Аялын өөп келгиче кырдаал өзгөрүп... Футболчунун шаабайы сууган видео

23631
Болгарияда "Лудогорец" менен "Славия" командаларынын ортосунда көптөрдү кубандырып, бирок кайра көңүлүн чөгөргөн окуя болду. Окуянын видеосун RT телеканалы жарыялады. 

"Лудогорецтин" футболчусу Вандерсон Кристалдо экинчи таймда атаандаштарын жер муштатып гол киргизип, андан соң көрүүчүлөрдүн арасында отурган аялына кубанган тейде жүгүрүп кеткен. Ал арада кырдаал башкача өзгөрүп, калыс голду жокко чыгарып ийген. Беттеш ошентип бразилиялык спортчусуз уланган.

Оюн талаасына жеңиштин деми менен бир нече ирмемдерден кийин кайтып келген футболчу атаандашы топту эмнеге көк майсаңдын ортосунан баштабай жаткандыгын түшүнбөй калган. Ал арбитрдин демди сууткан чечими туурасында командалаштарынан билген.

Кийинчерээк гол эмне болгон күндө да эреже менен киргени аныкталган, бирок эсеп 0:0 менен аяктаган.

23631
Белгилер:
калыс, гол, футбол, Болгария
Тема боюнча
Легендарлуу футболчу акылга сыйбаган голун кайталап, таң калтырды. Видео
Буту жок төрөлгөн казакстандык Али атактуу футболчу Салах менен ойноду. Видео