Кой-Таштагы жаалданган элдин ичинен уулун таппай... Жүрөк тилген видеорепортаж

4770
(жаңыланган 11:49 10.08.2019)
,
Бул макалада Кой-Таш айылынын үч тургуну тууралуу баяндалат. Алар атайын бөлүктөн да, өз айылдаштарынан да жабыркагандардын өмүрүн сактоого жан үрөштү. Окуянын дал чордонунда алардын жакын туугандары да бар эле, бирок медиктер ишин таштап кете алышкан эмес...

Кой-Таш айылынын Тез жардам бригадасы биринчи күнү Атамбаевди кармоо аракетинен майнап чыкпай калгандан кийин жабыркагандардын өмүрүн сактоого күч жумшашты. Фельдшер, айдоочу жана медайым үчөө тең ошол айылда жашап, эмгектенишет. Жаракат алгандардын дээрлик бардыгын атынан билет.

Тез жардам бригадасынын ар бир мүчөсүнүн жакындары окуянын чордонунда жүрүштү. Медайым Бурул Теңизбаева иш убагында көз жашын тыя албай жатты. Анын уулу да жаракат алган... Андан ары эмне болгонун эч ким билбейт.

"Башаламандык башталганда уулум Атамбаевдин үйүндө экен, жаракат алганын билем. Андан кийин эмне болду кабар ала албадым... Кесиптештеримден сурасам, ар кимиси ар башкача айтат. Бири ооруканага жеткирилгенин айтса, башкасы бетинен жаракат алыптыр дейт. Ишимди таштап коюп, баламды издеп кете албайм. Жапа чеккендерге медиктердин көмөгү керек. Көп киши жабыркады", — дейт медайым.

Врачтардын ишин бөгөт посттордун көптүгү татаалдаштырды. Милиция дагы, жергиликтүү тургундар да өтүүгө өтө кыйын болгон тосмолорду орнотушкан. Жолго бетон тосмолорду ташташкан, айрым жерлерде бактарды кулатышкан. Ар бир тосмодон өткөн сайын ал жердеги адамдар машинаны текшерип жатышты.

Бөгөт посттон тез өтүү үчүн медайым машинанын терезесинен жоолугун булгалайт, ал эми айдоочу үн күчөткүч менен "Кой-Таштын тез жардамы! Жол ачкыла" деп өз кишилер экенин кабарлап турушту.

— Ок жаңырып жатат! Ошол тарапка айда, — деп буюрду айдоочуга медайым.

Тез жардам унаасы жаракат алып жерде жаткан кишинин тушуна токтоду. Медайым ага жардам көрсөтүп, кан басымын, тамырын кармап, шамдагайлык менен жараатын тазалады.

— Ооруканага барганыңыз оң, — деп кеңеш берди Бурул эже.

— Жок, рахмат, азыр бир аз эс алып, анан кетем, — деп койду ал киши.

Тез жардам бригадасынын фельдшери Гүлмира Шабданалиева жаракат алгандар Бишкектеги ооруканага жатууга көнбөй жатышканын мындайча болжоду.

"Шаарда аларды камап коюшат деп чочулашууда. Жеринде жардам көрсөттүк, колубуздан келгени ушул. Тез жардам шаардык ооруканаларга оор абалдагыларды гана алып кетип жатат", — деп түшүндүрдү адис.

Гүлмира айым окуя болгон жерде жолдошу жүргөнүн айтат. Айылда башаламандыктар башталганда үйгө отура албаптыр.

Жарадар болгондорго тезирээк жетүү үчүн тез жардам унаасы Кой-Таштын эң начар жолдору менен айланып барууга аргасыз болду. Бирок мурдагы президенттин үйү бардык тарабынан тосулган экен. Жабыр тарткандар отурган пункттун жанында токтоп, жардам көрсөткөн соң күч органдарынан бирөө бригадага чуркап келди.

— Тезирээк, жардам бериңиздер, эки аскер жарадар. Сураныч, тезинен аларды бул жактан чыгарып кетиш керек, — деп туталана өтүндү ал.

Атайын бөлүктүн эки кызматкерин тез жардамдын ичине салышты, бирок жаалданган топ аскерлерди чыгаргысы келбеди. Жабыр тарткандарды жулкулдата кыйнап салары толук ыктымал эле.

— Формаңарды чечкиле! — деп буюрду медайым аларга, — Силерди шейшеп менен жаап, жергиликтүү балдар деп чыгарып кетебиз. Милиция пунктуна чейин жеткиребиз, алар силерди ооруканага алып барышат.

Жигиттер канга боёлгон формаларын чечип, ич кийимчен гана калышты. Фельдшер алардын абалын текшерип, жамынууга шейшеп берди. Айдоочу кырдаалды түшүнгөндүктөн, жарандык тосмолорду дээрлик жарып өтүп жатты.

Медиктерди чыңалган жагдай гана эмес, унаа да кыйноого салды. Автомобиль улам өчүп калат же туруп-туруп эле от албайт. Эскилиги жеткен машинаны жолдо баратып оңдоп жатышкандай эле болушту. Анан бензин түгөндү таптакыр... Адыл айдоочу май куюучу жай менен сүйлөшүп, карызга куйдуруп алды.

— Рахмат! — деп Адыл катуу үн салган боюнча унааны кыштакты карай зуулдата айдап жөнөдү.

Тез жардамдын суусу да түтпөй, жолдо биротоло түгөндү. Биринчи эле тамдын жанына токтоп, үй тургундарынан атайын идишине суу сурап куйдуруп алып, андан ары жөнөштү.

Бурул эженин кесиптештери Атамбаевдин үйүндө атайын бөлүктүн жараланган бир нече кызматкери туткунга алынганын кабарлашты. Тайманбас медайым мурдагы президенттин үйүндөгү кишилерди тез жардам бригадасын ичке киргизүүгө көндүрдү. Жапа чеккендердин абалын текшерип чыгуу зарыл эле.

Экинчи кабаттагы өзүнчө бөлмөдө атайын бөлүктүн жараланган бир нече аскери отуруптур. Фельдшер менен медайым аларга көмөк көрсөттү.

— Булардын абалы оор. Ооруканага жеткирүү керек, — деди медайым Бурул эже.

Медиктерге алгачкы жардам көрсөтүүгө гана уруксат беришти. Медайым менен фельдшер жабырлангандардын абалын текшергенче айдоочусу жок. Көрсө, анын бир тууган иниси да окуянын чордонунда экен. Адыл мырзанын инисинин аман-эсен экенинен кабар алуу үчүн бир нече гана мүнөтү бар эле. Көп өтпөй кесиптештеринин бири Бурул эжеге анын уулу да аман экенин кабарлады. Баланын жараатын тигишиптир, ооруканадан өзү кетиптир. Тез жардам андан ары да адамдардын өмүрүн сактап калууга ашыга жөнөдү...

Кой-Таштан бир нече гана сааттын ичинде ооруканаларга 52 киши жеткирилди. Дагы ондогон жаранга жеринде жардам көрсөтүлдү.

4770
Белгилер:
медайым, фельдшер, айдоочу, унаа, тез жардам, оорукана, Алмазбек Атамбаев, Кой-Таш
Тема:
Атамбаевдин Кой-Таштагы үйүндөгү атайын операция (180)
Тема боюнча
Күндүн сүрөтү: спецназ аянттан ээнбаштарды кууп чыккандан кийин
Баласын тирүү алып калганым үчүн жек көрүшөт. Бишкектик педиатрдын маеги

Бишкек вице-мэри Мозгачева Мамлекеттик тил күнү менен кыргызча куттуктады. Видео

75
(жаңыланган 10:12 23.09.2020)
23-сентябрь — Мамлекеттик тил күнү. 1989-жылы дал ушул күнү Кыргыз ССРинин Жогорку Совети "Кыргыз ССРинин мамлекеттик тили жөнүндө" мыйзамын кабыл алган.

Бишкек шаарынын вице-мэри Виктория Мозгачева шаардыктарды Мамлекеттик тил күнү менен кыргызча куттуктады. Аны мэрдин кеңешчиси Гуля Алмамбетова өзүнүн социалдык тармактагы баракчасына жарыялады.

"Урматтуу шаар тургундары жана коноктору, сиздерди Мамлекеттик тил күнү менен чын жүрөктөн куттуктайм! Ар бир улуттун өзүнүн ыйык мурастары болот. Алардын эң башкысы — тили. Мамлекеттик тилибизди көздүн карегиндей сактап, улам байытып, өнүктүрүү ар бирибиздин милдетибиз. Биздин мамлекеттик тил достуктун жана ынтымактын тили болсун", — деди Мозгачева.

Жээнбеков элди Мамлекеттик тил күнү менен куттуктап, максаттары тууралуу айтты

Белгилей кетсек, 23-сентябрь - Кыргызстанда мамлекеттик тил күнү. 1989-жылы дал ушул күнү Кыргыз ССРинин Жогорку Совети "Кыргыз ССРинин мамлекеттик тили жөнүндө" мыйзамын кабыл алып, андан соң кыргыз тилине мамлекеттик деген макам берилген.

75
Белгилер:
куттуктоо, майрам, тил, Виктория Мозгачева, Бишкек мэриясы, Бишкек
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты

Индия: премьердин туулган күнүндө 100 шар жарылып кетип, адамдар жабыркады

192
(жаңыланган 13:00 22.09.2020)
Индияда бир боого байланган 100дөн ашык шар жарылып кетип, 30дай киши жабыркады. Учурда жабырлануучулар ооруканада жатат.

Окуя 17-сентябрь күнү Ченнай шаарында болгонун Times of India агенттиги жазды. Эл көчөдө премьер-министр Нарендра Модинин туулган күнүн белгилеп жаткан. Уюштуруучулар бир боого байланган 100дөй шардын жанында фейерверк аттырып, жыйынтыгында шарлар жарылып кеткен. Видеодон ошол маалда кадимкидей жалын чыгып кеткенин көрүүгө болот.

Кара түтүн менен кызыл жалын каптап... Бейрутта кайрадан өрт чыкты. Видео

Кырсыктан 30дай кишинин ар кайсы жери күйүп, ооруканага кайрылышты. Жергиликтүү бийлик мындай иш-чарага уруксат берилбегенин айтууда.

192
Белгилер:
жабырлануучу, жарылуу, Индия
Тема боюнча
Москвада көп кабаттуу үйдө жарылуу болуп, кыргызстандык жигит ооруканага түштү
Жарылуудан улам бир мамлекет жарыксыз калды. Теракт болгону айтылууда
Кичинекей бала. Иллюстративдик сүрөт

Ош: бала аман-эсен табылды. Бөбөктү каналга түшүп кетти дешкен

0
(жаңыланган 11:46 23.09.2020)
Баланы издөө иштерине ӨКМдин Ош шаардык куткаруу кызматынын өкүлдөрү тартылган. Бөбөк ата-энесине аман-эсен өткөрүп берилген.

БИШКЕК, 23-сен. — Sputnik. Ош облусунун Кара-Суу районунда сууга түшүп кетти деген төрт жаштагы бала аман-эсен табылды. Бул тууралуу ӨКМдин маалымат кызматы кабарлады.

Билдирмеге ылайык, 22-сентябрь күнү саат 17:46лар чамасында 112 кызматына Жаңы-Учар айылындагы Кайырма каналына кичине бала түшүп кеткени тууралуу маалымат келип түшкөн.

Милиционерлер жоголуп кеткен 6 жаштагы Чыңгызды тапты. Сүрөт

Издөө иштерине ӨКМдин Ош шаардык куткаруу кызматынын өкүлдөрү тартылып, баланы табышкан. Бөбөк ата-энесине аман-эсен өткөрүлүп берилген. ӨКМ анын абалы жакшы экенин кошумчалады.

0
Белгилер:
издөө, Суу, куткаруу, бала, ӨКМ
Тема боюнча
Чүйдө үч айдан бери дайынсыз болуп жаткан аял изделүүдө. Сүрөт