Бишкектин четинде союлган малдын каны дарыяга куюлууда. Видео

407
(жаңыланган 17:52 12.08.2019)
Күбө мал базардын жанында аккан кан аралаш сууну видеого тартып алган. Жергиликтүү тургундар өз саламаттыгы үчүн кооптонушууда.

Видео Жаш Гвардия көчөсүндө жайгашкан "Жантай" мал базарында 12-августта тартылган.

"Базардын ичинде мал сойгон жай жайгашкан. Ошол жерден бүт баары агып түшүүдө. Базардын артынан кан аралаш аккан сууну көрүүгө болот, ал жерде келемиштер да бар. Менимче, Курман айтта көп мал союлуп, калдыктарын дарыяга агызып жиберишкен", — деди күбө.

Жергиликтүү тургундар мамлекеттик органдардын тиешелүү чара көрүүсүн суранууда. Анткени алар өз саламаттыгы үчүн кооптонушууда.

407
Белгилер:
базар, кан, мал, Бишкек
Тема боюнча
Бишкектеги май куюучу жайлар бензинди кантип кем куят. Видео иликтөө
Бишкектин тургундары "Слоники" аянтчасын талашып мушташа кетишти. Видео
Кемпирдин колун толгогон милиционер. Кортеж өтөр маалда болгон окуянын видеосу

Кош болуңуз, Михаил Степанович! Sputnik Кыргызстандын эскерүү видеосу

378
Sputnik Кыргызстандын азыр кабыргасы кайышып турган учуру. Себеби агенттик ачылгандан тарта иштеп келе жаткан Михаил Степанович Рогожин — биздин техникалык директор көз жумду.

Бул кабар баарыбызды селт эттирди, көптөр дагы деле ишенбей турат. Ал эми гана 51 жаштын тамагын иче баштаган. Ар дайым сергек, тамашакөй жана сабырдуу эле. Анын эми бул дүйнөдө жок экендигине ишенбей да кетесиң.

Михаил Степанович кечээ түнү үзүлдү. Эки өпкөсү пневмония болуп, Тез жардам менен ооруканага түшүп, бирок медицинанын алы жетпей калды...

Ал өмүрүнүн акыркы күндөрүнө чейин коомдук ишин таштаган жок. Facebook тармагынын Кыргызстан сегментинде "Черный список" тобун негиздеген. Июлдун башында белгисиз бирөөлөр талкалап кеткен баракчаны кайра жандандырууга аракет кылып жаткан.

Ал сураган нерсеңди айтып бере койгон, жардамын аябаган адам болчу.

Михаил Рогожин бир катар жалпыга маалымдоо каражаттарында эмгектенди. 1990-жылдын орто ченинде Бишкектеги телерадиокомпаниялардын биринде шеф-редактор болгон. Кыргыз-орус славян университетинин эл аралык журналистика кафедрасында студенттерге сабак берген.

Ошондой эле ыр жана прозаларды жазып жүрчү. Сүрөт тартуу менен да алектенчү.

Михаил Степанович кесиптештеринин эсинде чечкиндүү жана адилеттүү жетекчи, кандай маселе болбосун акылга салып чечүү жолун билген адам катары калат.

Sputnik Кыргызстан агенттиги жана радиосунун жамааты Михаил Рогожиндин жакындарына жана туугандарына терең кайгыруу менен көңүл айтат. Аза кайгысын тең бөлүшөт. Биз үчүн оор жоготуу болду.

378
Белгилер:
Sputnik Кыргызстан, Сүрөт, пневмония, оору, эскерүү, Кыргызстан
Тема боюнча
Аялдын сырттаны эле... Бүбүкан Досалиевага жазылган некролог
Sputnik Кыргызстандын техникалык директору Михаил Рогожин дүйнө салды

Чалкасынан кетти. Ханзаада менен сүйлөшүп турган кишинин жыгылган видеосу

890
(жаңыланган 08:31 13.07.2020)
Улуу Британиядагы супермаркеттердин биринде иштеген күзөт кызматынын өкүлү ханзаада Чарльз менен сүйлөшүп жатып, чалкасынан жыгылды.

The Independent гезити бул окуя Бристол шаарында болгондугун жазды. Ханзаада Чарльз менен Камилла Паркер-Боулз Asda ири дүкөнүнүн коронавирус пандемиясы учурда тыным албай иштеген кызматкерлерине ыраазылык билдирүү үчүн келген.

Кызматкер колун аркасына алып, Чарльз менен сүйлөшүп туруп, бир учурда теңселип барып, чалкасынан кеткен.

Жанындагылар ага жардамдашууга ашыкканы менен аны кармаганга үлгүрбүй калышкан.

Анткен менен киши көп өтпөй эсине келип, аны кызматкерлер эки карысынан жөлөп ары жакка жетелеп кеткен.

71 жаштагы ханзаада Чарльз коронавирустан айыкты

Бир нече убакыттан кийин анын кайрадан Чарльз менен сүйлөшүп турганын көрүүгө болот.

Маалыматта бул иш-чара чатырдын алдында өткөндүгүн, анын катышуучулары баары бир аралыкты сактап, бири-биринен оолак тургандыгын көрүүгө болот.

Кызматкердин эмнеге жыгылган себебин гезит жазган эмес.

890
Белгилер:
дүкөн, кызматкер, Чарльз Коган, ханзаада
Тема боюнча
Тыңчы, волонтёр... Ханзаада Уильямдын жашыруун иштеген кызматтары
Ооруканадагы рентген аппаратурасы. Архив

Аймактагы ооруканалар миллиондогон сомго тендер жарыялай баштады

0
(жаңыланган 08:32 15.07.2020)
Медициналык мекемелер дары-дармек, жеке коргонуучу каражаттарды жана жабдуу алуу үчүн Мамлекеттик сатып алуулар порталына буюртмаларын чыгарды.

БИШКЕК, 15-июл. — Sputnik. Өлкө аймагындагы ооруканалар коронавируска каршы күрөшүү үчүн бир катар тендер жарыялашты. Бул тууралуу маалымат Мамлекеттик сатып алуулар порталына чыкты.

Ага ылайык, Ош аймак аралык бириктирилген клиникалык ооруканасы 7 миллион 811 миң 200 сомго эндоскопия жана эндохирургия үчүн аппаратура, тогуз миллионго рентген, үч миллионго операциялык стол алат.

Боронов: Ирандан учак менен дары алып келебиз, бир-эки күндө тартыштык жоюлат

Нарын райондук үй-бүлөлүк медицина борбору 11 миллион 446 миңге дары-дармек, жеке коргонуучу каражаттарга буюртма берүүдө.

Жалал-Абад облустук үй-бүлөлүк медицина борбору 2 миллион 136 миң 852 сомго коргоо каражаттарын ала турган болсо, Ноокат аймактык ооруканасы 7 миллион 373 миң 537 сомго дары, реактив сатып алуу ниетин билдирген.

0
Белгилер:
тендер, оорукана, медицина, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков: Кыргызстанда дары-дармек өндүрүү жолдору каралууда
Өкмөт: кычкылтек концентраторунун маселеси чечилди, саны жетиштүү