Өрт, октун үнү. Атамбаевдин үйүнүн жанындагы ызы-чуунун видеосу

1185
(жаңыланган 19:54 08.08.2019)
Sputnik Кыргызстандын кабарчысы жана күбө Кой-Таш айылында болуп жаткан окуяны видеого тартып алган.

Кадрдан милиционерлердин жоон тобу мурдагы президент Алмазбек Атамбаевдин үйүн көздөй бет алганын көрүүгө болот. Андан кийин үйдүн ичинде укук коргоо органдары менен Атамбаевдин тарапташтарынын атышып жатканы көрүнөт. Короосунда өрттүн жалыны да байкалат.

Бүгүн, 8-августта, саат 19:00дөр чамасында Алмазбек Атамбаевди Кой-Таштагы үйүнөн кармап кетишти.

Буга чейин Башкы прокуратура 7-августта болгон окуя боюнча бир нече кылмыш ишин козгогон болчу.

1185
Белгилер:
президент, Аскер, милиция, Кой-Таш
Тема:
Атамбаевдин Кой-Таштагы үйүндөгү атайын операция (176)
Тема боюнча
Атамбаевдин үйүнө бараткан аскерлердин жоон тобу. Кой-Таштагы сүрөттөр
Кой-Ташка жөнөгөн элди айылдын кире беришинен милициянын тобу тосуп алды
Алмазбек Атамбаевди кармап кетишти

Милициянын Кочкор-Атада кылмыштуу топтун 11 мүчөсүн кармаган видеосу

348
(жаңыланган 15:07 26.05.2020)
Жалал-Абад облустук ИИБдин жана Ноокен райондук милициясынын Уюшкан кылмыштуулукка каршы күрөшүү бөлүмү УКМКнын аймактык кызматкерлери менен биргеликте Кочкор-Ата шаарындагы кафелердин биринен уюшкан кылмыштуу топтун 11 мүчөсүн кармаган.

Бул туурасында Жалал-Абад ОИИБдин маалымат кызматы кабарлады.

Маалыматта алардын Ноокен районунун Кочкор-Ата шаарында криминалдык чөйрөдөгү "авторитеттердин" жыйынына чогулган учурда колго түшүрүлгөнү айтылат.

Алардын ичинен эки адамдын үстүнөн 19-мартта башка жарандан арыз түшкөн. Арызданган киши опузалап акча талап кылуу фактысы болгонун айтып, чара көрүүнү суранып кайрылган. Ал иш боюнча топтолгон материал Жалал-Абад ОИИБдин Кылмыш жана жоруктардын бирдиктүү реестрине катталып, Жазык кодексинин 203-беренесинин негизинде ("Опузалап талап кылуу") сотко чейинки өндүрүш иши башталган.

Иликтөө иштери алардын ким экендигин тактап чыккан. Бири Базар-Коргон районунун 26 жаштагы Ж. у М. аттуу тургуну экени, анын мурда бир нече ирет соттолгону аныкталган. Буга кошумча, кылмыштуу топтун ишин колдоп, аталган аймакта "положенец" болуп шайлангандыгы такталган.

Экинчиси, З.И. да аталган райондун жашоочусу болуп чыккан.

"Аталган кылмыш иши боюнча шектүү Ж. у М. өзүнүн жүргөн жерин жашырып, жашаган жерин өзгөртүп тергөөгө келбей, тоскоолдук жаратып качып жүргөн", — деп айтылат маалыматта.

Орган кызматкерлери аларды өздөрүнүн тобунун жыйынына келгенде колго түшүрүүнү чечкен.

Кочкор-Ата шаарындагы Ош — Бишкек автожолунун боюнда жайгашкан ашканалардын биринде аталган жыйын учурунда Ж. у М. жана З.И. кармалган. Алар менен кошо ошол жыйынга келген ыкчам кызыкчылык жараткан 9 (тогуз) атуул Жалал-Абад облустук милициясына жеткирилип, аты-жөнү такталып, манжа издери алынып, түшүндүрүү жана алдын алуу иштери жүргүзүлүп кайра коё берилген.

Маалыматта алардын да мурда соттолуп, учурда уюшкан кылмыштуу топтун активдүү мүчөлөрү катарында ИИМдин каттоосунда тургандар экени айтылды. Кармалгандардын эң улуусу 56, кичүүсү 25 жашта болуп чыкты.

Ал эми жогорудагы айтылган эки шектүү жаран кармалган ошол эле күнү, 22-майда, Жалал-Абад шаардык милициясынын убактылуу кармоо жайына киргизилген.

Бирок эки күн өтпөй Жалал-Абад шаардык сотунун тергөө судьясы аларды үй камагына чыгарып жиберген.

"24-май күнү Жазык кодексинин 203-беренесинин ("Опузалап талап кылуу") негизинде тергелип жаткан шектүүлөр Жалал-Абад шаардык сотунун тергөө судьясы тарабынан үй камагына чыгарылган", — деп айтылат маалыматта.

Учурда аталган сотко чейинки өндүрүш ишинин алкагында тергөө иштери улантылып жатканы белгиленди.

348
Белгилер:
тергөө, кармоо, опузалоо, топ, киберкылмыштуулук, Жалал-Абад, Кыргызстан
Тема боюнча
ИИМ: кыргызстандыктар менен бирге Европага героин ташыган чет элдиктер кармалды
Көлбаевдин кылмыштуу тобундагы "Чач" кармалды. Видео

Иранда иттерди COVID-19ду аныктоого үйрөтүшүүдө. Кызыктуу видео

122
(жаңыланган 11:11 26.05.2020)
COVID-19 вирусун күчүктөр да аныктай алабы? Тегеран шаарындагы иттерди үйрөткөн борбордун кызматкерлери бул ыкманы текшерип көрүшкөн. Эксперименттин видеосу Sputnik агенттигинин YouTube каналына чыкты.

Экспериментке ургаачы, эркегине жана түрүнө карабай бардык иттер катышкан. Мындай жол менен окумуштуулар кайсы жаныбардын майнаптуу иштээрин байкашмакчы.

Ит үйрөткөн кызматкерлердин айтымында, бул жандыктар вирусту 65 пайыз так аныктай алышат. Бир саатта бир күчүк 250-300 адамды текшерип коюу мүмкүнчүлүгүнө ээ.

122
Белгилер:
эксперимент, коронавирус, ит, Иран
Тема:
Кытайдагы жаңы типтеги коронавирус
Тема боюнча
COVID-19дун экинчи толкуну кандай болот? Дарыгерлердин божомолу
Москвадагы Жеңиш аба парады

Россияда Жеңиш парады 24-июнда өтмөй болду

0
(жаңыланган 18:35 26.05.2020)
Мамлекеттин коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

БИШКЕК, 26-май — Sputnik. Россиянын президенти Владимир Путин Жеңиш парады 24-июнда өтөрүн билдирди. Бул тууралуу РИА Новости жазды.

Ага ылайык, мамлекет башчы иш-чарага даярдык көрүүнү баштоого буйрук берген. Коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

Путин ошондой эле "Өлбөс полктун" жүрүшүндө аралыкты сактоо мүмкүн эмес экендигин айтып, аны 26-июлда, тагыраагы, Аскер-деңиз флотунан кийин өткөрүү пландалып жатканын белгилеген.

Эскерте кетсек, 9-майга пландалган парад жана "Өлбөс полктун" жүрүшү быйыл коронавирус эпидемиясынан улам өтпөй калган.

0
Белгилер:
иш-чара, Жеңиш парады, Владимир Путин, Россия
Тема:
Улуу Ата Мекендик согуштагы Жеңиштин 75 жылдыгы
Тема боюнча
"Өлбөс полктун" онлайн түрүн 20 миллион адам көрдү