Генералдык сөзүм! Курсан Асановдун Жолдубаева менен сүйлөшкөн видеосу

3490
(жаңыланган 21:45 08.08.2019)
Укук коргоо органдары Атамбаевди бүгүн, 8-августта, Кой-Таштагы үйүнөн кармаган болчу.

ИИМ башчысынын орун басары Курсан Асановдун мурдагы өлкө башчы Алмазбек Атамбаевдин кеңешчиси Кундуз Жолдубаева менен милицияга баруу үчүн сүйлөшүү жүргүзүп жаткан видеосу жарыяланды.

Кадрлардан көрүнүп тургандай, Асанов үйдүн үстүңкү кабатынын оң жагында ичтен бекилип турган эшиктеги Атамбаевдин жардамчыларына кайрылган. Анда Кундуз Жолдубаевадан куралды өткөрүп берүүнү өтүнүп, убадасына турарын айткан.

"Кундуз, куралыңды берсең, Алмазбек Шаршенович кийинип чыккыча. Эч ким кирбейт, бардыгын чыгардым. Болду, сөз бердик. Генералдык сөз, бирөө дагы тийбейт", — деген Курсанов.

Ал жанында турган кишиге биринчи унаага эки жансакчы менен Алмазбек Шаршенович, экинчи автокөлүккө Кундуз Жолдубаева отура тургандыгын айткан.

Укук коргоо органдары Атамбаевди бүгүн, 8-августта, Кой-Таштагы үйүнөн кармаган болчу.

3490
Белгилер:
сүйлөшүүлөр, Кундуз Жолдубаева, Алмазбек Атамбаев, Курсан Асанов, ИИМ
Тема:
Атамбаевдин Кой-Таштагы үйүндөгү атайын операция (161)
Тема боюнча
Милиция Кой-Ташта чогулгандарды күч менен таркатууда
Алмазбек Атамбаевдин ИИМдин имаратына алынып келген видеосу
Атамбаев ИИМде эмес. Анын кайда экени так белгилүү болду