага коюлган бардык талаптарга ылайык курулган. Жакынкы күндөрү бейтаптарды кабыл ала баштайт.

Бишкекте 100 орунга ылайыкташкан оорукананын жаңы корпусу курулуп бүттү. Бул тууралуу Саламаттык сактоо министрлиги билдирди.

Жаңы имараттын жалпы аянты 2 310 чарчы метрди түзүп, ал коронавирустук инфекциянын экинчи толкунуна даярдануу максатында өкмөттүн буйругу менен салынды.

Курулуш иштери 2020-жылдын 23-июлунда башталып, августтун соңу менен бүтмөк. Эки айга кечиккен корпус жакынкы күндөрү бейтаптарды кабыл ала баштайт.

Жаңы оорукана Республикалык клиникалык инфекциялык оорукананын аймагында жайгашкан жана изоляцияланган бокстардан, реанимациядан турат.

Бишкекте COVID жуктурган бейтаптарды кабыл алчу ооруканалар тизмектелди

Клиника инфекциялык ооруканага коюлган бардык талаптарга ылайык курулган. Бул инфекциялык ооруулар менен иштөө үчүн иштелип чыккан, аба жана саркынды сууларды толугу менен зыянсыздандырган жана индивидуалдуу аба соргучу бар мельцер бокстары бар.

"Ооруканага 180ге жакын медициналык жабдыктар, эмерек, ошондой эле тиричилик жана компьютердик техника сатылып алынды. Бир мобилдик рентген аппараты, 10 даана өпкөнү жасалма желдетүүчү аппараты (ИВЛ), 20 даана жогорку агымдуу кычкылтек менен камсыз кылуучу аппарат (БИПАП), 62 даана кычкылтек менен каныктыруу аппараты орнотулду. 3 дефибриллятор, инфузиялык терапия үчүн 38ден ашык аппарат, 26дан ашык бейтаптарды индивидуалдуу түрдө көзөмөлдөө аппараты жана 1 көчмө УЗИ аппараты менен жабдылды", — деп айтылат маалыматта.

Жандандыруу блогу залдан, обочолонгон интенсивдүү терапия бокстарынан жана оор абалда жаткан бейтаптар үчүн күнү-түнү реанимациялык чараларды камсыз кылган палаталардан турат. Реанимация бөлүмүндө 30 керебет бар. Дарылоочу жана реанимациялык бокстар заманбап жабдуулар жана оорулуунун жашап кетүүсүнө кубат берүүчү жабдыктар менен жабдылган. Бардык палаталарды борбордук кычкылтек менен камсыз кылуу уюштурулганы айтылды.

124
Белгилер:
курулуш, оорукана, жугуштуу инфекция, коронавирус
Тема:
Коронавируска байланыштуу Кыргызстандагы кырдаал
Тема боюнча
Коронавирустун белгилери байкалса кайда кайрылуу керек? Телефондор
Кыргызстандагы коронавирус: 582 киши ооруп калды, 324 бейтап сакайды

Кыргызстан менен Россиянын ТИМ башчыларынын жыйыны. Видео

195
(жаңыланган 17:22 23.10.2020)
Кыргызстандын тышкы иштер министри Руслан Казакбаев кечээ, 22-октябрда, Россия Федерациясына барган. Иш сапардын жүрүшүндө Казакбаев россиялык кесиптеши Сергей Лавров жана башка мамлекеттик органдардын жетекчилери менен жолукту.

Эки тараптуу жолугушуулардын соңунда Руслан Казакбаев менен Сергей Лавров журналисттерге маалымат жыйын курду.

195
Белгилер:
түз эфир, ТИМ, Россия, Кыргызстан
Тема боюнча
Министр Казакбаев Россияга барып, реформа жүргүзүүгө каражат сурады
Руслан Казакбаев Москвада ЖККУнун башкы катчысы менен жолукту
ТИМ имараты. Архивдик сүрөт

ТИМ: жылдын аягына чейин бюджет дефицити 450 млн. долларга жетет

0
(жаңыланган 18:13 24.10.2020)
Руслан Казакбаев Россияга эки күндүк иш сапары менен сапары менен барган. Ал жактан РИА Новости агенттигине маек курду.

БИШКЕК, 24-окт. — Sputnik. Пандемия жана шайлоодон кийинки саясий кризистин кесепетинен жылдын аягында Кыргызстандын бюджетинде 400-450 миллион долларлык дефицит болушу күтүлүүдө. Бул тууралуу тышкы иштер министри Руслан Казакбаев РИА Новости агенттигине берген маегинде айткан.

Анын айтымында, чек аралар жабылганда айрым коңшулар жана ЕАЭБдин алкагындагы өнөктөш мамлекеттер менен товар айлануунун көлөмү төмөндөп кеткен.

Лавров Кыргызстанга финансылык колдоо көрсөтүү боюнча суроого жооп берди

"Жылдын аягына чейин бюджетте 35-45 миллиард сом же 400-450 миллион долларлык тартыштык болору күтүлүүдө. Кыргызстан үчүн бул бир тор эле сезилерлик сумма", — деди министр.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

0
Белгилер:
дефицит, бюджет, Руслан Казакбаев, Кыргызстан, Россия
Тема боюнча
Казакбаев бюджетти колдоо боюнча РФ президентинин өкүлү Козак менен сүйлөштү