Баланы менчик бакчага жарым акчасына кантип киргизет. Өкмөттүн видео түшүндүрмөсү

165
(жаңыланган 13:00 26.08.2019)
Учурда билим берүү тармагындагы ыйгарым укуктуу органдар тарабынан программаны жеткиликтүү кылып, калкты көбүрөөк тартуу үчүн каржылоо механизмин өзгөртүү боюнча иштер жүргүзүлүп жатат.

Өкмөт менчик бала бакчага бөбөктү жеңилдетүү жолу менен киргизүү долбоору боюнча видеотүшүндүрмө жарыялады.

Эске салсак, буга чейин өкмөт аз камсыз болгон үй-бүлөлөрдүн жеке бакчага барган балдары үчүн акынын 50 пайызын төлөп бере тургандыгын кабарлаган. Башкача айтканда, бул Бишкек шаарында пилоттук режимде текшерип көрүү үчүн жасалган социалдык программа.

Видеодо аталган долбоордун кызматын кимдер кантип колдоно ала тургандыгы көрсөтүлгөн.

Билим берүү жана илим министрлиги буга чейин аталган социалдык долбоордун кызматынан колдоно алчулардын тизмесин да жарыялаган. Алар:

— Көп балалуу үй-бүлө (5 жана андан көп баласы бар);

— Аз камсыз үй-бүлө;

— Баккан адамынан айрылган, үй-бүлөнүн жалпы кирешеси 12 миң сомдон кем болгон бүлө;

— Ата-энесинин бирөө I же II топтогу майып болсо;

— Ата-энесинин бирөө же экөө тең мамлекеттик, муниципалдык кызматкер жана алардын ар биринин орточо айлык акысы 12 миң сомдон кем болсо.

Мындан сырткары, керектүү документ, шарт-талабын Sputnik Кыргызстан маалымат агенттигине толугу менен түшүндүрүп берген.

Өкмөттүн маалыматына ылайык, баа саясатын аныктоо үчүн Бишкек жана Ош шаарларындагы жеке менчик бала бакчаларга кошумча мониторинг жүргүзүлгөн.

"Бишкек шаары боюнча 2014-жылдан 2019-жылга чейин лицензия алган 73 жеке менчик бала бакча тууралуу маалымат топтолду. Алардын ичинен тогуз бакчада бир бөбөккө нарк 3500дөн 6000 сомго чейин болсо, 22 бала бакчанын баасы 6000ден 8000 сомго чейин, ал эми 42 бакчада бир балага төлөм 8000ден 10000 сомго чейин жетет", — деп жазылат маалыматта.

Долбоорго катышып жаткан бакчалардын ичинен тиешелүү документтери туура болгон, лицензиясы бар, талаптарга туура келген, окуу-материалдык базасы камсыздалган, кароодон өткөн тогузу тандап алынган. Атайын комиссия карап, алардын тизмесин да жарыялаган:

— "Капелька счастья" бакчасы. Дареги: Дэн Сяопин көчөсү, 551;

— "Бекхан" бакчасы. Дареги: Токмок көчөсү, 65;

— "Карлсон" бакчасы. Дареги: Восточная көчөсү, 64;

— "Балдар ааламы" бакчасы. Дареги: Лев Толстой көчөсү, 97а;

— Герман Гмайнер окуу-тарбиялык комплексинин SOS мекемеси. Дареги: Токтоналиев көчөсү,137а;

— "Кенгурёнок" мектепке чейин окуу жана тарбия борбору. Дареги: Бакаев көчөсү, 141;

— "Нур-Бала" бала бакчасы. Дареги: 7-кичирайон, 23/4а үйү;

— "В гостях у Пеппи длинный чулок" бала бакчасы. Дареги: Осипенко көчөсү, 38;

— "Слонёнок" ЖЧКсы. Дареги: Армейская көчөсү, 10-үй, 3-батир.

"Бул тизмеден тышкары ар бир ата-эне өзү жана баласы үчүн ыңгайлуу болгон бала бакчаны тандаса болот. Бакчалар жалпы 300 орун берген. Учурда жарандардан каалаган жеке бала бакчасына социалдык талон алуу үчүн билдирмелер кабыл алынууда", — деп айтылат өкмөттүн маалыматында.

Учурда билим берүү тармагындагы ыйгарым укуктуу органдар тарабынан программаны жеткиликтүү кылып, калкты көбүрөөк тартуу үчүн каржылоо механизмин өзгөртүү боюнча иштер жүргүзүлүп жатат.

Өкмөттүн маалымат кызматы Бишкек шаарында сынамык мезгили аяктагандан кийин 2020-жылдан баштап программаны башка шаарларда дагы иштетүү пландалып жатканын кошумчалады.

165
Белгилер:
долбоорлор, бөбөктөр, бала бакча, өкмөт, Бишкек
Тема боюнча
Өкмөт менчик бала бакчага барчулардын жарым акчасын төлөмөй болду. Шарты
Июнда мектептер алдында бир айлык лагерлер иштей баштайт

Нью-Йоркто акцияга чыккандар камалууда. Видео

48
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

48
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?

Унчукпай кутулушту. Ак үйдү митингчилерден кайтарган аскерлердин видеосу

259
(жаңыланган 22:04 04.06.2020)
Вашингтондо күч түзүмдөрү полициянын зомбулугуна кыжырланган элден Ак үйдү тегерете курчап, кайтарып турат.

Демонстранттар чагымчылык кылганы да айтылууда. Эскерте кетсек, Миннеаполисте 46 жаштагы афроамерикалык Жорж Флойддун өлүмүнөн кийин башталган башаламандык дүйнө жүзүнө чейин жайылып кетти. Флойд полиция кызматкерлеринин одоно аракетинен улам көз жумган болчу.

259
Белгилер:
Күч түзүмдөрү, Аскер, АКШ, митинг, акция
Тема:
АКШда афроамерикалыктын өлүмүнөн кийинки башаламандык
Тема боюнча
Тизелеп, тилектештикти билдирип… АКШ полициясынын видеосу
Мен — Жорж Флойдмун. АКШдагы акциялар дүйнөгө жайылды. Видео
Кайрадан орустар. АКШдагы козголоңго Москваны айыптоо кимге зарыл?